Dagblaðið Vísir - DV - 29.11.2019, Síða 56

56 29. nóvember
Gamla
auglýsingin
22. desember 1983Tímavélin
D
úettinn Dr. Mister & Mr.
Handsome steig fram á
sjónarsviðið árið 2006 og
hristi allrækilega upp í
landsmönnum, þó ekki ávallt á
góðan hátt. Sveitin gaf út plötuna
Dirty Slutty Hooker Money og
urðu mörg lög af plötunni afar
vinsæl, þó helst Kokaloca og Is
It Love? Það sem vakti þó minni
lukku var yrkisefni tvíeykisins,
þeirra Ívars Arnar Kolbeinssonar,
Dr. Mister, og Guðna Rúnars
Gunnarssonar, Mr. Handsome.
Þeir sungu helst um kókaín,
krakkhórur og kvenfyrirlitningu.
Ívar og Guðni báru því ávallt
við að Dr. Mister og Mr. Hand­
some væru skáldaðar persónur
– að hljómsveitinni hefði verið
ætlað að gera grín að klúbba­
menningu sem kennd er við
teknósveitina Scooter. „Þetta er
bara konseptið á plötunni, við
erum að leika karaktera og þeir
eru svona djöfulli harðir,“ sagði
Ívar í viðtali við Fréttablaðið í júlí
árið 2006. „Þetta er bara list, það
er flottur glans á þessu og þetta
kemur bara mjög vel út, bara út­
úrgott klúbbastöff.“
Listræni parturinn var einnig
umdeildur og fékk Dirty Slutty
Hooker Money frekar dræma
dóma. Vissulega þótti tónlistin
grípandi en textarnir frekar
slappir.
„Ef hljómsveitin gefur sér betri
tíma til þess að vinna næstu plötu,
og einhvern annan til að sjá um
textasmíðarnar, þá eru Dr. Mist­
er & Mr. Handsome meira en fær­
ir um að ná þeim háleitu mark­
miðum sem þeir hafa sett sér,“
skrifaði Atli Bollason í plötudómi
í Morgunblaðinu. Í sama dómi
furðaði Atli sig á að ekki meira
fjaðrafok hefði orðið vegna „ær­
slabelgjanna“ eins og þeir voru
oft kallaðir, þeir Ívar og Guðni.
„Undirrituðum þykir sér­
kennilegt að platan sem hér er til
umfjöllunar skuli ekki hafa hlot­
ið meiri (neikvæða) umfjöllun í
formi lesendabréfa og/eða í um­
ræðuþáttum í útvarpi og sjón­
varpi. Kókaín og kvenfyrirlitning
eru meginþemun á Dirty Slutty
Hooker Money, og hvort tveggja
er æskilegt að dómi Dr. Mister
og Mr. Handsome. Menn hafa nú
verið hengdir í fjölmiðlum fyrir
minna.“
„Ætla að djamma þar til ég
drepst“
Gagnrýnisraddir urðu þó há­
værari eftir að Ívar birtist á for­
síðu Sirkus, fylgirits Frétta­
blaðsins, undir fyrirsögninni:
„Ætla að djamma þar til
ég drepst.“ Það viðtal var
afar opinskátt, svo vægt
sé til orða tekið. Í byrj­
un þess lýsti Ívar ferða­
lagi hljómsveitarinnar til
Akureyrar.
„Ég er fokking klóraður eftir
stelpurnar. Þær voru brjálaður.
Ein þeirra runkaði mér baksviðs
skömmu áður en fíknó mætti með
hund og gómaði einn okkar með
dóp. Við enduðum svo í brjál­
uðu eftirpartýi, duttum herfilega
í það og flugum svo beint í bæinn
til að spila á styrktartónleikum
Forma, illa góðir því,“ sagði hann
og bætti við að hann væri á föstu
– með kókaíni. Þá sagðist hann
einnig hafa unnið fyrir sér sem
dópsali og neytti stíft fíkniefna.
Stuttu áður en viðtalið var tek­
ið var Ívar á Vogi í sex daga en
nennti ómögulega að verða edrú.
Er blaðamaður spurði hann hvort
hann vildi ekki hætta í dópinu
stóð ekki á svörunum:
„Nei. Þetta er lífið í kringum
bandið. Það fylgir þessu veisla og
geðveiki. Ég fíla þetta í botn og
ætla að halda þessu partýi gang­
andi þar til ég dey.“
Bubbi brjálaður
Meðal þeirra sem gagnrýndu við­
talið við Ívar á sínum tíma var
tónlistarmaður Bubbi Morthens,
sem hefur marga fjöruna sopið.
„Ef hann finnur ekki lausn á
þessu hefur hann fullan rétt á
að drepa sjálfan sig á eiturlyfja­
neyslu,“ sagði hann í samtali við
Sirkus nokkru síðar. „Það er nú
samt eitthvað sem segir manni
að þessi drengur sé mjög firrtur
og honum líði ekki vel og allt það.
En hann hefur samt fullan rétt til
þess að lifa svona.“
Valgerður Pálmadóttir, sem
þá var nemi í kynjafræði, gagn­
rýndi Dr. Mister & Mr. Handsome
einnig harðlega í Fréttablaðinu.
„Það er ekkert sem gefur til
kynna að þetta sé grín og þetta er
greinilega ekki ádeila. Mér finnst
þetta svipað og Snoop Dog, hann
var alltaf með örgustu kvenfyrir­
litningu í texta og fólki fannst
það bara fyndið og kúl. Svo var
hann kærður fyrir hópnauðgun
fyrir stuttu síðan. Þetta er greini­
lega meira en húmor,“ sagði hún.
Fleiri tóku í sama streng. Sól­
mundur Hólm var hins vegar
meðal þeirra sem voru hæst­
ánægðir með músíkina.
„Allt sem sagt er er tekið of
bókstaflega. Vissulega syngja
þeir um kókaín, hórur og skítugar
druslur en þegar ég hlustaði á
diskinn, þá langaði mig ekki neitt
í kókaín, ekki heldur í skítuga
hóru eða druslu. Þess í stað lang­
aði mig til að fara út á gólf og
dansa eins og mutha fucka,“ skrif­
aði hann í DV.
Rándýr pylsa
Svo fór að hljómsveitin lagði upp
laupana síðla árs 2006. Í frétt
Fréttablaðsins var ástæða slit­
anna rakin, en hún tengdist því að
hljómsveitin gat ekki spilað á tón­
leikum því Ívar stóð ekki við loforð
sitt um að vera edrú. Þá átti Ívar
einnig að hafa hirt pening af hin­
um hljómsveitarmeðlimum, sem
þá voru orðnir fleiri en þeir tveir,
hann og Guðni. Í kjölfarið flutti
Ívar til Danmerkur en sneri aftur
til Íslands nokkru síðar og stofnaði
meðal annars hljómsveitirnar The
Musik Zoo og The Krooks. Þá var
hann einnig dæmdur fyrir akstur
undir áhrifum vímuefna sem og
bendlaður við vopnað rán í 10­11.
Séð og Heyrt sagði Ívar hafa keypt
pylsu fyrir ránsfenginn og farið í
meðferð. Síðan þá hefur lítið farið
fyrir honum eða sálugu sveitinni
Dr. Mister & Mr. Handsome. n
Sundaborg 3
104 Reykjavík
777 2700
xprent@xprent.is
SKILTAGERÐ
Ljósakassar
Ljósaskil

3D stafir
Hönnun
Ráðgjöf
Uppsetning
Sundaborg 3
104 Reykjavík
777 2700
xprent@xprent.is
I
Ljósakassar
Ljósaskil

3D stafir
önnun
Ráðgjöf
ppsetning
Kvenfyrirlitning og kókaín
n Dr. Mister & Mr. Handsome komu, sáu, sigruðu og hættu á innan við ári
n Umdeilt viðtal við Ívar gerði útslagið
Lilja Katrín Gunnarsdóttir
lilja@dv.is
Plötuumslagið
Dirty Slutty Hooker
Money var fyrsta
og eina plata
sveitarinnar.
Gerði allt vit­
laust Forsíðuvið-
talið við Ívar vakti
mikið umtal.
Endalok
sveitar­
innar
Ívar tók
peninginn.
Umfjöllun Séð og Heyrt
Ívar bendlaður við rán.