Skessuhorn - 25.11.2015, Qupperneq 71

MIÐVIKUDAGUR 25. NÓVEMBER 2015 71
„Við tókum við núna í október síðast-
liðnum og ætlum að fjölga í bústofn-
inum smám saman. Í haust keypt-
um við 150 kindur frá Bæ í Árnes-
hreppi. Stefnan er að vera með upp
undir fjögur hundruð kindur í vet-
ur,“ segir Birgitta Jónasdóttir í sam-
tali við Skessuhorn. Nýlega létu for-
eldrar hennar, Bergljót Bjarnadóttir
og Jónas Samúelsson, af búskap og
fluttust norður á Sauðárkrók. Birg-
itta mun taka við búi foreldra sinna
ásamt manni sínum Bergi Þrastar-
syni á jörðinni Kötlulandi (fyrrum
Tilraunarstöð ríkisins). Jörðin er í
eigu Reykhólahrepps og munu þau
leigja hana af hreppnum en útihúsin
eignast þau sjálf. Í sumar voru gerð-
ar þó nokkrar endurbætur á útihús-
unum, meðal annars voru smíðað-
ar gjafagrindur og hlaðan klædd að
utan.
„Aðspurð segir hún að búskapará-
huginn hafi framan af aðallega ver-
ið Bergs. „Ég ætlaði mér aldrei að
flytja heim aftur og bræður mínir
hafa grínast mikið með það undan-
farið. Það einhvern veginn var aldrei
á stefnuskránni hjá mér að gerast
bóndi en eftir að ég kynntist honum
Bergi mínum og eignaðist með hon-
um þessi yndislegu börn okkar þá
breyttust áformin. Bergur er mik-
ill bóndi í sér og hefur gaman af bú-
skap,“ segir hún. „Bergur er Kópa-
vogsbúi og var til margra ára í sveit á
Hofsstöðum í Stafholtstungum þeg-
ar hann var yngri. Um leið og hann
slapp úr skólanum fór hann í sveitina
og eyddi þar öllum sumrum frá því
hann var sex ára og fram til sextán ára
aldurs. Þar var bæði kúabú og fjárbú
og ég held að áhugi hans hafi kviknað
þar. Þetta er hans unun,“ segir Birg-
itta en bætir því við að hún hafi að-
eins þurft að hugsa sig um. „En eft-
ir að foreldrar mínir sögðu okkur frá
sínum áformum þá sáum við að þetta
væri gullið tækifæri fyrir okkur.“
Hlakka mikið til að
flytja í sveitina
Forréttindi fyrir börnin
að vera í sveitinni
Birgitta segir að auðvitað spili þó
fleiri þættir inn í ákvörðun þeirra
hjóna að flytja vestur á Reykhóla og
hefja búskap. „Það að ala upp börnin
okkar í sveitinni teljum við vera for-
réttindi. Börn Birgittu og Bergs eru
tvö; Berglind sex ára og Hinrik sem
er fjögurra mánaða gamall. Auk þess
á Bergur fyrir dótturina Hrafnhildi
Evu sem er ellefu ára og mun heim-
sækja þau í sveitina í fríum og vera hjá
þeim eins mikið og hún getur.
Fjölskyldan mun flytja alfarið vest-
ur eftir sauðburð þegar skólaárinu
líkur hjá stelpunum. „Við flytjum
inn í íbúðarhúsið sem foreldrar mín-
ir bjuggu í og er stefnan sú að ditta
örlítið að því í í vetur. Svo erum við
svo heppin að hafa fengið hann Ólaf
Smárason frá Borg og fjölskyldu hans
til þess að sjá um búið þangað til við
flytjum. „Ég er lærður leikskólakenn-
ari og það er búið að bjóða mér starf á
leikskólanum svo þetta gæti ekki betra
verið. Við höfum fundið það á öllum
að við erum velkomin, sveitin öll tek-
ur alveg virkilega vel á móti okkur og
við hlökkum mikið til að flytja,“ segir
Birgitta Jónasdóttir að lokum. kgk
Í sumar réðust Birgitta og Bergur í þó
nokkrar endurbætur á útihúsunum
sem fólust meðal annars í því að klæða
hlöðuna að utan.
Yngsti fjölskyldumeðlimurinn
Hinrik fær að alast upp í sveitinni á
æskuslóðum móður sinnar.
Systurnar Hrafnhildur Eva og Berglind.
Brúðkaupsmynd af þeim Bergi og Birgittu.