Skessuhorn - 25.11.2015, Side 20

MIÐVIKUDAGUR 25. NÓVEMBER 201520
Eldvarnaátak Landssambands
slökkviliðs- og sjúkraflutninga-
manna fer fram þessa dagana en þá
heimsækja slökkviliðsmenn um allt
land nemendur í þriðja bekk grunn-
skólanna og fræða þá og fjölskyldur
þeirra um eldvarnir. Það er nefni-
lega þekkt staðreynd að eldhætta á
heimilum eykst á aðventunni og út-
köll slökkviliða eru aldrei fleiri en
í desember og janúar. Núna er því
gott tækifæri til að huga að eldvörn-
um heimilisins og laga það sem bet-
ur má fara.
Það er svo mikið í húfi þegar eld-
varnir eru annars vegar. Á hverju
ári látast að meðaltali ein til tvær
manneskjur í eldsvoðum. Jafnframt
eyðast að meðaltali meira en tveir
milljarðar króna í eldsvoðum ár
hvert.
Rannsóknir sem Capacent hef-
ur gert fyrir Eldvarnabandalag-
ið og Landssamband slökkviliðs-
og sjúkraflutningamanna sýna að
heimilin í landinu geta gert mun
betur í eldvörnum en raun ber
vitni. Alltof fá heimili hafa til dæm-
is allt í senn reykskynjara, slökkvi-
tæki og eldvarnateppi. Alltof mörg
heimili hafa alls engan eða of fáa
virka reykskynjara að vaka yfir sér.
Þetta á sérstaklega við um þá sem
búa í leiguhúsnæði og fólk á aldrin-
um 25-35 ára.
Staðalbúnaður á heimili
Að okkar mati á eftirfarandi að vera
staðalbúnaður á hverju heimili:
Virkir reykskynjarar, tveir eða •
fleiri.
Léttvatns- eða duftslökkvitæki •
við helstu flóttaleið.
Eldvarnateppi á vísum stað í •
eldhúsi.
Best er að hafa reykskynjara í öll-
um rýmum. Þá á að minnsta kosti
að setja upp framan við eða í hverri
svefnálmu. Reykskynjara þarf að
prófa reglulega og skipta þarf um
rafhlöðu í þeim árlega. Upplagt er
að velja fyrsta sunnudag í aðventu
eða dag reykskynjarans, 1. desemb-
er, til þess. Endurnýja þarf reyk-
skynjara á um tíu ára fresti.
Margir hafa bjargað miklum verð-
mætum með því að slökkva eld með
slökkvitæki og eldvarnateppi. Mikil-
vægt er þó að enginn setji sig í hættu
við það. Fyrstu viðbrögð við elds-
voða eru alltaf að koma öllum heil-
um út og gera slökkviliði viðvart í
gegnum neyðarnúmerið, 112.
Förum varlega
Auk þess að hafa réttan eldvarna-
búnað á heimilinu er mikilvægt að
við gerum okkur grein fyrir hinni
margvíslegu eldhættu á heim-
ilinu og högum okkur í samræmi
við það. Förum skynsamlega með
kertaljós og skreytingar og skiljum
logandi kerti ekki eftir án eftirlits.
Óaðgætni við matseld er mjög al-
geng orsök elds. Slíkar uppákom-
ur er auðvelt að fyrirbyggja ein-
faldlega með því að fara varlega.
Hvers kyns rafmagnstæki eru líka
algeng eldsorsök. Bitur reynsla
margra sýnir að ekki er skynsam-
legt að hafa þvottavélar, þurrkara
og uppþvottavélar í gangi ef enginn
er heima til að bregðast við ef eld-
ur kemur upp. Spjaldtölvur og tæki
sem algeng eru í svefnherbergjum
á ekki að hafa í sambandi nema í
öruggu, tregbrennanlegu umhverfi.
Til dæmis alls ekki uppi í rúmi eins
og dæmi eru um að gert hafi verið
með afar slæmum afleiðingum.
Eldsvoði á heimili er skelfileg
lífsreynsla sem enginn vill upplifa.
Gerum því það sem í okkar valdi
stendur til að draga úr hættu á að
eldur komi upp og tryggjum að á
heimilinu sé réttur búnaður til að
bregðast við ef á þarf að halda.
Garðar H. Guðjónsson, verkefna-
stjóri Eldvarnabandalagsins og Eld-
varnaátaksins
Þráinn Ólafsson, slökkviliðsstjóri
Slökkviliðs Akraness og Hvalfjarðar-
sveitar.
Aukum eldvarnir
á aðventunni
Pennagrein
Árlegt eldvarnaátak hófst í síð-
ustu viku þar sem slökkviliðsmenn
um allt land taka þátt í Eldvarnaá-
taki Landssambands slökkviliðs- og
sjúkraflutningamanna (LSS) í að-
draganda hátíðanna. Flest ár deyja
einhverjir í eldsvoðum og bætt
brunatjón nemur árlega yfir tveim-
ur milljörðum króna að meðal-
tali. Þá er ótalið rask og óþægindi,
óbætt brunatjón og margvíslegt tjón
sem ekki er unnt að bæta með pen-
ingum. Langalgengasta orsök elds í
banaslysum er opinn eldur, það er
kerti og reykingar. Slökkviliðsmenn
hér á landi heimsækja vel á fimmta
þúsund átta ára börn til að fræða þau
og fjölskyldur þeirra um eldvarnir.
Kannanir hafa sýnt að eldvarnir
eru ófullnægjandi á mörgum heim-
ilum og íbúarnir því berskjaldað-
ir fyrir eldsvoðum. Ungt fólk og
leigjendur eru þar í mestri hættu
samkvæmt könnunum sem Gallup
hefur gert fyrir LSS og Eldvarna-
bandalagið. Alltof mörg heimili
hafa engan eða of fáa reykskynjara.
Þau fengju því litla eða enga við-
vörun ef eldur yrði laus að nætur-
lagi. Innan við helmingur heimila
er með eldvarnabúnað sem slökkvi-
liðsmenn telja lágmarksbúnað, það
er reykskynjara, slökkvitæki og
eldvarnateppi. Nú fer í hönd tími
þegar eldhætta eykst á heimilum.
Slökkviliðsmenn hvetja fólk því til
að grípa til viðeigandi varúðarráð-
stafana.
Lágmarkseldvarnir á heimilum
eru:
Virkir reykskynjarar, tveir eða •
fleiri.
Léttvatns- eða duftslökkvitæki •
við helstu flóttaleið.
Eldvarnateppi á sýnilegum stað •
í eldhúsi.
Mjög vantar á að þessi lágmarks-
búnaður sé almennt á heimilum
landsmanna. LSS efnir því til átaks
um að fræða fólk um eldvarnir og
mikilvægi þeirra og stendur það
nú yfir. Þá heimsækja slökkviliðs-
menn um allt land á fimmta þús-
und átta ára börn í grunnskólum til
að fræða þau og fjölskyldur þeirra
um eldvarnir. Slökkviálfarnir Logi
og Glóð aðstoða við fræðsluna og
fá öll börn í 3. bekk að gjöf söguna
af hetjulegri baráttu þeirra systkina
við Brennu-Varg. Í sögunni er eld-
varnagetraun og eru vegleg verð-
laun í boði fyrir þá sem senda LSS
réttar lausnir. Krakkarnir fá einnig
handbók Eldvarnabandalagsins um
eldvarnir heimila með sér heim.
Gætum varúðar um jól
og áramót
Í ljósi þess að nú gengur í garð sá
árstími þar sem hætta er á eldsvoð-
um af völdum kertaljósa og jóla-
skreytinga hefur Bjarni K. Þor-
steinsson slökkviliðsstjóri í Borg-
arbyggð tekið saman lista með at-
riðum sem nauðsynlegt er að hafa
í huga á aðventunni. Heilræði hans
fylgja hér á eftir.
Heilræði frá slökkviliðinu:
Reykskynjarar eru sjálfsögð og •
ódýr líftrygging. Skipta skal um
reykskynjara á tíu ára fresti og
rafhlöður í byrjun desember ár
hvert eða oftar ef þörf er á.
Átt þú handslökkvitæki ? Er •
það í lagi ? Hvenær var það síð-
ast yfirfarið?
Slökkvitæki á að vera á sýni-•
legum stað, ekki í felum inni í
skáp!
Ofhlöðum ekki fjöltengi og •
gætum að gömlum og lélegum
rafbúnaði.
Notum ávallt viðurkenndar raf-•
vörur og fjöltengi með slökkv-
ara og gaumljósi.
Eldvarnateppi skal vera í hverju •
eldhúsi og á aðgengilegum og
sýnilegum stað.
Gerum flóttaáætlun úr íbúð-•
inni vegna eldsvoða. Förum yfir
hana með öllum á heimilinu og
æfum hana reglulega. Tvær
greiðar flóttaleiðir eiga að vera
úr hverri íbúð!
Gætum varúðar í umgengni við •
kertaljós og skreytingar, skilj-
um börn aldrei eftir eftirlitslaus
nærri logandi kertum eða eldi.
Aðgætum íbúðir okkar áður en •
gengið er til hvílu, eða þær eru
yfirgefnar að degi til. Athuga
þarf hvort nokkurs staðar logi á
kerti eða skreytingum.
Logandi kertaljós skulu aldrei •
höfð í gluggum vegna dragsúgs
og lausra gluggatjalda!
Dreifið sem mest raforkunotk-•
un við matseld um jól og ára-
mót það kemur í veg fyrir hugs-
anleg óþægindi vegna mikils
álags á dreifikerfi rafmagns.
Ullar- eða leðurvettlinga skal •
nota á hendur og öryggisgler-
augu á öll nef við meðferð flug-
elda um áramót!
Munum 112 neyðarlínuna ef •
slys, veikindi eða eldsvoða ber
að höndum!
mm/grþ
Árlegt eldvarnaátak í aðdraganda hátíðanna
Bjarni K. Þorsteinsson slökkviliðsstjóri
í Borgarbyggð.
Frá eldvarnaátaki slökkviliðsmanna á Akranesi. Ljósm. úr safni.