Skessuhorn - 25.11.2015, Side 18

MIÐVIKUDAGUR 25. NÓVEMBER 201518
„Ef þetta heldur svona áfram stál-
in stinn, þá leiðir það vafalaust
til þess að fleiri íbúar hrökklast í
burtu vegna óánægju. Ég er ekki
til í horfa upp á það gerast án þess
að bregðast við. Það sem liðið er
hausts og vetrar hefur börnum
fækkað um ellefu í leik- og grunn-
skólanum á Hvanneyri. Fleiri for-
eldrar eru að hugsa sér til hreyfings.
Þetta er þvert á það sem formað-
ur byggðarráðs og fræðslunefndar
sagði að myndi gerast á fjölmenn-
um íbúafundi á Hvanneyri í haust.
Hún taldi að ákvörðunin um lok-
un skóla á Hvanneyri myndi ekki
hafa nokkur áhrif á þróun byggðar
á svæðinu á meðan Hvanneyring-
ar héldu öðru fram. Þar ríkir mikil
samstaða á meðal íbúa þorpsins og
mikil reiði í garð stjórnenda Borg-
arbyggðar,“ segir Geirlaug Jó-
hannsdóttir. „Við getum ekki hald-
ið áfram í þessum ágreiningi. Það
verður að skapa sátt um þetta mál
og það er vel hægt ef vilji er fyr-
ir hendi. Frumskylda okkar sveit-
arstjórnarmanna hlýtur að vera að
vinna að sátt. Auðvitað ber okk-
ur einnig að tryggja fjárhagslegan
grundvöll sveitarfélagsins. Þar eru
sem betur fer mörg jákvæð teikn á
lofti.“ Á síðasta fundi sveitarstjórn-
ar Borgarbyggðar lagði Geirlaug
fram bókun fyrir hönd minnihlut-
ans þar sem hún reifar neikvæð
áhrif of viðamikilla breytinga í
skólahaldi.
Borgarbyggð að
rétta úr kútnum
Geirlaug er menntuð í viðskipta-
fræðum og starfar sem aðjúnkt við
viðskiptasvið Háskólans á Bifröst
og ráðgjafi hjá Hagvangi samhliða
sveitarstjórnarstörfum. Hún seg-
ir að fjárhagur Borgarbyggðar sýni
nú skýr merki um bata. Bjartara sé
yfir nú heldur en þegar ákvörð-
unin var tekin um að loka skól-
anum á Hvanneyri fyrir hálfu ári
síðan. „Við í Samfylkingunni höf-
um árum saman bent á að fjármál
sveitarfélagsins væru í þannig ásig-
komulagi að það þyrfti að grípa til
aðgerða og bent á leiðir til þess.
Við höfum verið samþykk flestum
þeirra aðgerða sem farið hefur ver-
ið í til að rétta fjárhaginn af, þar
til núna. Nú er árangur að koma
í ljós. Það er búið að hækka fast-
eignagjöldin um tæplega 100 millj-
ónir. Sala eigna á þessu ári hefur
skilað hátt í 300 milljónum. Hag-
ræðing á ýmsum sviðum mun skila
sér í minni útgjöldum til framtíðar.
Ný fjárhagsáætlun næsta árs gerir
ráð fyrir 10,5% veltufjárhlutfalli en
það var um 4% á þessu ári. Skuld-
ir eru að lækka og ekki hefur reynst
þörf á að nýta heimild til lántöku
á þessu ári. Við erum búin að vera
með 200 milljóna yfirdráttarheim-
ild árum saman sem oft hefur ver-
ið nýtt að stórum hluta og Borg-
arbyggð verið að borga hátt í 20
milljónir í yfirdráttarvexti á ári.
Núna stendur þessi yfirdráttur í 30
milljónum og mikilvægt er að bæta
sjóðsstöðu sveitarsjóðs enn betur -
en það er ekki sama hvernig það er
gert. Sem betur fer hefur margt já-
kvætt verið að gerast í rekstrinum á
síðustu misserum. Nú er svo kom-
ið að við í Samfylkingunni erum
ekki sátt við hvernig meirihlutinn
ætlar að forgangsraða í fjármálum
með því að skera niður grunnþjón-
ustu. Það er hægt að fara margar
aðrar leiðir en að höggva í grunn-
þjónustuna og dýrmætu skólana
okkar.“
Vilja halda í skóla á
Hvanneyri
Með þessu síðastnefnda á Geir-
laug sérstaklega við grunnskólann
á Hvanneyri. „Þegar kemur að því
þegar skorið er niður í grunnþjón-
ustu og gerðar róttækar breyting-
ar á skipan skólamála, að þá kem-
ur eðlilega upp ágreiningur. Ég sat í
starfshópi sem vann að hagræðingu
í skólamálum og get fullyrt að rekst-
ur starfsstöðvar Grunnskóla Borg-
arfjarðar á Hvanneyri er hagkvæm-
asta rekstrareiningin af starfsstöðv-
um grunnskólanna á eftir Grunn-
skóla Borgarness. Faglega stendur
skólinn einnig mjög traustum fót-
um. Ég og fulltrúi Vinstri grænna
börðumst mjög ötullega fyrir því
í starfshópnum að halda í minnst
tvo grunnskólabekki á Hvanneyri
og helst fjóra. Sama dag og sveit-
arstjórnarfundurinn var haldinn 11.
júní náðist samkomulag um að halda
tveimur bekkjum inni á Hvanneyri.
Daginn áður lágu frammi tillögur
sem gengu út á að þar yrði grunn-
skólanum alfarið lokað. Á síðustu
stundu náðist sú „málamiðlun“ að
halda tveimur bekkjum, 1. og 2.
bekk áfram á Hvanneyri og flytja
kennsluna í húsnæði leikskólans
Andabæjar. Þess vegna vorum við
fulltrúar minnihlutans ekki tilbú-
in að greiða atkvæði gegn tillögum
meirihlutans en kusum að sitja hjá.
Við töldum að þetta væri ákveðinn
varnarsigur,“ segir Geirlaug.
Geirlaug segir að stefna Sam-
fylkingarinnar í Borgarbyggð í
skólamálum hafi alltaf verið skýr
og skjalfest. „Fyrir síðustu sveit-
arstjórnarkosningar sögðumst við
vilja skoða sameiningu leikskóla
og grunnskóla á Hvanneyri í anda
Krikaskóla í Mosfellsbæ. Það stend-
ur skýrt í stefnuskránni og hana má
lesa á heimasíðu okkar samborg.
is. Reyndar stóð ekkert um hag-
ræðingu í skólamálum hjá hinum
flokkunum. Frambjóðendur þeirra
fóru hins vegar meðal kjósenda og
í skólana og töluðu fjálglega um að
þeir vildu standa vörð um skólana
og lofuðu öllu fögru. Nú er meiri-
hlutinn að svíkja kosningaloforð og
það skapar eðlilega reiði á meðal
íbúa.“
Samfylkingin í Borgarbyggð vill
enn sem fyrr sameina leikskóla og 1.
– 4. bekk grunnskóla á Hvanneyri.
„Eins og sjá má í bókun minnihlut-
ans á síðasta sveitarstjórnarfundi
12. nóvember þá telur fræðslu-
stjóri Borgarbyggðar í minnisblaði
að pláss sé fyrir það í leikskólan-
um væri rýmið þar fullnýtt. Þetta
viljum við vinna í sátt við íbúana.
Í Mosfellsbæ er frábær nýsköpun í
skólastarfi sem er Krikaskóli. Þar er
bæði leikskóli og yngsta stig grunn-
skólans. Við höfum horft þangað
í leit að fyrirmynd. Þetta er alveg
hægt og þarf að vinna í samvinnu
við stjórnendur og starfsfólk skól-
anna og vilji er nú allt sem þarf,“
segir Geirlaug.
Bókuðu á síðasta
sveitarstjórnarfundi
Hún bendir á bókun minnihlutans
frá 12. nóvember máli sínu frekar
til stuðnings. Nýjustu upplýsingar
sýni að fjárhagslegi ávinningurinn
af því að loka á Hvanneyri sé enn
minni en meirihlutinn hefur hald-
ið fram, sé hann þá nokkur yfir höf-
uð. Í bókuninni segir meðal annars:
„Við skorum á meirihluta sveitar-
stjórnar að endurskoða ákvörðun
sína frá því 11. júní 2015 og heim-
ila áfram rekstur grunnskóladeild-
ar á Hvanneyri frá 1.- 4. bekk með
samrekstri leik- og grunnskóla í
húsnæði Andabæjar sem rúmar
74 börn. Með samnýtingu á hús-
næði má ná fram varanlegri hag-
ræðingu sem nemur 23-25 milljón-
um fyrir utan rekstur og söluand-
virði húsnæðis grunnskóla Borg-
arfjarðar á Hvanneyri skv. minnis-
blaði fræðslustjóra frá 3. október.
Munurinn á kostnaði við 1.-2. bekk
og 1.-4. bekk eru u.þ.b. 6 milljónir
króna á ári. Við teljum að forsend-
ur séu brostnar fyrir útreikningi á
áætluðum sparnaði við breytingar á
skólahaldi á Hvanneyri vegna þess
að sveitarstjórn láðist að taka með
í reikninginn áhrif á jöfnunarfram-
lag til reksturs grunnskóla frá Jöfn-
unarsjóði (sem voru 209 milljón-
ir á árinu 2015) og því er allsend-
is óljóst hver endanlegur sparnaður
verður, ef einhver.“
Geirlaug segir að brýnt sé nú
að finna lausn á þessu máli. Það sé
ekki lengur hægt að vera í tilgangs-
lausum átökum við íbúa. „Reiðin
og sárindin eru mikil meðal íbúa
á Hvanneyri og víðar í sveitarfé-
laginu. Sveitarstjórn hafa borist
undirskriftalisti frá allt að 500 íbú-
um, undirskriftarlistar frá starfs-
mönnum skólanna og áskoran-
ir frá foreldrafélögum. Samfé-
lagið á Hvanneyri sýnir mikla sam-
stöðu. Íbúum þykir þeir lítilsvirtir
og hunsaðir því stjórnendur sveit-
arfélagsins hafa lítið haft þá með
í ráðum. Slíkt er ekki traustvekj-
andi.“
Benda á aðrar leiðir
til hagræðingar
Geirlaug Jóhannsdóttir bendir á
að til viðbótar við þann viðsnúning
sem nú sé farinn að sjást í rekstri
sveitarfélagsins megi hæglega
ganga lengra til hagræðingar og
lækkunar skulda án þess að hreyfa
við grunnþjónustunni. „Við höf-
um bent á leiðir sem væru færar.
Þar höfum við meðal annars nefnt
sölu eigna. Borgarbyggð á eignar-
hluti bæði í Orkuveitu Reykjavík-
ur og Faxaflóahöfnum. Við höfum
viljað selja hvort tveggja. Borgar-
byggð þarf ekki að eiga hlut í Faxa-
flóahöfnum. Það er varla einu sinni
siglingahæf höfn í sveitarfélaginu
lengur. Þarna má sækja mjög stórar
upphæðir til að greiða niður skuld-
ir og lækka fjármagnsgjöld án þess
að það bitni á þjónustu við nokk-
urn einasta íbúa. Það er ákveð-
in fjárbinding að binda fé í svona
eignarhlutum á meðan sveitarfé-
lagið skuldar mikið. Það kostar að
eiga þetta því við borgum yfir 250
milljónir í fjármagnsgjöld á ári.
Margir eru farnir að átta sig á því
hvað felst í þessari fjárbindingu.
En því miður vilja sumir stunda
spákaupmennsku með þessa eign-
arhluta. Ættum við þá ekki alveg
eins að kaupa hlutabréf í Google?“
spyr Geirlaug.
Hún segir að enn séu líka fleiri
möguleikar til frekari hagræðing-
ar með því að nýta dýra fermetra
í eigu sveitarfélagsins betur. „Til
dæmis getum við nýtt mennta-
og menningarhúsið okkar Hjálm-
aklett töluvert betur en húseignin
kostar sveitarfélagið um 47 millj-
ónir á ári. Þangað mætti flytja t.d.
Safnahúsið með bóka- og skjala-
safni. Sú mæta starfsemi er í nokk-
uð rúmu húsnæði í dag sem þarfn-
ast viðhalds og betri aðstöðu fyr-
ir börn og námsmenn. Núverandi
Safnahús mætti selja undir íbúð-
ir eða hótel og flytja starfsemina í
Hjálmaklett. Kjallarinn þar er van-
nýttur og hann mætti útbúa fyrir
skjalasafn. Koma mætti bókasafn-
inu fyrir á jarðhæðinni með góðu
aðgengi í hjarta bæjarins og þann-
ig glæða Hjálmaklett og miðbæinn
enn meira lífi.“
Geirlaug segir von sína að sveit-
arstjórnarmenn sjái að sér og byrji
að vinna í meiri sátt við íbúa sveit-
arfélagsins. mþh
Geirlaug Jóhannsdóttir oddviti Samfylkingar í sveitarstjórn Borgarbyggðar:
„Mikilvægt er að skapa sátt um skólamál í Borgarbyggð“
Geirlaug Jóhannsdóttir segir von sína
að sveitarstjórnarmenn sjái að sér
og byrji að vinna í meiri sátt við íbúa
sveitarfélagsins.
Skólahúsið á Hvanneyri.
Mynd sem blaðamaður Skessuhorns tók á fundi sveitarstjórnar Borgarbyggðar
11. júní þar sem ákveðið var að loka grunnskólanum á Hvanneyri vorið 2016.
Íbúar frá Hvanneyri fjölmenntu og fylltu þingsalinn í Borgarnesi.
Þungbúnir og niðurdregnir íbúar frá Hvanneyri utan við ráðhús Borgarbyggðar
eftir fundinn 11. júní síðastliðinn.