Heimsmynd - 01.03.1990, Side 19

lega, setur fólk í flokka sem ungar og
þroskaðar sálir, kónga, stríðsmenn,
presta, þjóna og svo mætti áfram telja.
Þar er Aristóteles hikstalaust settur á
þroskaða skeiðið, þessi mikli heimspek-
ingur (en ekki gamla sálnaskeiðið). Aðr-
ir sem ekki ná því að vera gamlar sálir
heldur aðeins þroskaðar eru Beethoven,
Freud, Goya og fleiri andleg stórmenni.
Þessu svarar Atli og segir að þroskaða
sálin komi vitsmunum sínum frá sér í
ræðu eða riti en sú gamla hirði ekki leng-
ur um það. Þó er Einstein flokkaður sem
gömul sál, Bach og John Lennon.
Atli yppir öxlum og segir að engum
beri að taka þetta alvarlega. Fyrir hon-
um séu Michaelfræðin fyrst og
fremst skemmtun þótt hann sé
sannfærður um að hann hafi lif-
að oft áður og eigi einnig mörg
önnur líf fyrir höndum. „Eg
hlakka mjög til þess að verða
gamall. Það er svo langt síðan
að ég hef náð því að verða gam-
all,“ segir hann aftur með brosi.
„Eg náði háum aldri á Indlandi
á síðustu öld en var skotinn til
bana í síðari heimsstyrjöldinni
mjög ungur.“
Hann segist muna glefsur úr
nokkrum jarðvistum. „Ég veit
að ég var eitt sinn indíáni og
einnig háfættur Afríkunegri sem
dansaði með spjót. Þá var ég
breskur aðalsmaður á síðustu
öld, mjög fordómafullur og leið-
inlegur. Ég dvaldi á Indlandi og
var að reyna að kenna villi-
mönnunum þar betri siði og
háttu en rakst stöðugt á vegg og
varð mjög beiskur. Ég kom illa
fram við þá sem voru lægra sett-
ir en ég drapst loks úr einhverri
hitabeltissótt. Að sjálfsögðu var
það karma mitt í næsta lífi að fæðast sem
Indveiji og það var mun betra líf. Þarna
var hlutverk mitt að uppfræða meðbræð-
ur mína því ég varð að endurgjalda það
karma sem ég hafði áskapað mér sem
breski aðalsmaðurinn og ég mundi mitt
fyrra líf en það er Indverjum eðlilegt.
Dr. Jose Stevens vökumiðill hefur stað-
fest þessa fyrrilífssýn fyrir mér og allt
indverskt heillar mig mjög. Ég held að
mun fleira fólk finni þessa tengingu við
fyrri líf sín en vill viðurkenna það.
Þetta er allt spurningin um val,“ segir
hann. „Fyrir mér er endurholdgun jafn-
sjálfsögð og lífið en mér er enginn akkur
í að sanna það fyrir einum eða neinum.
Michael leggur einmitt áherslu á það við
okkur sem til þessa afls höfum leitað að
vera ekki of auðtrúa. Mitt markmið með
þessu öllu er að þroska mig til að hjálpa
öðrum. Ég er að þroska minn innsta sál-
arkjarna og glíma við þær grunnpersónu-
eigindir sem ég valdi sjálfur áður en ég
fæddist. Ég veit að dauðinn bíður mín
eins og allra. Dauðinn er takmarkið því
hann markar upphaf að nýju lífi, nýju
skeiði hinnar endalausu þroskagöngu
sálarinnar sem er að leita Ijóssins." □
/
Við erum svo blind,“ segir Guð-
rún Bergmann og á við þá for-
dóma sem ríkja í garð dulspek-
innar. „Það sem við sjáum ekki en aðrir
skynja erum við ekki tilbúin að viður-
kenna þótt vitað sé að sjónsvið okkar er
óskaplega takmarkað.“ Hún rekur versl-
unina Betra líf á Laugaveginum, er
tveggja barna móðir og eiginkona hins
þekkta kaupsýslumanns Guðlaugs Berg-
mann en saman hafa þau hjónin verið á
kafi í dulspeki og stjörnuspeki um langt
árabil.
Guðrún er í hópi þeirra sem eru að
leita nýrrar aldar. Hún byrjaði á stjörnu-
spekinni, fór síðan af auknum krafti að
leita í dulspekina og segist vera að ná
jafnvægi sem hún hafi aldrei þekkt áður.
„Ég er að verða fertug og mér hefur
aldrei liðið betur. Ég hef alltaf trúað á
Guð og finnst leiður sá misskilningur
sem upp hefur komið að ég sé að boða
einhverja nýja trú með því að selja fólki
steina. Því fer fjarri. Steinar gefa frá sér
orku og ljós en þeir eru eingöngu hjálp-
artæki eins og aðrir orkugjafar. Ég nýt
sólarljóssins en ég trúi ekki á sólina
fremur en steinana. Líkami minn fær D-
vítamín úr sólargeislum en ef ég er of
lengi í sólinni þá brenn ég.“
A heimili þeirra Guðrúnar og Guð-
laugs Bergmann eru steinar en þar eru
líka krossar og alls konar helgitákn. Þau
búa á Seltjarnarnesi ásamt tveimur son-
um sínum og litlum labradorhvolpi sem
þau eru nýbúin að fá. „Ég spurði konuna
sem seldi okkur þessa litlu tík klukkan
hvað hún hefði fæðst. Konan hélt ég
væri léttgeggjuð en gaf mér samt upp
fæðingarstundina og ég gerði stjörnukort
fyrir hana. Ég vildi kynna mér skapgerð
hennar áður en ég keypti hana og komst
meðal annars að því að hún er pínulítil
frekjudós.“
Þau eru dugleg að gera stjörnukort,
ráða ekki fólk í vinnu án þess að
kanna afstöðu stjarna við fæð-
ingu þess og segjast mun betur
undirbúin að umgangast fólk
þekkjandi afstöðurnar á korti
þess.
Stjörnuspeki hafði heillað
okkar um tíma þegar við heyrð-
um eitt sinn í Gunnlaugi Guð-
mundssyni stjörnuspekingi í út-
varpsþætti um þessi mál. Það
var árið 1983 og hann var spurð-
ur að því hvernig vog og sporð-
dreki pössuðu saman. Illa, svar-
aði hann og Gulli sagði við mig
að þetta gæti náttúrlega ekki
passað þar sem við hjónin erum
sporðdreki og vog. Seinna áttuð-
um við okkur á því að Gulli
Guðmunds hefur horn í síðu
sporðdreka. Við höfðum sam-
band við Gunnlaug og fórum á
stjörnuspekinámskeið og fannst
leikandi létt að komast inn í
þessi mál enda líklegt að við
höfum eitthvað fengist við þetta
áður. Við urðum fljótt sammála
um það að við þyrftum að koma
Gunnlaugi Guðmundssyni á framfæri en
þá vann hann við að gera stjörnukort
heima hjá sér. Við báðum hann að
stofna með okkur fyrirtæki þar sem við
legðum til stofnfé en hann þekkinguna.
Það varð úr. Hann fór til Énglands og
kynnti sér tölvuvæðingu í þessu sam-
bandi og fljótlega eftir það var Stjörnu-
spekimiðstöðin komin á laggirnar.“
Eftir stjörnunum að dæma, segir Guð-
rún, eru afstöðurnar slíkar nú að mikil
umrót eru í heiminum. „Satúrnus, Uran-
us og Neptúnus eru í samstöðu í Stein-
geit en hún er táknræn fyrir kerfið. Alls
staðar eru kerfi að hrynja. Satúrnus er
tákn samtryggingar en Uranus byltingar
og Neptúnus hugsjóna. Þessi stjarnfræði-
lega afstaða var síðast ríkjandi fyrir um
170 árum. Þessar miklu umbreytingar
sem fylgja nýöldinni gera það að verkum
að fólk er mjög leitandi. Það eru margar
leiðir til Guðs en ég vil orða það svo að
hann hafi gefið okkur öllum neista sem
við höfum allt of lengi kæft í efnishyggju.
Það er þessi neisti sem fólk er að leita að
núna, í sjálfu sér, og vill gera að báli.“
Henni finnst viðbrögð kirkjunnar við
þessari dulspeki og sjálfsleit endurspegla
framhald á bls. 92
Guðrún Bergmann
segir að samkvæmt afstöðu stjarnanna séu mikil umrót í
heiminum.
HEIMSMYND 19