Þjóðarbúskapurinn - 01.10.1977, Síða 77

75
1977.
Júlí.
Hinn 9. júlí ákvað yfirnefnd Verðlagsráðs 20% hækkun almenns fisk-
verðs fyrir timabilið júlí—september. Viðmiðunarverð Verðjöfn-
unarsjóðs var ákveðið þannig, að gert var ráð fyrir um 2.000 m.kr.
greiðslum úr sjóðnum á ári vegna freðfisks.
fíinn 9. júlí voru undirritaðir nýir kjarasamningar fyrir sjómenn á
fiskiskipum. Meginákvæði samninganna voru um breytingar á upp-
giöri og greiðslum aflahluta og kauptryggingar sjómanna á bátum og
minni skuttogurum. Samkvæmt samningunum skal nú gera upp og
greiða aflahluti og kauptryggingu mánaðarlega en uppgjör fór áður
fram í vertíðarlok þrisvar á ári. Jafnframt var kauptrygging hækkuð
um 24% í samræmi við hækkun kauptaxta landverkafólks i júnísamn-
ingunum. Aflaverðlaun áhafna á stærri skuttogurum voru ennfremur
hækkuð um 2%%.
fíinn 14. júlí var gefin út reglugerð um takmarkanir á þorskveiðum
í íslenzkri fiskveiðilandhelgi. Voru allar þorskveiðar bannaðar í eina
viku og þorskveiðar togara bannaðar í 30 daga á tímabilinu til 15.
nóvember.
V. Verðlagning búvöru.
1975.
Marz.
ííinn 10. marz var afurðaverð til bænda hækkað um 5,6%, sem hafði
i för með sér 6—7% hækkuu smásöluverðs búvöru til neytenda.
Júní.
Hinn 4. júní var afurðaverð til bænda hækkað um 13,3%, sem að
öllu jöfnu hefði leitt til um 18% hækkunar smásöluverðs; vegna
aukningar niðurgreiðslna hélzt smásöluverð hins vegar nær óbreytt.
September.
fíinn 15. september var afurðaverð til bænda hækkað um 13,7%,
vinnslu- og dreifingarkostnaður liækkaði einnig verulega og hafði
þetta i för með sér u. þ. b. 20% liækkun á smásöluverði mjólkurafurða
og 30% verðhækkun á kjöti.