Heimsmynd - 01.03.1990, Qupperneq 90

FASTIR LIÐIR
Rithöfundar eru óánægðir með
vinnubrögð í nefndinni sem veitir hin
árlegu verðlaun Rithöfundasjóðs
Ríkisútvarpsins. Deilan snýst þó ekki
um höfundana sem hafa hlotið þessi
verðlaun. Þannig er að
Rithöfundasamband íslands tilnefnir tvo
nýja fulltrúa í nefndina á hverju ári en
þar sitja einnig þrír aðrir, fulltrúar
Ríkisútvarpsins og menntamálaráðherra,
og er þar um að ræða sömu mennina,
sem setið hafa í nefndinni jafnvel árum
og áratugum saman. Fulltrúum RSf
finnst sem þeir hafi gerst æði heimaríkir
með árunum og í síðasta fréttabréfi RSÍ
er frá því greint að Einar Bragi, annar
fulltrúa RSÍ, hafi kvartað til stjórnar þess
yfir því að hinn fasti meirihluti
nefndarinnar hafi verið búinn að taka
ákvörðun um verðlaunaveitinguna áður
en nefndin í heild kom saman til fundar.
Fulltrúar rithöfunda hefðu því einungis
komið á fund til að fá að heyra hvað
gamli meirihlutinn var búinn að koma
sér saman um fyrirfram.
Rithöfundasambandið mun beita sér
fyrir breyttri tilhögun á skipan
nefndarinnar, þannig að ágreiningur um
formsatriði verði ekki til þess í
framtíðinni að varpa skugga á þessi
ágætu verðlaun.
VERKFALLSGRÓÐI
Það hljóp á snærið fyrir íslenska
bankakerfinu á dögunum vegna
verkfalls sænskra bankamanna.
Flundruð milljóna íslenskra króna höfðu
verið sendar um sænska banka til
greiðslna á ýmsum alþjóðlegum
skuldbindingum og urðu þar innlyksa í
verkfallinu. Sænskir bankar munu verða
að taka á sig ábyrgðina gagnvart
viðtakendum fjárins og greiða fulla vexti
af því þann tíma sem verkfallið stóð.
íslenska bankakerfið mun því hagnast
sem vöxtunum nemur eða um nokkrar
milljónir króna.
KONUR OG SPÚTNIKAR
Á nýlegum aðalfundi Verslunarráðsins
var hressilega endurnýjað í
aðalstjórninni. Hildur Petersen (Flans
Petersen, Kodak) varð til þess fyrst
kynsystra sinna að stíga inn í hin helgu
vé. Tvær konur voru líka kjörnar í
varastjórn, Kristín Þorkelsdóttir
(auglýsingaskrifstofan AUK) og Margrét
Theódórsdóttir (Tjarnarskóli). Flelmingur
18 stjórnarmanna eru nýir í aðalstjórn,
en oftast hafa menn viðkomu í
varastjórninni fyrst áður en þeir eru
kjörnir í aðalstjórnina. Núna komu þrír
spútnikar þar inn án þess að hafa haft
viðkomu í varastjórninni: Tryggvi
Pálsson, bankastjóri íslandsbanka og
áður hjá Verslunarbanka, Haraldur
Haraldsson í Andra og stjórnarmaður í
Stöð 2 og Orri Vigfússon, ICY vodka,
frammámaður í uppkaupum
laxveiðikvótans á Atlantshafi og
stjórnarmaður í Stöð 2. Auk þeirra komu
inn sex sem áður höfðu átt sæti í
varastjórn: Sigurður Gísli Pálmason
(Flagkaup og stjórnarformaður íslenska
útvarpsfélagsins), áðurnefnd Hildur
Petersen, Þorgeir Baldursson
(Prentsmiðjan Oddi og í stjórn nýju
sjónvarpsstöðvarinnar SÝNar),
Þorvaldur Guðmundsson (Síld og
fiskur), sem er raunar gamalkunnur í
ráðinu og fyrrum formaður þess,
Jóhann Bergþórsson (Hagvirki) og
Gunnar Helgi Hálfdánarson hinn nýi
forstöðumaður Landsbréfa,
verðbréfafyrirtækis Landsbankans, en
áður hjá Fjárfestingarfélaginu.
Jóhann J. Ólafsson (sem nú er einnig
stjórnarformaður Stöðvar 2) er nú að
hefja þriðja tveggja ára kjörtímabil sitt
sem formaður ráðsins, en alllangt er
orðið síðan formaður hefur setið lengur
en tvö kjörtímabil.
VIRÐINGAR-
MÆLIKVARÐI?
Seta í aðalstjórn Verslunarráðsins
/ söludeildum Pósts og síma býðst þér gott úrval af
vönduðum símtœkjum auk alhliða símaþjónustu
Söludeildir Pósts og síma um land allt bjóða eingöngu viðurkenndan
úrvalsbúnað og örugga viðgerðar- og viðhaldsþjónustu.
Hjá okkur færðu gott úrval af allskyns símtækjum og aukabúnaði á góðum PÓSTUR OG SÍMI
greiðslukjörum.
Póst- og símstöðvar um land allt og söludeildir
Kringlunni, Kirkjustræti og Ármúla 27.
90 HEIMSMYND