Tímarit Máls og menningar - 01.09.2013, Blaðsíða 87

Þ r j ú l j ó ð
TMM 2013 · 3 87
VARNAðARORð
Ég vara þig við sjálfum þér.
Treystu ekki sjálfum þér.
Þú gætir skotið þig í hnakkann
á hverri stundu.
Eða farið fram hjá sjálfum þér
þú gætir gleymt sjálfum þér
og orðið eftir.
Þú ert til alls vís.
Treystu ekki hægri hendinni.
Hún gæti undirritað þinn eigin dauðadóm.
Treystu ekki vinstri hendinni –
hún er vís með að reynast sú hægri.
Gættu að hugsunum þínum
þær munu yfirgefa þig áður en þú veist af,
slöngvast út um logandi heilabörkinn.
Varastu þögnina
sem þú sækir óþarflega mikið í –
hún getur losað um tunguhaft þitt.
[Ostrzeżenie]
þýð. Óskar Árni Óskarsson
SLYSIð
Lögreglan taldi
að beygjan hefði verið að hefna sín.
Allt í einu skrapp hún saman. Snarbeygði.
Sjónhverfingarmaður úr malbiki.
Skáldin þekkja þetta andartak:
þegar það er enn of snemmt að öskra
en of seint að hemja tunguna.
Á hraðskreiðum mótorhjólum
beint inn í móðuna miklu.
[Wypadek]
þýð. Magnús Sigurðsson