Morgunblaðið - 04.04.2019, Blaðsíða 51

DÆGRADVÖL 51
MORGUNBLAÐIÐ FIMMTUDAGUR 4. APRÍL 2019
Stjörnuspá
21. mars - 19. apríl 
Hrútur Þér býðst að freista gæfunnar og
taka áhættu sem ætti ekki að koma að
sök ef þú bara leggur ekki allt þitt undir.
Þér verður boðið fljótlega í brúðkaup.
20. apríl - 20. maí 
Naut Ef þú gáir vel muntu finna ákveðið
mynstur í þeirri ringulreið sem ríkir í lífi
þínu þessa dagana. Láttu velgengnina ekki
stíga þér til höfuðs.
21. maí - 20. júní 
Tvíburar Ekki hafa áhyggjur þótt þú eyðir
deginum í dagdrauma. Vinir leita til þin
því þú ert góður hlustandi og gefur góð
ráð.
21. júní - 22. júlí 
Krabbi Þú finnur á þér að eitthvað er í
uppsiglingu milli þín og ástvinar þíns. Það
að sjá alltaf það jákvæða í öllum hlutum
fleytir þér langt.
23. júlí - 22. ágúst 
Ljón Reyndu að eiga stund með for-
eldrum þínum í dag. Peningamál flækja
oft líf þitt en á því verður breyting síðar á
árinu.
23. ágúst - 22. sept. 
Meyja Þú stendur frammi fyrir vali sem
getur haft mjög örlagaríkar afleiðingar í
framtíðinni. Líttu á björtu hliðarnar, þá
kemurðu mörgu góðu í verk.
23. sept. - 22. okt. 
Vog Einhverjar sögur eru í gangi á vinnu-
stað þínum, reyndu að láta þær ekki hafa
áhrif á þig. Einhleypir hitta ákjósanlega
maka á ólíklegum stað.
23. okt. - 21. nóv.
Sporðdreki Það eru líkur á að þú fáir já-
kvæðar fréttir sem tengjast barni/börnum
í dag. Reyndu að vinna þér í haginn.
22. nóv. - 21. des.

Bogmaður Hömlurnar sem þú setur á
sjálfa/n þig eru út úr korti. Reyndu að
breyta til í lífinu. Gamall vinur hefur sam-
band.
22. des. - 19. janúar 
Steingeit Þú setur ekki margar reglur í
samböndum þínum, og þess vegna er
auðvelt að vera vinur þinn. Hafðu í huga
að margar hendur vinna létt verk.
20. jan. - 18. febr. 
Vatnsberi Þú þarft að einfalda umhverfi
þitt með því að fækka hlutunum í kringum
þig. Njóttu þess að slaka á eftir mikla
vinnutörn. Næstu dagar munu einkennast
af gleði og tíma með vinum og fjölskyldu.
19. feb. - 20. mars

Fiskar Foreldrar verða að sýna börnum
sínum sérstaka þolinmæði í dag. Láttu
ekki einhverja framagosa spilla verklagi
þínu og starfsgleði. Vinnufélagar þínir líta
upp til þín.
Að gefnu tilefni rifja ég upp vísusem sennilega hefur birst oftar
í Vísnahorni en nokkur önnur. Í
Mánudagsblaðinu 17. nóvember
1957 segir frá því, að Jósep heitinn
Thorlacius kaupmaður átti það til
að fá sér í staupinu eins og gerist.
Eitt sinn gekk þó Jósep í bindindi og
át þá jafnan „antabus“ til öryggis.
Elías Mar rithöfundur og Jósep
voru vinir og bað Jósep Elías að
yrkja vísu um bindindi sitt.
Anta- jafnan etur bus,
einnig Pega- ríður sus,
spíri- því ei teygar tus
Thorla- kappinn frækn cius.
Pétur sonur minn birti í Vísna-
horni svar Jóseps:
Danskt brennivín
drekkur sem svín.
Dyggðin er gengin. Svo far.
Elías Mar
á kvennafar
ætlar ef Guð lofar.
Þessi vísa Elíasar birtist í ljóða-
bók hans Speglun. Elsta kvæðið
heitir „Pastor Boots“ en það mun
ort um kaþólskan prest í Landakoti
sem vann sér það meðal annars til
frægðar að semja Íslendingum
kennslubók í frönsku. Elías líkir eft-
ir málfari útlendingsins í miðvís-
unni:
Í Landakoti lifir
lítill sköllóttur karl
einn í ofnkyntri stofu
utan við heimsins svall;
bænir í hljóði biður,
brosir við þér og mér:
Dro-dín han elskar a-dla,
ei-hnig míg, sjái tér
Máría býr til matinn,
Máría gólfin þvær,
Máría mjólkar kúna,
Máría sólin skær.
Ósk Þorkelsdóttir yrkir um Ís-
lendingabók:
Fortíð er liðin, frómt ég tel
en framtíðin vonir kyndir.
Það getur því aldrei gefist vel
að grafa upp fornar syndir.
Haraldur frá Kambi var kominn í
bindindi:
Ég hætti að drekka í hálfan mánuð
… hérna um daginn.
Bara til að tryggja haginn
og til að koma reglu á bæinn.
Gömul vísa:
Hrjáður flækir heimurinn,
hjúkrar í tæpum mæli,
en – alltaf sækir óvitinn
í það glæpabæli.
Halldór Blöndal
halldorblondal@simnet.is
Vísnahorn
Af Thorlacius
og pastor Boots
Boðið var upp á páskaegg á vinnu-stað Víkverja í gær, en þá stóð
matarvefur mbl.is fyrir nokkurs kon-
ar „smökkunarprófi“ fyrir áhuga-
sama starfsmenn Árvakurs. Þeir eru
enda valinkunnir sælkerar og þekktir
fyrir að gera vel við sig í mat og
drykk. Víkverji lét sitt ekki eftir
liggja í sætindaátinu, enda nauðsyn-
legt að brjóta til mergjar hvaða egg
væri nú það besta á markaðnum áður
en lagt væri í páskaeggjakaup.
x x x
Um eftirmiðdaginn voru afleiðingarþeirrar ákvörðunar farnar að
segja til sín, Víkverja til lítillar gleði.
Hann var farinn að geispa vegna
orkuleysis, húð hans var orðin dofin
af sykursjokki og tennur hans hótuðu
að yfirgefa „pleisið“ ef hann leyfði sér
mikið meira af sykri. Það mun víst
ekki vera of hollt að láta of mikið til
sín taka í páskaeggjaáti.
x x x
Vandræðalegasta stund Víkverjakom þó þegar einn þekktasti fjöl-
miðlamaður landsins spurði hann
hvort hann hefði gert sér nokkrar
ferðir að páskaeggjaborðinu. Þegar
Víkverji taldi þær saman kom í ljós
að hugtakið „nokkrar ferðir“ hefði
kannski átt við fyrir nokkrum ferðum
síðan og að engan veginn væri ljóst
hvað Víkverji hefði fengið sér mikið
af eggjum.
x x x
Hér kemur kaflinn, þar sem Víkverjilofar bót og betrun. Hann hafi nú
svo aldeilis lært sína lexíu og muni
aldrei aftur gerast sekur um óhóf í
súkkulaðiáti. Það loforð er þó ekki
meira virði en svo, að í sama mund og
hann skrifaði þessi orð stóð hann upp
frá sæti sínu og hélt eina ferðina enn í
átt til sætindanna. Afsökun Víkverja
er hins vegar sú, að orkuleysið hafi
verið farið að þjaka hann það mikið, að
hann þurfti bara einn skammt enn af
sykri til að klára pistilinn sinn.
x x x
Og hvaða páskaegg var svo best?Víkverji vill helst ekki segja frá
því, en lofar því þó, að úrvalið af
páskaeggjum í ár er svo mikið, að
enginn ætti að fara á mis.
vikverji@mbl.is
Víkverji
Drottinn er góður, miskunn hans
varir að eilífu og trúfesti hans frá
kyni til kyns.
(Sálm: 100.5)
• Stuðlað að heilbrigðri
hjartastarfsemi og bætir
ofnæmiskerfið
• Stutt heila-, húð-, lið-, vöðva- og
augnheilbrigði
• Verndað frumur gegn oxunarskemmdum
Astaxanthin
Eitt öflugasta andoxunarefni náttúrunnar
Astaxanthin frá Algalíf er 100% náttúrulegt hágæða
bætiefni, framleitt á sjálfbæran hátt við kjöraðstæður
sem tryggja að innhaldið skili sér til neytenda.
Astaxanthin er unnið úr
örþörungum. Þetta öfluga
andoxunarefni getur dregið
úr bólgum og verndað gegn
sterkum útfjólubláum geislum
sólar en aðrir góðir kostir eru
m.a. að það getur:
Útsölustaðir: Öll apótek, heilsuverslanir og heilsuhillur stórmarkaðanna