Morgunblaðið - 04.04.2019, Blaðsíða 18

18 FRÉTTIRInnlent
MORGUNBLAÐIÐ FIMMTUDAGUR 4. APRÍL 2019
Helgi Bjarnason
helgi@mbl.is
Úrslit í Meistaradeild í hestaíþróttum ráðast í kvöld, á síðasta
keppniskvöldi vetrarins, þegar keppt verður í tölti og flugskeiði.
Knaparnir Jakob Svavar Sigurðsson og Aðalheiður Anna Guðjóns-
dóttir standa langbest að vígi og berjast um einstaklingsverðlaun
meistaradeildarinnar en raunar eiga fimm aðrir knapar fræðilega
möguleika á sigri. Hvorki Jakob né Aðalheiður hafa unnið einstakl-
ingskeppnina áður og er því útlit fyrir að nýr meistari verði krýndur.
Lokakvöld Meistaradeildarinnar verður í Fákaseli í Ingólfshvoli í
Ölfusi, þar sem keppnin fór fram í mörg ár. Hefst keppnin klukkan
19. Fyrst verður keppt í tölti og síðan í flugskeiði.
Jakob Svavar er efstur fyrir lokakvöldið með 42 stig en Að-
alheiður Anna fylgir fast á hæla hans með 38,5 stig. Mörg stig eru í
boði og því getur margt gerst í kvöld. Þannig getur knapi sem nær
að vinna báðar greinarnar bætt við sig 24 stigum. Þess vegna eiga
fimm knapar sem eru með 18 til 24 stig möguleika á sigri, þótt hann
sé langsóttur. Meðal þeirra er Árni Björn Pálsson, fjórfaldur sig-
urvegari Meistaradeildarinnar, en hann er með 24 stig.
Góður hestakostur
Aðalheiður Anna ætlar ekki að gefa neitt eftir í keppninni. Hún
mætir í töltið með hæst dæmda klárhest í heimi og stjörnu síðasta
landsmóts hestamannafélaga, Kveik frá Stangarlæk. Þetta er frum-
raun Kveiks í keppni en hann hefur meðal annars hlotið 10 fyrir tölt
og vilja og geðslag. Jakob Svavar vann þessa grein í fyrra á Júlíu frá
Hamarsey og stefnir að því að endurtaka leikinn. Árni Björn Páls-
son mætir með glæsihryssuna Hátíð frá Hemlu II en hún hefur vak-
ið mikla athygli fyrir föngulega framkomu.
Ekki nóg með það að þá eru „villikettir“ skráðir til leiks, bæði í
töltinu og flugskeiðinu. Í því tilviki nýta liðin heimild til að kalla nýj-
an keppanda inn í liðið fyrir þessa tilteknu keppni. Þá eru í fyrsta
sinn ónefndir eldhugar á ferð sem telja sig eiga erindi við þá bestu
og eru búnir að kaupa sig inn í keppni. Heimilt er að bæta við einum
slíkum í hvora keppni og er það nýtt í báðum tilvikum í kvöld.
Í keppni liða standa Hrímnir/Export hestar best að vígi með 269
stig en Gangmyllan og Top Reiter eru ekki langt undan.
Meistaradeild Jakob Sigurðsson sem hér stendur efst á palli er efstur í stigakeppninni en Aðalheiður Guðjóns-
dóttir er skammt undan. Teitur Árnason sem er með þeim á smá möguleika.
 Lokakvöld Meistaradeildar í hestaíþróttum í Fákaseli í kvöld  Allt stefnir í mikla keppni á milli
Jakobs Svavars og Aðalheiðar Önnu  „Villikettir“ og ónefndir eldhugar eru meðal þátttakenda
Útlit fyrir að nýr meistari verði krýndur
Runólfur skipaður skrifstofu-
stjóri í heilbrigðisráðuneytinu
Runólfur Birgir Leifsson hefur verið skipaður skrif-
stofustjóri yfir skrifstofu hagmála og fjárlaga í heil-
brigðisráðuneytinu til næstu fimm ára. Runólfur er
viðskiptafræðingur að mennt og síðastliðin tíu ár hef-
ur hann verið framkvæmdastjóri fjármálasviðs hjá
Tryggingastofnun ríkisins. Áður vann hann hjá
Reykjavíkurborg um árabil. Hann var framkvæmda-
stjóri Sinfóníuhljómsveitar Íslands um sjö ára skeið. Runólfur Birgir Leifsson
STUTT
Samráðsvettvangurinn Allsgáð
æska heldur opið málþing í Gerðu-
bergi mánudaginn 15. apríl klukk-
an 17. Með málþinginu er ætlunin
að valdefla foreldra í vímuefna-
forvörnum. Á málþinginu flytja
meðal annarra erindi þær Bára
Tómasdóttir, Andrea Ýr Arnars-
dóttir og Aníta Rún Óskarsdóttir
frá Minningarsjóði Einars Darra,
Kristín Pálsdóttir, formaður Rót-
arinnar, og Víðir Sigrúnarson, geð-
læknir hjá SÁÁ.
Opið málþing hjá
Allsgáðri æsku
Tilboðsblöð og nánari upplýsingar má finna á reykjavik.is/leiga
Gott tækifæri í Mjódd
Öflugur rekstaraðili
Í Mjódd er áhugavert tækifæri fyrir verslun og veitingarekstur sem fer vel
með hlutverki húsnæðisins sem þjónustustöð Strætó. Stöðin gegnir mikilvægu
hlutverki innan leiðarkerfis Strætó og fara yfir 3.000 manns um hana daglega.
Vagnstjórar Strætó verða með aðstöðu vestast á jarðhæð hússins.
Ný starfsemi á að auka fjölbreytni þjónustu á svæðinu, laða til sín fólk og
vera öllum opin. Rýmið er tæplega 400 m2.
FA
R
04
19
-0
3
Áhugasamir sendi umsókn með tillögu að leiguverði á
netfangið sea@reykjavik.is fyrir 10. apríl 2019 ásamt lýsingu á
væntanlegum rekstri og upplýsingum um rekstraraðila.
Tölvuþrjóti tókst að hafa á aðra
milljón króna af Háskólanum á
Akureyri með því að komast inn í
tölvupóstsamskipti starfsmanns
skólans við erlent fyrirtæki og fá
hann til að millifæra á bankareikn-
ing. Katrín Árnadóttir hjá HA sagði
í samtali við mbl.is að brotið hefði
átt sér stað um jólaleytið og að það
hafi uppgötvast fljótlega. Um svip-
að leyti uppgötvaðist að svokallað
Keylogger-tæki var tengt við lykla-
borð tölvu í skólanum, en tækið les
lykilorð. Ekki er talið að málin tvö
tengist.
Þrjótur stal frá HA
Ófeigur Gestsson lést
2. apríl sl. á Heilbrigð-
isstofnun Vesturlands,
Akranesi, 75 ára að
aldri. Hann var fæddur
í Reykjavík 12. október
1943, sonur Gests Jóns-
sonar gjaldkera og
Kristínar Jónsdóttur
húsmóður.
Ófeigur starfaði hjá
Búnaðarsambandi
Borgarfjarðar sem
frjótæknir í rúm 20 ár.
Hann var jafnframt
virkur í ungmenna-
félagsstarfi og formað-
ur UMSB í áratug. Árið 1982 gerðist
Ófeigur sveitarstjóri Hofsóshrepps
og eftir það bæjarstjóri á Blönduósi
frá 1988 til 1994. Hann tók eftir það
við starfi ferðamála-
fulltrúa í Húnavatns-
sýslu og starfaði síðan
hjá Kaupfélagi Hún-
vetninga á Blönduósi.
Árið 2004 fluttu
Ófeigur og fjölskylda
til Akraness, þar sem
hann starfaði sem um-
boðsmaður Morgun-
blaðsins. Hann hafði
áður verið fréttaritari
blaðsins á Hvanneyri
og Hofsósi.
Ófeigur var kvæntur
Svanborgu Þórdísi
Frostadóttur við-
skiptafræðingi og eiga þau saman
dótturina Kötlu Kristínu, en Ófeigur
lætur eftir sig fimm börn og fjögur
fósturbörn.
Andlát
Ófeigur Gestsson