Dagblaðið Vísir - DV - 29.11.2019, Qupperneq 35

Góð kaup29. nóvembert 2019 KYNNINGARBLAÐ
Hættum að skrópa, Noona
Þegar við fengum fyrst símtal frá sölumanni DV vorum við efins um ágæti þess og tilgang
að borga fyrir að kynningarfulltrúi
myndi skrifa um okkur svokallaða
„kynningargrein“. Auðvitað væri frá-
bært ef fjölmiðlar landsins tækju sig
til og skrifuðu meira um Noona og
það sem við erum að gera, en það er
frekar á okkur en þeim að gera eitt-
hvað sem getur talist fréttnæmt.
Eftir nánari íhugun kom þó í ljós að
þetta gæti verið góður vettvangur
til þess að fræða almenning, og þar
með talið þig, kæri lesandi, um eitt
stærsta vandamálið sem við erum
að takast á við. Vandamál sem fáir
velta mikið fyrir sér en veldur miklum
þjóðfélagslegum skaða. Vandamál
sem viðskiptavinir okkar, aðilar sem
taka við tímabókunum, glíma við á
hverjum einasta degi.
Viðskiptavinir okkar bera enga
sök á þessu vandamáli sjálfir. Öllu
heldur eru það viðskiptavinir þeirra
sem valda þessu, oft ómeðvitaðir um
afleiðingarnar sem fylgja. Milljarðar
tapast árlega vegna þessa og það
er tímabært að við opnum á um-
ræðuna.
Vandamálið sem um ræðir er
skróp. Þegar tímar eru bókaðir hjá
fagaðilum eða sérfræðingum, sem
síðan voru ekki nýttir.
Getur verið að þú sért hluti af
vandamálinu?
Stærra en þú heldur
Skróp hefur áhrif á stóran hóp
þjóðfélagsins. Stéttir sálfræðinga,
kírópraktora, hársnyrtifræðinga,
snyrtifræðinga, fótaaðgerða-
fræðinga, ráðgjafa og fleiri glíma
allar við þetta skæða vandamál.
Vandamálið er stærra en flestir
halda. Samkvæmt gögnum okkar
er skrópað í u.þ.b. 5% allra tíma á
Íslandi og ef þú skrópaðir ekkert á
árinu sem var að líða ert þú í minni-
hluta.
Á verstu mánuðum sem við
höfum séð, yfir 5 ára sögu okkar við
að þjónusta einstaklinga og fyrir-
tæki sem taka við tímabókunum,
var skrópað í 20% af öllum tímum
mánaðarins.
Getur þú ímyndað þér að fá
óvænt 20% minna útborgað en þú
gerðir ráð fyrir? Fyrir marga getur
það haft í för með sér mikla óvissu
varðandi hvort hægt sé að mæta
útgjöldum mánaðarins.
Þjónustuaðilar um allt land
verða af þúsundum, ef ekki tugum
þúsunda króna, við hvert einasta
skróp. Eftir því sem mánuðirnir líða
breytast tugir þúsunda í hundruð
þúsunda. Yfir árin tapast milljónir.
Fjármunir sem betur væru nýttir í
viðgerðir á húsinu, utanlandsferðir
með fjölskyldunni eða eitthvað fal-
legt handa krökkunum.
Óásættanlegur raunveruleiki
Skróp veldur þjónustuaðilum flóru af
erfiðum tilfinningum. Sífelld óvissa
um tekjur mánaðarins valda áhyggj-
um sem aðrir þegnar atvinnulífsins
þurfa blessunarlega ekki að glíma
við. Vonbrigðin þegar hugsað er til
tekjutaps seinustu viku, mánaðar og
ára skjótast upp í huga margra með
reglulegu millibili.
Skiljanlega upplifa margir reiði
í hvert skipti sem einhver skrópar.
Sérstaklega ef viðskiptavinurinn hr-
ingir ekki einu sinni til að afboða tíma
sem aðrir hefðu glaðir vilja mæta í
og tekjutapið því algjörlega tilgangs-
laust.
En þetta er því miður raun-
veruleikinn sem flestir innan þjón-
ustugeirans glíma við. Þetta eru
aðstæður sem enginn annar hópur
innan samfélagsins þarf að sætta
sig við. Þessar aðstæður eru óá-
sættanlegar.
Hvað er sanngjarnt?
Stór vandamál krefjast lausna. Sú
lausn sem oftast hefur borist í tal
innan þjónustugeirans eru skróp-
gjöld. Gjald á milli 50–70% af and-
virði tímans sem leggst á viðskipta-
vin ef hann skrópar.
Sú lausn gengur upp af nokkrum
ástæðum. Ef viðskiptavinir bera
fjárhagslegan hvata af því að mæta
í tíma mun skróp minnka. Einstak-
lingar sem ætla sér ekki endilega að
mæta í tíma hugsa sig tvisvar um að
bóka ef þeir eiga á hættu að þurfa
að greiða skrópgjald*. *Ef skróp á sér
stað, þarf þjónustuaðilinn ekki einn
að bera kostnaðinn af mistökum
viðskiptavinarins.
Við munum þó alltaf berjast
fyrir sanngjörnum viðskiptaháttum.
Þegar kemur að skrópgjaldi þarf að
taka tillit til aðstæðna hverju sinni.
Ákvörðun sem varðar framkomu
fyrirtækja við viðskiptavini sína þarf
að horfa á með linsum siðferðisins,
sannleikans og sanngirni.
Því hvað er raunverulega sann-
gjarnt? Er það sanngjarnt að
þjónustuaðili tapi peningum mánað-
arlega því fólk sefur yfir sig? Er það
sanngjarnt að þú þurfir að greiða
fyrir tíma sem þú komst ekki í vegna
þess að þú lentir í bílslysi, eða þurftir
að bíða með barninu á slysó?
Þetta eru erfiðar spurningar, því
þær kljást hvor við aðra. Hvorugt er
sanngjarnt. Hvort rukka eigi skróp-
gjald er því spurning sem býður upp
á tvö sönn svör sem eru í beinni
þversögn hvort við annað.
Það er sanngjarnt að þjónustu-
aðili fái greitt fyrir tíma sem fólk
bókar. Sama hvort þjónustan er veitt
eða ekki, þá eiga allir rétt á því að
fá greitt fyrir að lofa tíma sínum og
sérþekkingu í þágu annarra.
En það er heldur ekki sanngjarnt
að þú þurfir að greiða fyrir tíma
sem þú komst ekki í vegna einstakr-
ar óheppni. Það er nauðsynlegt að
geta sýnt samúð í viðskiptum.
Skrópgjaldið ætti því einungis
að vera rukkað undir sanngjörn-
um kringumstæðum. En hvenær er
það þá sanngjarnt að rukka skróp-
gjaldið? Það er spjallið sem við sem
samfélag þurfum að eiga.
En það spjall ætti frekar að snú-
ast um hvenær, en ekki hvort, eigi að
rukka skrópgjald.
Nýtt viðhorf
Við hjá Noona höfum eitt markmið:
Að auka heildarveltu á þjónustu-
markaði. Okkur langar að hjálpa öll-
um sem taka við tímapöntunum að
lifa þægilegra lífi, minnka tímaeyðslu
sem fer í símsvörun, draga úr skrópi
og leyfa fólki að einbeita sér að því
sem það er best í, að þjónusta þig.
Skróp er flóknasta vandamál sem
við höfum tæklað enda engin augljós
lausn í sjónmáli. Við munum aldrei
eyða skrópi algjörlega þótt okkur
dreymi um það. Óhöppin gerast
án fyrirvara og stundum er skróp
óhjákvæmilegt. Ef þú lendir í slíkum
aðstæðum hvetjum við þig til að láta
vita með eins löngum fyrirvara og
mögulegt er.
Stundum skrópar þú vegna
gleymsku. Allir gera mistök. Við erum
mannleg, eftir allt saman. Er þá ekki
sanngjarnt að greiða skrópgjald?
Við ættum öll að gera allt sem í
okkar valdi stendur til að skrópa ekki.
Kæruleysislegu viðhorfi okkar gagn-
vart skrópi þarf að breyta.
Við getum hjálpað
Ef þú bókar tímann þinn í gegnum
Noona þarf þjónustuaðili ekki að
taka sér tíma frá viðskiptavini til að
svara símanum. Þá eru líka minni
líkur á að þú skrópir að óþörfu, því
Noona-appið sendir þér áminningu
klukkutíma fyrir tímann. Ef upp kem-
ur sú staða að þú þurfir að afbóka
eða færa tíma getur þú svo gert það
hvenær sem er dagsins á Noona, í
staðinn fyrir að hringja enn eitt sím-
talið í viðbót.
En sama hvernig þú bókar tímann,
mundu bara að það er manneskja á
hinum enda línunnar sem er að taka
frá verðmætan tíma sinn fyrir þig.
Mætum eða látum vita. Samfélag
okkar verður ríkara og sanngjarnara
fyrir vikið.