Heimsmynd - 01.03.1990, Qupperneq 62

AÐ LUMSKAST TIL
AÐ LIFA EIGIN LÍFI
Þórunn Valdimarsdóttir sagnfræðingur
r
[g skynja mig fyrst og fremst sem mann,“ segir Þórunn
Valdimarsdóttir sagnfræðingur. „Ég hef stundum upp-
lifað sjálfa mig sem svikara í sagnfræðinni þar sem nú
orðið er nánast ætlast til þess að konur leggi sig eftir
kvennasagnfræði, verði krossfarar kvenfrelsis, en ég
hef bara meiri áhuga á ýmsu öðru. Kannski vegna þess
að mamma mín og báðar ömmur voru mjög sterkar
konur og mér fannst aldrei að það að vera kona þyrfti
að hamla manni á nokkurn hátt. Þegar ég var lítil ætl-
aði ég annaðhvort að verða rithöfundur eða stjórn-
málamaður og datt aldrei í hug að neitt væri því til fyr-
irstöðu. Og mér finnst heldur ekki sú fyrirstaða sem
konur kvarta undan vera raunveruleg. Hún er miklu
fremur sálræn. Innri ritskoðun kvenna á sjálfum sér. Þegar
horft er til afkomenda þeirra kvenna sem mest bar á fyrr á
öldinni, eins og Bríetar Bjarnhéðinsdóttur og Ingibjargar
Bjarnadóttur, kemur í ljós að þar eru sterkar konur á ferð,
konur sem hafa fyrirmynd formæðra sinna að leiðarljósi og
láta ekki þessa sálrænu fyrirstöðu vefjast fyrir sér. Kvenfrelsi
er einstaklingsfrelsi, spurningin um að vera maður og rækta
sitt eðli. En ef konur ætla að rækta sitt eðli og eignast börn
fylgir því í nútímaþjóðfélagi mikið taugaálag, því þú hefur
engan tíma til að hugsa um börnin eins og þér finnst að þér
beri. Frelsi kvenna nútildags felst þá kannski fyrst og fremst í
því að geta stjórnað því hvort þær vilja eignast börn eða
ekki.“
Þórunn er gift Eggert Þór Bemharðssyni sagnfræðingi og á
einn son. Hún segir aldrei hafa ríkt neinn meting milli þeirra
hjóna þótt bæði séu í sama fagi, þau virði rétt hins til að sinna
sínum hugðarefnum. Þórunn var tuttugu og sjö ára þegar
barnið fæddist og segir það hafa verið mikinn létti að verða
eiginkona og mamma: „Maður var allt í einu kominn á örugg-
an bás. Allur sá tími og sú orka sem áður hafði farið í erót-
ískar pælingar um karlmenn nýttist manni nú til að vinna,
hugsa og skrifa. Barnið veitti mér tilfinningalega fullnægju og
það var stórkostlegt að upplifa það að þarna var kominn stór
62 HEIMSMYND