Morgunblaðið - 04.04.2019, Blaðsíða 42

MORGUNBLAÐIÐ FIMMTUDAGUR 4. APRÍL 2019
www.hitataekni.is | S: 5886070 | Smiðjuvegur 10 | 200 Kópavogi
Margverðlaunuð baðvifta
Einstaklega hljóðlát 17-25dB (A)
Innbyggður raka-, hita-
og hreyfiskynjari.
Vinnur sjálfvirkt
3W
Handfæravörur
Öflug þjónusta og gott vöruúrval
Hafðu samband og kynntu þér
vöruúrvalið og þjónustuna
Hulda Bjarnadóttir
hulda@mbl.is
Ein stærsta samfélagsmiðlaráð-
stefna heims, Social Media Market-
ing World, hefur verið haldin árlega
frá árinu 2013 í San Diego í Kali-
forníu en þar koma saman helstu
sérfræðingarnir í greininni auk
áhugafólks um miðlana. Samtals um
7.000 manns. Að þessu sinni voru
þekktustu fyrirlesararnir Mari
Smith, Jay Baer, Amanda Bond og
John Loomer, sem öll eru stjörnur í
heimi stafrænnar markaðssetningar.
Logi og Hulda tóku stöðuna með Sig-
urði Svanssyni, yfirmanni stafrænna
miðla hjá Sahara sem var á sýning-
unni.
Aðlögun efnis aðalatriðið
„Þarna var umræða um einstaka
miðla, en einnig mikil umræða um
strategíu, efnismarkaðssetningu, live
útsendingar og framtíðarspár.
Markaðurinn tekur svo hröðum
breytingum og því mikilvægt að átta
sig vel á hvað er í boði þannig að það
sé hægt að púsla öllu saman, nýta
það sem virkar vel á einum miðli til
að ná árangri á öðrum, en í dag er
ekki lengur hægt að veðja á einn
miðil,“ sagði Sigurður. Hann segir
fyrirtæki vera að aðlaga efni og
skilaboð að mörgum miðlum, þannig
það verði sem náttúrulegast og skili
ásættanlegum árangri. „En lands-
lagið verður sífellt flóknara með nýj-
um möguleikum, nýjum miðlum,
strangara regluverki og harðari
samkeppni um athygli.“
Sigurður segir það ekki koma á
óvart að umræðuþættir eins og
markaðssetning á Instagram sé vin-
sæl þetta árið á sýningunni. In-
stagram hefur tekið gríðarlegt stökk
í vinsældum á kostnað miðla eins og
Snapchat sem fær ekki mikinn fókus
á ráðstefnunni í ár segir hann. Þann-
ig var Instagram og Instagram story
mikið rætt.
„Einnig er Linkedin-umræðan
vinsæl en miðilinn hefur verið að
koma sterkur inn síðustu misseri
þegar kemur að B2B-markaðs-
setningu, en Íslendingar virðast vera
í auknum mæli farnir að nýta mið-
ilinn,“ segir hann.
Spjallmenni og Messenger
marketing koma kröftuglega inn
Chatbots eða Spjallmenni og
hvernig fyrirtæki geti nýtt sér þessa
spennandi lausn til markaðs-
setningar var einnig mikið rætt í ár
sem og í fyrra útskýrir Sigurður.
Sömuleiðis Messenger marketing,
sem var mikið í umræðunni, en það
er reiknað með að um 80% fyr-
irtækja verði byrjuð að nýta sér
þessa leið fyrir lok ársins 2020.
Hann segir teymið hafa lært fullt
af nýjum nálgunum. „En á sama tíma
og við lærum fullt af nýjum hlutum
þá höfum við einnig fengið staðfest-
ingu á að við erum mjög framarlega
á sviði markaðssetningar á netinu og
framleiðslu. Og á sama tíma og við
þurfum að aðlaga okkur að öllu því
nýja sem stendur okkur til boða þá
er samt gríðarlega mikilvægt að vera
ekki alltaf a hlaupum,“ útskýrir
hann. Það þurfi að staldra við, horfa
til baka og læra af því sem hefur ver-
ið gert til að hámarka árangur þess
sem koma skal. „Hraðinn er það mik-
ill að það er mikilvægt að minna sig
reglulega á það,“ segir Sigurður að
lokum.
Vinsælustu samfélags-
miðlarnir í dag
Umræðan um markaðssetningu, áhrifavalda og duldar auglýsingar á samfélags-
miðlum hefur verið fyrirferðarmikil víða um heim sem og persónuverndarlög því
tengd. Það er þó ekki lengur spurning hvort, heldur hvernig fyrirtæki og ein-
staklingar ætla að nýta þá samfélagsmiðla sem eru vinsælastir hverju sinni.
Samfélagsmiðlar Fjölmargir kynntu sér nýjungar í stafrænni markaðssetningu
á ráðstefnunni Social Media Marketing World í San Diego fyrir skömmu.
Þáttarstjórnendum í Ísland vaknar
er ekkert óviðkomandi og mikil-
vægt er að bregðast við of lágu
testósterónmagni í líkamanum en
einkennin geta verið af ýmsum
toga að sögn Elísabetar Reynis-
dóttur næringarfræðings. Þar má
nefna minni vöðvamassa, aukinn
fitumassa, minni beinþéttni, kyn-
deyfð og risvandamál, vægt þung-
lyndi, svefntruflanir, lið- og vöðva-
verki og skapstyggð.
Í grein sem Elísabet skrifaði um
málið segir: „Það getur verið þess
virði að fá sér vatnsmelónu á
kvöldin. Allavega ef eitthvert
vandamál er með kyngetuna. Talið
er að vatnsmelóna sé náttúrulegt
viagra og það sé þess virði að prófa
og sannreyna það. Efni í vatnsmel-
ónunni er citrulline eða sítrólín
sem er nokkurs konar amínósýra.
Efnaferli á sér stað þegar við borð-
um melónuna og það hjálpar til við
að víkka út og slaka á æðunum,
sem er hlutverk lyfja eins og
viagra og samskonar lyfja sem gef-
in eru við risvandamálum.“
Að sögn Elísabetar eru ýmis önn-
ur ráð úr fæðukeðjunni sem við
getum nýtt okkur gegn of lágu
testósteróni. Ostrur eru til að
mynda ríkar að sinki, sem hefur
mikil áhrif á sæðisframleiðslu og
testósterón. Rautt kjöt, alifugla-
kjöt, baunir og hnetur eru einnig á
meðal þeirra fæðutegunda sem
innihalda sink og hafa þar af leið-
andi jákvæð áhrif á kynhormónið í
líkamanum.
Elísabet tekur að sér að veita
einstaklingum og hópum næringar-
ráðgjöf og er vinsæll fyrirlesari
sem hefur hjálpað fjölda fólks að
ná árangri á ýmsum sviðum. Hana
má meðal annars finna á facebook-
síðunni „Ráðgjöf Betu Reynis“.
islandvaknar@k100.is
Áhugavert viðtal um kynhormón karla
Testósterón og
vatnsmelónur
Karlmenn sem þjást af of litlu magni kynhormóns-
ins testósteróns ættu að neyta vatnsmelóna að
sögn Elísabetar Reynisdóttur næringarfræðings
sem heimsótti Ísland vaknar í vikunni.
Kynhormónar Talið er að vatns-
melóna sé náttúrulegt viagra.