Skessuhorn - 23.11.2016, Page 71

MIÐVIKUDAGUR 23. NÓVEMBER 2016 71
Fimmtudaginn 15. desember verður jólaúthlutun
Mæðrastyrksnefndar Akraness að Dalbraut 1 ( Krónuhúsinu,
gengið inn bakatil). Úthlutað verður frá kl. 13:00 til 17:00.
Tekið er á móti umsóknum í síma 859-3000 (María) og í
síma 859-3200 (Svanborg) frá kl. 11 – 14 dagana 25., 28.
og 29. nóvember. Allir umsækjendur þurfa að skila inn
staðgreiðsluskrá en hana er hægt að nálgast inn á vef RSK
eða fá útprentað á skattstofunni. Einnig þarf að koma með
búsetuvottorð en það fæst á skrifstofu Akraneskaupstaðar.
Tekið er á móti gögnum daganna 30. nóvember og 1.
desember frá kl. 16-18 í húsi Rauða krossins að Skólabraut 25
A. Mikilvægt er að sækja um og skila gögnum á auglýstum
tíma því úrvinnsla umsókna tekur tíma.
Athugið að eftir 15. desember verður ekki úthlutað
svo vinsamlegast sækið um tímanlega.

Með vinsemd og virðingu,
Mæðrastyrksnefnd Akraness
Jólaúthlutun
Mæðrastyrksnefndar Akraness
SK
ES
SU
H
O
R
N
2
01
6
ÞEIM SEM VILJA LEGGJA MÆÐRASTYRKSNEFND
AKRANESS LIÐ ER BENT Á AÐ REIKNISNÚMERIÐ ER:
FRUMHERJI HF. – ÞEGAR VEL ER SKOÐAÐ
www.frumherji. is
Stykkishólmur 2016
Bifreiðaskoðun verður hjá Bílaverkstæðinu
Dekk & Smur, Nesvegi 5
Fimmtudaginn 1. desember
Föstudaginn 2. desember
Síðasti séns að láta skoða í Stykkishólmi fyrir jól.
Mætum aftur í febrúar
Tímapantanir í síma 438 – 1385
Lokað í hádeginu kl. 12.00 – 13.00
S
K
E
S
S
U
H
O
R
N
2
01
6
Fimmtudaginn 17. nóvember boð-
aði svæðisskipulagsnefnd fyrir lands-
svæði Dalabyggðar, Reykhólahrepps
og Strandabyggðar til opins fundar í
húsnæði Alta við Ármúla í Reykjavík.
Bar fundurinn yfirskriftina „Heima-
hagarnir og hamingjan“ og var sér-
staklega ætlaður ungu fólki, 30 ára
og yngri, sem kemur frá sveitarfélög-
unum þremur en er búsett á höfuð-
borgarsvæðinu eða í nágrenni þess.
Skipulagsráðgjafar Alta kynntu vinnu
við gerð svæðisskipulagsins og ræddu
framþróun svæðisins við fundargesti.
Matthildur Einarsdóttir, skipu-
lagsfræðingur hjá Alta, er verkefn-
isstjóri og kynnti hún vinnu við
gerð svæðisskipulagsins og ræddi
framþróun svæðisins við fundargesti
ásamt Herborgu Árnadóttur arkitekt
og landfræðingi, sem hefur séð um
kortagerðina og Evu Margréti Reyn-
isdóttur Wind skipulagsverkfræð-
ingi, en hún hefur sérstaklega kann-
að smærri sveitarfélög í rannsóknum
sínum.
Verkefnið fór af stað um síðustu
áramót þegar hafist var handa við
að greina hvaða tækifæri gætu fal-
ist í sérkennum og auðlindum svæð-
isins. Sérstaklega var gefinn gaumur
landbúnaði, sjávarnytjum hvers kon-
ar og ferðaþjónustu, eitthvað sem
sveitarfélögin þrjú eiga öll sameig-
inlegt. Gerð svæðisskipulagsins mið-
ar að því að reyna að draga fram sér-
kenni svæðisins og nýta þau betur,
skapa aukna atvinnumöguleika sem
byggja á því sem svæðið hefur upp
á að bjóða fyrir. „Svona hefur þetta
verið gert og við ætlum ekki að koll-
varpa því. Höldum því áfram, reyn-
um að styrkja það og byggja á þeirri
reynslu til framtíðar,“ sagði Matthild-
ur. Með öðrum orðum er ekki leit-
að eftir alveg nýjum lausnum, held-
ur lausnum sem byggja á og sækja í
sérstöðu svæðisins. Dæmi um slíkt
má sjá í ferðaþjónustu á svæðinu, til
dæmis Báta- og hlunnindasýninguna
á Reykhólum, Eiríksstaði í Haukadal
og Galdrasýninguna á Hólmavík. Á
öllum þessum dæmum er staðbund-
in saga og sérstaða hvers sveitarfélags
fyrir sig nýtt til að búa til áfangastað í
ferðaþjónustu.
Heimamenn stjórni
ímyndarsköpun
Í máli Matthildar kom fram að svæð-
isskipulag væri ekki nauðsynlegt til
að skapa ný atvinnutækifæri sem
byggja á sérstöðu svæðisins, það gæti
líka gerst sjálfkrafa. Hins vegar gæti
svæðisskipulag stutt við, flýtt fyrir og
skapað jarðveg fyrir slíkt. Sveitarfé-
lögin væru með gerð svæðisskipulags
að leggja ákveðnar línur til framtíðar
sem komi til með að auðvelda þró-
un.
Þegar svæðisskipulag er gert þá er
framtíðarsýn sveitarfélaga lögfest og
gerð aðalskipulags í framtíðinni tek-
ur mið af því. Nota mörg sveitarfélög
svæðisskipulag til að tryggja ákveðna
hagsmuni sína til langs tíma og kort-
leggja möguleika. Það starf gæti síðan
leitt til nýrra fyrirtækja, þjónustu og
vöru sem byggir á sérkennum svæð-
isins. Þegar kemur að því að sækja
peninga til að koma slíkri starfsemi
á koppinn getur svæðisskipulag kom-
ið sér vel því ef fyrir liggur heildstæð
áætlun til framtíðar er alltaf auðveld-
ara að sækja um styrki eða lán til að
hefja einhverjar framkvæmdir. „Þessi
vinna er í raun sóknaráætlun svæðis-
ins,“ sagði Matthildur.
Til að geta skapað heildstæða áætl-
un sagði Matthildur að þyrfti sýn í
samfélags-, atvinnu- og umhverfis-
málum, skipulagið væri bara verkfæri
til að sú sýn gæti orðið að veruleika.
Til að komast að því hver framtíðar-
sýn svæðisins er þarf að leita til íbú-
anna og þar koma til sögunnar íbúa-
fundirnir sem haldnir hafa verið til
þessa, sambærilegir fundinum sem
boðað var til með unga fólkinu síð-
astliðinn fimmtudag. Fundargestir
eru beðnir um að deila reynslu sinni
og upplifun af svæðinu og ráðgjaf-
arnir leita eftir endurteknum þem-
um sem mynda kjarnann í heildar-
sýn svæðisins. Má nota slíkt í mark-
aðssetningu svæðisins í framtíðinni
og er það gert til að þeirri markaðs-
setningu verði ekki stjórnað utan frá
heldur stjórni heimamenn ímyndar-
sköpun svæðisins, því oft hafa heima-
menn aðra upplifun af sínu heima-
svæði en gestir þess.
Tækifærin ekki síst í
ferðaþjónustu
Gestir á fundinum á fimmtudaginn
voru fengnir til að merkja nokkra
staði inn á kort og hver og einn
beðinn um að segja hvaða þýðingu
staðir hefðu fyrir þá. Gestir voru
enn fremur beðnir um að greina
frá ímyndaðri starfsemi sem þeir
myndu koma á legg á svæðinu. Í
umræðum gesta kom fram að unga
fólki sér fjölda tækifæra á svæðinu
og bar þar mest á möguleikum í
ferðaþjónustu. Upp kom hugmynd
að gistiheimili á fallegum stað sem
væri hulinn byggð, þar sem gert yrði
út á ró og næði og afturhvarf til for-
tíðar því gististaðurinn væri net-
og sjónvarpslaus. Þá greindi Dag-
rún Jónsdóttir, einn fundargesta, frá
starfi sínu við Náttúrubarnaskólann
sem hún starfrækir í tengslum við
Sauðfjársetrið á Ströndum. Þar er
börnum sem fullorðnum boðið upp
á fjölda lifandi námskeiða sem fara
fram í fjörunni og náttúrunni í ná-
grenni Sauðfjársetursins. Sagði hún
það hafa gefist vel og taldi sig geta
gert meira úr því verkefni sínu. Þá
sáu gestir fyrir sér að hægt væri að
skipuleggja fjölda gönguferða um
falleg svæði, dagsferð um Fells- og
Skarðsströnd í Dölum, kajaksigling-
ar á innanverðum Breiðafirði, nátt-
úrulaugar og opnar laugar líkt og
Guðrúnarlaug á Laugum í Sælings-
dal og pottana í fjörunni á Drangs-
nesi og fleira tengt ferðaþjón-
ustu. Einnig komu fram hugmynd-
ir tengdar raforkuframleiðslu með
smáum en vel arðbærum vatnsafls-
virkjunum. Auk þess sáu fundargest-
ir fyrir sér að betur mætti nýta jarð-
varma á Reykhólum, hvort heldur
til að búa til rafmagn eða í tengslum
við heilsuböð og ferðaþjónustu.
Að umræðum loknum fór Matt-
hildur verkefnisstjóri yfir næstu
skref í vinnu við svæðisskipulagið.
Næst á dagskrá er kynning á grein-
ingarskýrslu ráðgjafafyrirtækisins
og síðan tekur við stefnumótun-
arvinna fram á vor. Í sumarbyrjun
er síðan stefnt að því að heildstæð
vinnslutillaga verði tilbúin og næsta
haust er stefnan að formleg svæðis-
skipulagstillaga verði kynnt og aug-
lýst í opinberu auglýsingarferli. Að
því loknu getur Skipulagsstofnun
tekið hana fyrir og þegar stofnun-
in hefur samþykkt svæðisskipulag-
ið verður það orðið opinbert og öll
vinna við gerð aðalskipulags í fram-
tíðinni verður að taka mið af því.
kgk
Ungt fólk sér fjölda tækifæra í heimabyggð
Hópur fólks undir þrítugu fenginn til að ræða heimabyggð og tækifærin þar
Hluti fundargesta sem ræddi sérstöðu og framtíðarmöguleika í Dalabyggð, Reykhólahreppi og Strandabyggð við ráðgjafa Alta
síðastliðinn fimmtudag.
Skyggða svæðið er landssvæði sveitarfélaganna þriggja sem um ræðir. Inn á kortið
merktu fundargestir fjölda staða og greindu meðal annars frá framtíðarmöguleikum
sem kynnu að liggja á hverjum og einum.