Skessuhorn - 30.05.2018, Blaðsíða 59

MIÐVIKUDAGUR 30. MAÍ 2018 59
Leikskólinn Ugluklettur
Leikur – Virðing - Gleði
OKKUR Í LEIKSKÓLANUM UGLUKLETTI Í BORGARNESI
VANTAR LEIKSKÓLAKENNARA í 100% STARF

Við erum 65 börn og 20 fullorðnir sem vantar leikskólakenn-
ara til starfa hjá okkur. Sá hinn heppni fær að njóta margra
forréttinda í sinni vinnu. Hann fær meðal annars að vera mikið
úti og njóta frábærrar náttúru, fær að skapa og nýta hæfileika
og styrkleika sína út í hið óendalega.

Það sem okkur í Uglukletti finnst mikilvægt að nýji leikskóla-
kennarinn hafi til brunns að bera er að:

Í Uglukletti byggir leikskólastarfið á hugmyndafræði Jákvæðrar
sálfræði þar sem meðal annars er horft til hugmynda Mihaly
Csikszentmihalyi um Flæði auk kenninga um sjálfræði barna.
Nánari upplýsingar eru á heimasíðu skólans http://ugluklettur.
leikskolinn.is/

Umsóknarfrestur er til 5. júní 2018
Laun eru samkvæmt kjarasamningi Sambands íslenskra •
sveitarfélaga við Félag leikskólakennara.
Samkvæmt jafnréttisstefnu Borgarbyggðar eru karlar jafnt sem •
konur hvött til að sækja um störf hjá sveitarfélaginu.
Í samræmi við lög um leikskóla nr. 90/2008 þurfa þeir sem •
ráðnir eru til starfa hjá leikskólum Borgarbyggðar að skila
sakavottorði.
Til greina kemur að ráða starfsmenn með aðra uppeldis-•
menntun og/eða reynslu.
Ráðið verður í starfið frá og með 2. ágúst 2018 •
Umsóknum skal skilað inn með rafrænum hætti í gegnum
heimasíðu leikskólans http://ugluklettur.leikskolinn.is/Upplysing-
ar/Starfsumsokn eða til Kristínar Gísladóttur leikskólastjóra sem
veitir nánari upplýsingar í síma 4337150 eða á netfang;
ugluklettur@borgarbyggd.is.
SK
ES
SU
H
O
R
N
2
01
8
Vera skemmtilegur•
Vera góður•
Góður í að vinna með vináttu•
Góður í að læra nöfn•
Þarf að hafa áhuga á börnum og samveru•
Þarf að vera góður í að fara út í fjöru•
Þarf að vera góður í að tala við börn•
Þarf að vera góður í útiveru og að ganga•
Þarf að hafa hæfileika til að kenna börnum•
Leyfa okkur að perla•
Góður í að skoða dýrin•
Góður í að hjálpa•
Kallar beðnir um að sækja um•
Skoðun barnanna: Skoðun fullorðinna
Jákvæður•
Þolinmóður•
Hraustur•
Glaðlyndur•
Opinn•
Útsjónasamur•
Skapandi•
Geti tekið af skarið•
Duglegur að leika•
Metnaðafullur•
Bókasafn Akraness • Dalbraut 1 • s. 433 1200
bokasafn.akranes.is • bokasafn@akranes.is
SK
ES
SU
H
O
R
N
2
01
8
Viltu læra að skrifa sögur?
Bókasafn Akraness býður börnum á aldrinum
10 (f. 2008) -14 ára að taka þátt í ritsmiðju 11.-14. júní.
Leiðbeinandi verður Eva Rún Þorgeirsdóttir rithöfundur.
Ritsmiðjan verður kl. 9:30-12.00. Skráning og upplýsingar
eru á Bókasafni Akraness, Dalbraut 1, netfang
bokasafn@akranessofn.is eða í síma 433 1200.
Ekkert þátttökugjald. Hámarksfjöldi á
námskeiðið er um 15 börn.
Finndu okkur á Facebook!
Að skrifa sögu er eins og að baka köku.
Allir geta gert það – allt sem þarf er að
finna rétta hráefnið og blanda því saman.
Fréttaveita Vesturlands
www.skessuhorn.is
Steinþór Logi Arnarsson frá Stór-
holti í Saurbæ lauk stúdentsprófi
af náttúrufræðibraut Menntaskóla
Borgarfjarðar á föstudaginn. Hann
hlaut einnig viðurkenningu fyrir
hæstu einkunn á stúdentsprófi, en
meðaleinkunn Steinþórs Loga var
9,12. Auk þess hlaut hann verðlaun
fyrir námsárangur í raungreinum,
vandaðasta lokaverkefnið og störf í
þágu félagslífs nemenda. Í samtali
við blaðamann Skessuhorns segist
hann ekki búa yfir neinum töfra-
ráðum til að ná góðum árangri í
námi. Hann segir námið einfald-
lega alltaf hafa legið vel fyrir sér.
„Ég gæti haldið því fram að lykill-
inn hjá mér sé skipulag en þá væri
ég að ljúga,“ segir Steinþór Logi
og hlær. „Ég er nefnilega ekki sér-
staklega skipulagður. Námsfyrir-
komulagið í MB, sem er leiðsagn-
armat án lokaprófa, er samt mjög
gott að því leyti að það heldur
manni við efnið svo maður verð-
ur að tileinka sér ákveðin vinnu-
brögð, sjálfstæði og eljusemi sér-
staklega. Svo ekki sé minnst á
kennarana en þeir eru ávallt með
manni í liði og metnaðarfullir við
að deila sinni sýn á hlutina. En ég
held að það sé bara mikilvægast að
hafa áhuga fyrir því sem maður er
að gera og reyna alltaf að gera sitt
besta.“
Stefnir á að
klára búfræðina
Samhliða námi hefur Steinþór
Logi haft nóg að gera en hann var
til að mynda formaður nemenda-
félags skólans, fór á loðnuvertíðir,
var með frjálsíþróttaæfingar, spil-
aði sem organisti í Reykhólapresta-
kalli um tíma og skrifaði annað
slagið greinar og tók myndir fyrir
Skessuhorn. Aðspurður hvað taki
nú við segir hann það vera að klára
annað árið í búfræði við Land-
búnaðarháskóla Íslands á Hvann-
eyri. „Námsferillinn minn er frek-
ar sérstakur. Í 10. bekk byrjaði ég
að taka áfanga á menntaskólastigi.
Það ruglaði aðeins því sem kom
á eftir og ég lenti oft í að áfangar
hjá mér sköruðust. Það leit út fyr-
ir að ég gæti útskrifast um síðustu
jól svo ég ákvað að byrja í búfræði
á Hvanneyri síðasta haust og var
í svo til tvöföldu námi í haust og
skrifaði lokaverkefnið mitt núna í
vor. Ég fékk reyndar ásamt verð-
launum frá Háskólanum í Reykja-
vík fyrir námsárangur í raungrein-
um boð um niðurfelld skólagjöld
ef ég kysi að hefja nám þar. Það
freistar vissulega en ég er þó allt-
af að segja öðrum að vera ekki að
flýta sér of mikið með lífið og ætti
kannski að líta í eigin barm með
það og klára bara búfræðina í ró-
legheitum og njóta,“ segir Stein-
þór Logi að lokum. arg
Dúxaði í Menntaskóla Borgarfjarðar
Steinþór Logi Arnarsson útskrifaðist frá Menntaskóla Borgarfjarðar á
föstudaginn. Hann hlaut verðlaun fyrir námsárangur í raungreinum, vandaðasta
lokaverkefnið, störf í þágu félagslífs nemenda og besta árangur á stúdentsprófi.
Síðastliðinn föstudag var braut-
skráning frá Menntaskóla Borgar-
fjarðar í Borgarnesi. 27 nemend-
ur voru brautskráðir við hátíðlega
athöfn. Nemendur útskrifuðust af
félagsfræðabraut, náttúrufræði-
braut, íþróttafræðibraut, bæði af
félagsfræða- og náttúrufræðasviði
og af opinni braut. Hæstur á stúd-
entsprófi að þessu sinni var Stein-
þór Logi Arnarsson frá Stór-Holti
í Saurbæ í Dölum. Steinþór fékk
fjölmargar viðurkenningar fyrir
framúrskarandi námsárangur, þar
á meðal fyrir besta námsárangur á
stúdentsprófi og vandaðasta loka-
verkefnið. Svava Sjöfn Kristjáns-
dóttir, sem kláraði stúdentspróf
um áramót, var næsthæst á stúd-
entsprófi við þessa útskrift. „Fjöl-
margir nemendur fengu einn-
ig viðurkenningu en starfsfólk
Menntaskóla Borgarfjarðar er ein-
staklega stolt af sínu fólki,“ segir í
frétt frá skólanum.
Ávarp nýstúdenta að þessu sinni
flutti Guðrún Gróa Sigurðardótt-
ir. Gestaávarpið flutti Helga Hall-
dórsdóttir en hún var formaður
byggingarnefndar skólans sem er
tíu ára. „Við óskum útskriftarnem-
um innilega til hamingju með dag-
inn og óskum þeim velfarnaðar í
því sem þeir taka sér fyrir hendur
með þökk fyrir samstarfið á liðnum
árum,“ segir í frétt MB. mm
Brautskráð frá Menntaskóla
Borgarfjarðar
Útskriftarhópurinn ásamt skólameistara og aðstoðarskólameistara.