Litli Bergþór - des. 2018, Blaðsíða 43

Litli-Bergþór 43
með trússinn inn í Hvítárnes fyrsta
daginn, og var það einnig í þetta
sinn. Gerði það Trausti Kristjánsson í
Einholti og fékk hann sér til aðstoðar
Ragnar Jóhannesson í Ásakoti.
Svo rann upp hinn mikli dag ur. Við
Hárlaugur gistum í Gýgjarhólskoti
nóttina áður og áttum þar ágæta nótt
hjá því heiðursfólki.
Við vorum árla á fótum um
morguninn og eftir að hafa þegið góðar
veitingar og ferðaóskir, stigum við á
bak hestum okkar og héldum úr hlaði
til móts við Guðna, sem stóð ferðbúinn
hjá hestum sínum þegar við komum.
Var svo haldið, sem leið liggur, hjá
Kjóastöðum og er það síðasti bær áður
en farið er úr byggð. Urðum við að
þiggja þar góðgerðir áður en haldíð
væri á fjöllin. En ekki dugir að tefja lengi því löng
leið er fyrir höndum. Stigum við því brátt á bak á
ný og héldum af stað hlaðnir góðum ferðaóskum.
Var veður ágætt, þurrt og svolítið frost. Við
Sandá var áð og étinn biti, sem við höfðum með
okkur en síðan haldið áfram í stefnu á Bláfellsháls.
Þegar við komum inn að Bláfelli kom „Trússi"
á eftir okkur og hélt hann áfram og var brátt úr
augsýn. Við héldum áfram á okkar hestum og
tókum eitthvað á vasafleygum, sem voru með í
ferðinni, en allt var það í hófi. Komum við svo í
Hvítárnes um dimmumót. Var „Trússi" þá kominn
fyrir góðri stundu og beið okkar rjúkandi kaffi á
borðum. Voru því gerð góð skil, því við höfðum
ekki fengið kaffi allan daginn. Þeir Trausti og
Ragnar fóru svo til baka um kvöldið. Við gengum
frá hestum við fullan töðustall og fórum síðan að
sofa.
Við vorum árla á fótum, því nú skal byrja að leita.
Veður er þó ekki gott til þeirra hluta, suðvestan
éljagangur og hvítt af snjó. Þó eru allir samþykkir
því að leggja af stað. Voru hestar teknir og búið
upp á þá í skyndi. Kom það í hlut Hárlaugs að
fara með trússana í Fossrófur og skyldi hann fara
beinustu leið. Við hinir fórum út yfir Fúlukvísl
og skyldu 2 smala Karlsdrátt, inn með Hrútfelli
og austur í Þverbrekkur. Kom það í hlut Jóns
og Guðna, en ég leitaði Hrefnubúðir og inn yfir
Baldheiði. Hittumst við síðan í Þverbrekkum og
vorum samferða austur í Fossrófur um kvöldið.
Engin kind fannst þennan dag.
Föstudagur: Veður var heiðskírt og bjart þennan
morgun. Nú skal Austurkrókurinn leitaður og gist
á Hveravöllum næstu nótt. Eftir að hafa matazt
og drukkið kaffi, er farið að búa sig af stað. Nú er
meiri hlutinn af dótinu skilinn eftir en aðeins farið
með trúss á einum hesti og geta þá allir leit-að.
Fór Jón vestastur og leitaði Fossrófurnar og verin
vestan við Graðhól, en innan við þann hól eiga
allir að hittast. Við hinir urðum samferða austur
að Blákvísl. Fór Hárlaugur síðan inn með henni að
vestan en við Guðni fórum nokkru austar. Þegar
við erum komnir upp í Hnappöldu og ætlum að
fara að skipta okkur, þá sjáum við hvar Hárlaugur
veifar til okkar. Er hann búinn að finna tvær kindur
og reyndist þetta vera svört ær frá Karli bónda í
Gýgjarhólskoti, og hafði hennar verið saknað
af fjalli. Urðum við nú harla kátir yfir þessum
óvænta feng. Var nú farið með þær í Fossrófur í
geymslu. Að því búnu var leitinni haldið áfram.
Hittumst svo allir á tilteknum stað en Jón var
kominn á undan okkur með trússahestinn, sem
hann teymdi með sér. Var nú setzt að snæðingi
þarna á auðninni, en heldur var það kuldalegt, því
allt var hvítt af snjó og kominn bylur og dvöldumst
við þar ekki lengur en við þurftum. Var nú tekin
stefna á Rjúpnafell og þaðan til Hveravalla. Er
þar komið á innstu takmörk afréttarins því þarna
er varnargirðing milli jökla og smala norðanmenn
suður að henni. Áttum við þarna góða nótt í
upphituðu húsi Ferðafélags Íslands.
Laugardagur: Ekki leizt okkur á veðrið þegar við
litum út um morguninn, því komin var blindhríð
af norðaustri. Fórum við að engu óðslega, bættum
heyi á hestana, borðuðum með beztu lyst og
drukkum að sjálfsögðu mikið af kaffi. Þegar leið á
morguninn fór að birta í lofti og ekki leið á löngu
þar til allur bylur var horfinn út í veður og vind
og komið sæmilegt veður. Voru nú hafðar hraðar
hendur, húsið þvegið út úr dyrum, hestar sóttir í
hesthús og lagt á þá og síðan haldið af stað. Nú
skal leita Tjarnadali, Þjófadalafjöll, Þjófadali,
Fé rekið í Tungnaréttir.