Tímarit Máls og menningar - 01.09.2013, Qupperneq 86

86 TMM 2013 · 3
Ewa Lipska
Þrjú ljóð
Ewa Lipska er fædd í Kraká árið 1945. Hún sendi frá sér sína fyrstu ljóðabók, Wiersze
(Ljóð), árið 1967 og er oft talin tilheyra ’68-kynslóðinni, svokallaðri „Nýbylgju“. Helstu
nýbylgjuskáldin voru Stanisław Barańczak, Adam Zagajewski og Ryszard Krynicki. Þó
fyrstu ljóð þessara skálda eigi margt sameiginlegt, m.a. óhefðbundið tungutak og
undirliggjandi ádeilutón, hefur Ewa með ljóðagerð sinni undirstrikað listrænt sjálf-
stæði sitt. Ljóð hennar hafa verið þýdd á fjölda tungumála og hafa birst á íslensku í
þýðingu Geirlaugs Magnússonar árið 1993 (Í Andófinu: safn pólskra nútímaljóða).
ANNARS STAðAR
Ég vildi að ég byggi Annars staðar.
Í útsaumuðum bæjum.
Ég vildi ég gæti kynnst þeim
sem enn eru ekki fæddir í heiminn.
Við myndum loks verða ein og hamingjusöm.
Enginn endir í augsýn.
Engin koma. Engin brottför.
Hverfulleiki á minjasafni.
Engin stríð myndu vinna fyrir okkur.
Ekkert mannkyn. Enginn her. Engin vopn.
Hífaður dauði. Það gæti orðið gaman.
Á bókasafninu, fjölbinda tíma.
Ástin. Brjálaður kafli.
Hvíslandi fletti hann blaðsíðum hjarta okkar.
[Gdzie indziej]
þýð. Bragi Ólafsson