Morgunblaðið - 14.05.2019, Side 10
BAKSVIÐ
Baldur Arnarson
baldura@mbl.is
Borgarstjórn Reykjavíkur samþykkti
í mars endurskoðaða eineltisstefnu
og breytt verklag borgarinnar gegn
einelti, áreitni og ofbeldi. Kolbrún
Baldursdóttir, sálfræðingur og borg-
arfulltrúi Flokks fólksins, var for-
maður hópsins og stýrði vinnu hans.
Hópurinn var þverpólitískur. Í hon-
um sátu auk Kolbrúnar: Alexandra
Briem, Geir Finnsson, Guðrún Ög-
mundsdóttir, Sanna Magdalena
Mörtudóttir, Ragnhildur Alda Vil-
hjálmsdóttir og Vigdís Hauksdóttir.
Kolbrún er sálfræðingur og sérfræð-
ingur í eineltismálum. Hún segir ára-
langa reynsla sína í þessum málum
hafa nýst vel.
Við endurskoðun stefnu og verk-
lagsins hafði hópurinn m.a. til hlið-
sjónar ábendingar sem borist höfðu
frá starfsfólki borgarinnar vegna ein-
eltismála. Þá var haldinn upplýsinga-
fundur með Persónuvernd.
Skilgreiningunni var breytt
Að sögn Kolbrúnar var ákveðið að
hafa forvarnarkaflann ítarlegri en í
fyrri stefnu. Þá hafi skilgreiningu ein-
eltis verið breytt lítillega.
„Stýrihópurinn var sammála um að
nota ekki hugtakið „síendurtekin“
eins og er í reglugerð [velferðar]ráðu-
neytisins nr. 1009/2005 [um aðgerðir
gegn einelti, kynferðislegri áreitni,
kynbundinni áreitni og ofbeldi á
vinnustöðum]. Þar er skilgreining
eineltis þannig að það sé ófrávíkjan-
legt skilyrði að hegðunin sé síendur-
tekin. Þessu hefur fylgt nokkur vandi.
Einstaka rannsakendur hafa nefni-
lega gengið svo langt að fullyrða að
„síendurtekin hegðun“ merki að hátt-
semin þurfi að vera viðhöfð vikulega
yfir það tímabil sem kvörtunin nær til
ef hún eigi að flokkast undir skil-
greiningu um einelti. Þrenging skil-
greiningarinnar með þessum hætti
árið 2015 hefur haft fælingarmátt.
Sumir þolendur segja að ekki þýði að
leggja inn kvörtun þar sem skilgrein-
ingin er allt of þröng,“ segir Kolbrún.
Skilgreiningin á einelti er nú sem
hér segir: „Einelti er endurtekin ótil-
hlýðileg háttsemi sem almennt er til
þess fallin að valda vanlíðan hjá þeim
sem fyrir henni verður, svo sem með
því að gera lítið úr, móðga, særa eða
ógna viðkomandi eða að valda honum
ótta. Skoðanaágreiningur eða ágrein-
ingur vegna ólíkra hagsmuna fellur
ekki hér undir.“
Kolbrún segir jafnframt að gerð sé
skýrari grein fyrir í hverju frum-
kvæðisathugun atvinnurekanda felst
og hvenær ber að gera hana. Slík at-
hugun sé þó ekki rannsókn á máli við-
komandi starfsmanns.
Aukið gagnsæi í verkferlum
Samtalið við Persónuvernd setji
mark sitt á nýju stefnuna.
„Í hinu endurskoðaða verklagi er
lögð áhersla á aukið gegnsæi í verk-
ferlum samkvæmt upplýsingalögum
og nýjum persónuverndarlögum. Að-
eins er hægt að taka við tilkynningu
undir nafni. Ef tilkynning er ekki
undir nafni fer rannsókn ekki af stað
en atvinnurekandi getur hafið frum-
kvæðisrannsókn samkvæmt ofan-
greindu. Tilkynnandi getur dregið til-
kynningu sína til baka hvenær sem er
og mikilvægt er að það sé þá gert með
skriflegum hætti.
Málsaðilar, þolandi og meintur ger-
andi hafa aðgang að öllum upplýsing-
um og gögnum sem tengjast málinu
að teknu tilliti til laga um persónu-
vernd og vinnslu persónu- og upplýs-
ingalaga nr. 140/2012. Þeir sem rætt
er við (vitni) fá að vita það fyrir fram
að ferlið er opið og gegnsætt gagn-
vart aðilum máls sem munu sjá skrán-
ingar allra viðtala. Aðilar sem rætt er
við fá tækifæri til að lesa yfir það sem
hafa á eftir þeim í álitsgerð um málið
og þeim gefin kostur á að lagfæra
framburð sinn óski þeir þess,“ segir
Kolbrún um nýja verklagið.
Skal leita samþykkis
Teymi leiðbeinir kæranda um feril
málsins. Sé fagaðila utan ein-
eltisteyma borgarinnar falið að rann-
saka málið, t.d. vegna vanhæfis eða
tengsla borgarinnar við aðila málsins,
skal leita samþykkis þess sem til-
kynnir málið. Með því hefur hann
hönd í bagga um hver rannsakar það.
Meðal annarra nýjunga eru tímamörk
rannsóknar. Upplýsingaöflun skal
vera lokið innan 8 vikna og ber að
upplýsa um tafir.
Eineltis- og áreitniteymi kanna mál
nægilega svo hægt sé að komast að
niðurstöðu. Hún getur verið frá sátta-
miðlun með aðstoð þriðja aðila til
brottvikningar úr starfi. Ávallt þarf
að upplýsa þolanda og meintan ger-
anda fyrirfram um ferlið og gang
mála.
Borgin innleiðir nýja
stefnu um eineltismál
Meðal nýjunga eru ákvæði um tímamörk rannsókna
Morgunblaðið/Ómar
Ráðhús Reykjavíkur Borgin hefur endurskoðað eineltisstefnuna.
10 FRÉTTIRInnlent
MORGUNBLAÐIÐ ÞRIÐJUDAGUR 14. MAÍ 2019
Sími 555 2992 og 698 7999
• Við hárlosi
• Mýkir liðina
• Betri næringar-
upptaka
Náttúruolía sem hundar elska
Við höfum notað Dog Nikita hundaolíu fyrir hundana
okkar í 3 ár og við erum ekkert á því að hætta.
Feldurinn á þeim er mjúkur, fallegur og hárlosið á
þeim gengur fyrr yfir. Þófarnir eru mjúkir og sléttir
en ekki harðir og grófir eins og þeir verða oft.Við
mælum með Dog Nikita hundaolíu.
Páll Ingi Haraldsson
EldurÍs hundar
Við mælum með Dog NIKITA hundaolíu
NIKITA hundaolía - Selaolía fyrir hunda
• Gott við exemi
• Betri og sterkari
fætur
Fjallað var um meint einelti hjá Félagsbústöðum í
Morgunblaðinu á laugardaginn var. Þar stigu þrír fyrr-
verandi starfsmenn Félagsbústaða fram og lýstu
slæmri framkomu fv. framkvæmdastjóra fyrirtækisins.
Kolbrún segir að með því að kvartað var undan fram-
kvæmdastjóra hljóti allir starfsmenn Félagsbústaða, að
stjórninni meðtalinni, að vera vanhæfir í málinu. Þá geti
stéttarfélag aðeins stutt kæranda og meintan geranda
en ekki farið í úrvinnslu á máli einstaklinga. Á sama
hátt fari Vinnueftirlitið aldrei inn í mál einstaklinga
heldur veiti aðeins ráðleggingar. Leiðin hljóti því að vera sú að senda til-
kynningu um einelti til eineltisteymis Mannauðsdeildar borgarinnar.
Mál Félagsbústaða sérstakt
TENGSL GETA LEITT TIL VANHÆFIS
Kolbrún
Baldursdóttir
Helgi Bjarnason
helgi@mbl.is
Eiganda niðurnídds heimilisgróður-
húss sem stendur í bakgarði einbýlis-
húss í eigu annars fólks í Hveragerði
hefur verið gert með dómi Lands-
réttar að fjarlægja gróðurhúsið.
Dómurinn féll 3. maí en gróðurhúsið
hafði ekki verið fjarlægt í gær, sam-
kvæmt upplýsingum blaðsins.
Eigendur íbúðarhússins og
gróðurhússins höfðu lengi átt í deil-
um um lóðarréttindi gróðurhússins
en þeir keyptu eignirnar hvor í sínu
lagi. Gróðurhúsið var í slæmu ásig-
komulagi og töldu nágrannar að
slysahætta og óþrifnaður stæði af
því. Kröfðust þeir þess að Hvera-
gerðisbær og Heilbrigðiseftirlit Suð-
urlands gerðu það sem þeim bæri
lögum samkvæmt til að bæta úr.
Heilbrigðiseftirlitið hugðist grípa til
aðgerða í vor en frestaði aðgerðum
vegna dómsmálsins.
Ekki heimilt að skipta lóð
Í dómi Landsréttar kemur fram að
lóðin hafi verið leigð til byggingar
íbúðarhúss á árinu 1961. Þáverandi
eigandi byggði gróðurhús á lóð sinni
á árinu 1967. Síðari eigandi hússins
missti það á nauðungaruppboði á
árinu 2009 en seldi gróðurhúsið eigi
að síður þremur árum síðar til núver-
andi eiganda og fékkst það þinglýst á
hans nafn.
Landsréttur bendir á að óheimilt
sé að skipta lóðum án samþykkis
Hveragerðisbæjar og hafi þess ekki
verið aflað. Hvorki núverandi eigandi
gróðurhússins né fyrri hafi getað
verið í góðri trú um að gróðurhúsinu
fylgdu sjálfstæð lóðarréttindi eða
hlutdeild í sameiginlegum lóðarrétt-
indum einbýlishúsalóðarinnar.
Hefur réttinn sín megin
Eigandi íbúðarhússins njóti sem
handhafi leiguréttar betri réttar en
eigandi gróðurhússins og þurfi ekki
að þola að lóðarréttindalaust gróður-
hús standi áfram á lóðinni. Féllst
rétturinn því á kröfu hans um að eig-
andi gróðurhússins fjarlægði það af
lóðinni.
Með því var dómi héraðsdóms snú-
ið. Hins vegar var málskostnaður
felldur niður og ber því hvor aðili
sinn hluta.
Morgunblaðið/Árni Sæberg
Hveragerði Langvarandi deilum um lóðarréttindi lítils gróðurhúss á ein-
býlishúsalóð í Hveragerði ætti að vera lokið með dómi Landsréttar.
Gert að fjarlægja
gróðurhús af lóð
Málaferlum út af ónýtu gróðurhúsi lokið
Níu hafa sótt um embætti skóla-
meistara Menntaskólans í Kópa-
vogi, en umsóknarfrestur rann út í
lok apríl. Í hópi umsækjenda eru
m.a. formaður Félags framhalds-
skólakennara, aðstoðarskólameist-
ari skólans og forstöðumaður
kennslusviðs Háskólans í Reykja-
vík.
Umsækjendur eru í stafrófsröð:
Ágústa Elín Ingþórsdóttir skóla-
meistari, Ásgeir Þór Tómasson
fagstjóri, Einar Hreinsson for-
stöðumaður, Erla Björk Þorgeirs-
dóttir verkefnisstjóri, Guðríður
Eldey Arnardóttir framhaldsskóla-
kennari, Guðrún Erla Sigurðar-
dóttir framhaldskólakennari, Helgi
Kristjánsson aðstoðarskólameist-
ari, Lúðvík Marinó Karlsson og
Ólafur Haukur Johnson fram-
kvæmdastjóri.
Miðað er við að mennta- og
menningarmálaráðherra skipi í
embættið frá og með 1. ágúst næst-
komandi.
Níu vilja verða skólameistari í MK