Morgunblaðið - 04.04.2019, Blaðsíða 24

24 FRÉTTIRInnlent
MORGUNBLAÐIÐ FIMMTUDAGUR 4. APRÍL 2019
Fjórir á litlu svæði
Þegar talað var við Brynjar síð-
degis á þriðjudag voru þeir að veið-
um utan við fjórar mílurnar út af
Öndverðarnesi. Friðunaraðgerðir
vegna hrygningar þorsks eru í gangi
á vestursvæðinu og takmarkanir
verða enn meiri í næstu viku.
„Við erum hérna fjórir dragnóta-
bátar á litlum bletti, auk okkar Rifs-
ari, Matthías og Guðmundur Jens-
son,“ sagði Brynjar. „Það getur verið
erfitt að athafna sig þegar margir eru
um hituna og þetta er talsvert álag á
svæðið. Við höfum langmest verið að
fá stóran þorsk, en það er frekar að
yngri fiskurinn komi á línuna. Við
fáum eitthvað með af ýsu og kola, en
erum ekkert að eltast við þær teg-
undir núna.
Ágúst Ingi Jónsson
aij@mbl.is
Frændgarðurinn á Steinunni SH 167
frá Ólafsvík hóf veiðar á ný á mánu-
dag eftir um tveggja vikna vetrarfrí.
Skipið er á dragnót og var með tæp
16 og 23 tonn í róðrum á mánudag og
þriðjudag. Þrátt fyrir brælu var róið í
gærmorgun, en eftir tvö köst var
haldið heim á leið um hádegi með um
15 tonn. Vertíðin hefur gengið ágæt-
lega að sögn Brynjars Kristmunds-
sonar skipstjóra en eðlilega séu dag-
arnir misgóðir.
Níu manns eru í áhöfn Steinunnar
og allir náskyldir eða tengdir. Brynj-
ar er skipstjóri og með honum eru
fjórir bræður hans, Þór, Ægir, Óðinn
og Halldór. Auk þeirra sonur Sum-
arliða bróður þeirra, sem er látinn,
sonur Brynjars, sonur Ægis og
tengdasonur Brynjars. Tæpast er að
finna meiri fjölskylduútgerð á land-
inu. Sjaldan þarf að ráða í pláss um
borð í Steinunni og þá liggur nokkuð
ljóst fyrir hvert mannskapurinn er
sóttur.
Byggt á gömlum grunni
Útgerð Steinunnar er byggð á
grunni sem Halldór Jónsson, afi
bræðranna, lagði á fjórða áratug síð-
ustu aldar. Þegar hann dró saman
seglin tóku synir hans við, en flestir
þeirra voru skipstjórar, og ráku lengi
útgerð og fiskvinnslu í Ólafsvík undir
nafninu Stakkholt.
Um 1990 keyptu þeir bræður
Brynjar, Þór, Ægir, Óðinn og Sum-
arliði Steinunni út úr Stakkholti og
hafa síðan gert út bát með þessu
nafni. Steinunn er 150 brúttótonn,
smíðuð í Garðabæ 1971, en hefur síð-
an verið lengd og yfirbyggð.
„Nafnið á bátnum er sótt til Stein-
unnar langömmu okkar og það er
óhætt að segja að hún hafi haldið vel
utan um hópinn sinn. Þetta er bátur
númer tvö með þessu nafni, en eldri
báturinn var seldur til Hornafjarðar
og Skinney-Þinganes heldur Stein-
unnar-nafninu enn þá í útgerðinni.
Ég held það hafi reynst þeim vel eins
og okkur,“ segir Brynjar.
Ég fór norður á Fláka í norðan-
verðum firðinum á mánudag, en þar
var nánast ekkert að hafa svo við
komum hingað og fengum þá níu
tonn. Á Flákanum er hins vegar
ábyggilega nóg af fiski, þó svo að við
höfum ekki hitt á hann á sandbotn-
inum.“
Brynjar segir að frá 1. -13. mars
hafi þeir fengið um 240 tonn og þenn-
an tíma hafi verið hægt að róa nánast
upp á hvern dag. Er leið á mánuðinn
varð veðrið hins vegar leiðinlegra.
Það sem af er fiskveðiárinu eru þeir á
Steinunni búnir að veiða 1.140 tonn,
og 750 tonn frá áramótum. en síðustu
ár hefur ársaflinn verið alls um 1.500
tonn upp úr sjó. Allur afli Steinunnar
fer á markað og segir Brynjar að
ágætt verð hafi fengist fyrir þorsk í
vetur.
Hann segir að þeir séu lítið að
leigja til sín og lítið sé upp úr því að
hafa. Þeir hafi frekar miðað við að
fara í sumarfrí um 20. maí og hefja
veiðar aftur um 20. ágúst. „Annars
vildi ég helst taka þetta í einum rykk
og stoppa svo þegar kvótanum er
náð,“ segir Brynjar.
Peðrur af loðnu
Hann segir að víða á Breiðafirði og
við Snæfellsnes hafi loðna sést und-
anfarið og loðna hafi verið í fiskinum.
„Á leiðinni norður á Fláka á mánu-
daginn voru víða peðrur og eins á
leiðinni suður í kant. Í stóra sam-
henginu veit ég hins vegar ekki hvort
þetta telst vera mikið af loðnu.“
Í marsmánuði komu um fimm þús-
und tonn á land í höfnum Snæfells-
bæjar og um sex þúsund tonn í febr-
úar.
Frændgarður í fjölskylduútgerð
 Bræður, synir og tengdasonur í níu manna áhöfn dragnótabátsins Steinunnar SH frá Ólafsvík
 Nafnið sótt til langömmu útgerðarmannanna, sem hefur „haldið vel utan um hópinn sinn“
Morgunblaðið/Alfons Finnsson
Samhentir Skipverjar á Steinunni SH 167 koma úr róðri á þriðjudag, frá vinstri: Ægir Ægisson, Halldór Kristmundsson, Þór Kristmundsson, Brynjar
Kristmundsson, Kristmundur Sumarliðason, Oddur Brynjarsson, Óðinn Kristmundsson, Vilhjálmur Birgisson og Ægir Kristmundsson.
Steinunn SH Þrír róðrar í þessari viku hafa skilað um 55 tonnum og frá áramótum er aflinn um 750 tonn.
Tveir bátar úr Rifi sem eru í neta-
ralli á vegum Hafrannsóknastofn-
unar drógu í fyrsta skipti í fyrra-
dag og mokfiskuðu. Saxhamar SH
50 fékk um 70 tonn í Faxaflóanum
og Magnús SH 205 um 60 tonn í
Breiðafirði. Fimm skip taka þátt í
netaralli í ár, auk fyrrnefndra skipa
eru það Friðrik Sigurðsson ÁR 17,
Hvanney SF 51 og Þorleifur EA 88.
Helmingur stöðva í netaralli er
fastur þ.e. staðsetning breytist
ekki milli ára. Fyrir hverja fasta
stöð velur skipstjóri síðan lausa
stöð í 0,5-4 sjómílna fjarlægð frá
föstu stöðinni. Í netaralli hafa frá
upphafi verið notuð net með 6, 7,
8 og 9 tommu möskvum, jafnmörg
net á hverri stöð/trossu. Farið
hefur verið í netarall eða SMN frá
árinu 1996 og er þetta því 24. rall-
ið. Verkefnið beinist fyrst og
fremst að þorski á hrygningar-
tíma, en mælingar á öðrum teg-
undum voru auknar 2002. Miðað
er við að netarall hefjist sem næst
1. apríl ár hvert þannig að það fari
að mestu fram á sama tíma og há-
mark hrygningar þorsks við Ísland
og veiðibann er vegna hrygningar.
Mokveiði fyrsta daginn
FIMM BÁTAR TAKA ÞÁTT Í NETARALLI