Fréttablaðið - 12.03.2016, Blaðsíða 8

Heilbrigðismál Söfnun og rannsókn á
tilkynningum um aukaverkanir er for-
senda fyrir bættu lyfjaöryggi sjúklinga.
Hlutfallslega fáar tilkynningar um
alvarlegar aukaverkanir berast frá heil-
brigðisstarfsfólki hér á landi miðað við
Danmörku og Svíþjóð. Lyfjastofnun
tekur við aukaverkanatilkynningum
frá heilbrigðisstarfsmönnum og
almenningi.
Guðrún Kristín Steingrímsdóttir,
sérfræðingur hjá Lyfjastofnun, segir
tilkynningar um aukaverkanir færðar
inn í evrópskan gagnagrunn þar sem
þær eru nýttar af sérfræðingum á
vegum lyfjastofnana einstakra Evr-
ópulanda og Lyfjastofnunar Evrópu.
„Þessir gagnagrunnar eru vakt-
aðir af lyfjayfirvöldum og ef eitthvað
óviðbúið virðist geta verið að koma
fram varðandi verkun eða aukaverk-
anir lyfs, setja þau af stað ákveðið
ferli þar sem þetta er skoðað ofan í
kjölinn,“ segir Guðrún. 
Árið 2015 bárust Lyfjastofnun 105
aukaverkanatilkynningar, átta þeirra
vörðuðu alvarlegar aukaverkanir. Árið
2014 var borinn saman fjöldi auka-
verkanatilkynninga á hverja 100.000
íbúa á nokkrum Norðurlandanna. Þar
kemur meðal annars fram að það árið
var heildarfjöldi tilkynninga á Íslandi
sambærilegur við fjölda tilkynninga í
Danmörku og Svíþjóð. Hins vegar eru
tilkynningar um alvarlegar aukaverk-
anir mun færri hér á landi.
„Heilbrigðisstarfsfólki á Íslandi ber,
enn sem komið er, ekki lagaleg skylda
til að tilkynna um aukaverkanir,“
bendir Guðrún á.
Að sögn Guðrúnar fékk ráðherra,
í nýlegum breytingum á lyfjalögum,
svigrúm til að kveða á um skyldur
heilbrigðisstarfsmanna til að til-
kynna Lyfjastofnun um aukaverkanir
sem grunur er um að tengist lyfi.
„Vitað er að það er þörf á því að
auka vakningu um mikilvægi þess að
tilkynna um aukaverkanir og vinnur
stofnunin að því jöfnum höndum,“
segir Guðrún.
Þótt  mikilvægt sé að afla sem
mestrar þekkingar um aukaverkanir
og að þær geti oft verið slæmar, jafn-
vel lífshættulegar, sé rétt að undir-
strika að það verði að fara varlega í
það að leggja mat á áhættu lyfja og
ætíð þurfi að gera það með viðbúinn
ávinning meðferðar í huga.
Háð því hvaða sjúkdóm barist er
við getur að sögn Guðrúnar verið
mun verra eða hættulegra að hætta
meðferð eða þiggja hana ekki, vegna
hræðslu við aukaverkanir.
„Eins mikilvægt og það er að fræða
bæði heilbrigðisstarfsfólk og sjúk-
linga um áhættu jafnt sem ávinning
lyfja verður að standa faglega að
miðlun upplýsinga og sýna aðgát.
Markmiðið verður að vera bætt
heilsa og öryggi sjúklinga.“
kristjanabjorg@frettabladid.is
Átta tilkynningar um
alvarlegar aukaverkanir
Árið 2015 bárust Lyfjastofnun 105 aukaverkanatilkynningar, átta þeirra töldust
alvarlegar. Tilkynningar um alvarlegar aukaverkanir eru færri á Íslandi en í Dan-
mörku og Svíþjóð. Lyfjastofnun vill vakningu um mikilvægi slíkra tilkynninga.
Aukaverkun er alvarleg ef hún leiðir til dauða, lífshættu, fötlunar, fæðingargalla og
til sjúkrahúsvistar eða lengri sjúkrahúsvistar. FréttAblAðið/Vilhelm
LAUS STÖRF Í TENGI
Tengi leitar af öflugum starfsmönnum í flotta liðsheild
Opið virka daga frá 8 -18 laugardaga frá 10 -15 • www. tengi.is • tengi@tengi.is
Smiðjuvegi 76 • Kópavogi • Sími 414 1000 • Baldursnesi 6 • Akureyri • Sími 414 1050
SÖLUMAÐUR Í VERSLUN OKKAR KÓPAVOGI:
Menntun og reynsla: Hæfni í mannlegum samskiptum, stundvísi og áhugi að gera vel í
starfi. Reynsla af sambærilegu starfi er kostur, mikilvægt er að viðkomandi hafi náð 23 ára
aldri. Um framtíðarstarf er að ræða.
SÖLUMAÐUR Í LAGNADEILD KÓPAVOGI:
Um er að ræða sölu til fagaðila. Viðkomandi þarf að hafa brennandi áhuga á pípulögnum,
vera stundvís og áreiðanlegur. Nauðsynlegt er að viðkomandi hafi einhverja þekkingu á
pípulagnaefni – mikilvægt er að viðkomandi hafi náð 23 ára aldri. Sveinspróf í pípulögnum er
kostur. Um framtíðarstarf er að ræða.
SUMARSTÖRF:
Leitum af öflugum einstakling á lagerinn hjá okkur í sumar. Viðkomandi þarf helst að vera
orðinn amk 18 ára, vera stundvís og duglegur.
Upplýsingar gefur starfsmannastjóri Tengis – Árni Birgisson
Umsóknir sendist á atvinna@tengi.is merkt viðkomandi starfi.
Einnig er hægt að sækja um á heimasíðu Tengis www.tengi.is
menntamál  Meðalnámstími nem-
enda við þrjá stærstu háskóla lands-
ins, Háskóla Íslands, Háskólann í
Reykjavík og Háskólann á Akureyri,
var mjög fjölbreyttur meðal nem-
enda sem útskrifuðust árið 2015.
Að meðaltali voru nemendur við HR
fljótastir að ljúka bæði bakkalár- og
meistaranámi.
Margt spilar þó inn í, meðal ann-
ars eru eldri nemendur við Háskóla
Íslands lengur að ljúka gráðum sem
lengir meðalnámstíma og þá eru
nemendur við Háskólann á Akur-
eyri,  þar sem meðalnámstími er
lengstur, margir í fjarnámi eða að
vinna með námi.
Að meðaltali luku nemendur
sem brautskráðust frá Háskólanum
í Reykjavík árið 2015 bakkalárnámi
á 6,7 önnum eða 3,4 árum árið 2015
og meistaranámi á 4,4 önnum eða
2,2 árum. Út úr þessum gögnum
er hins vegar búið að taka alla sem
fengu einingar metnar inn í námið,
svo og alla sem stunduðu nám á
styttri námsbrautum.
Meðaltími til útskriftar nem-
enda til bakkalárgráðu við Háskóla
Íslands árið 2015 var 4,2 ár. Þess ber
að geta að í sumum tilvikum, eins og
í hjúkrunarfræði, er nám til bakka-
lárgráðu fjögur ár. Meðaltími til
útskriftar nemenda á meistarastigi
var 3,6 ár.
Hafa ber í huga að meðaltími til
útskriftar er mjög breytilegur eftir
aldri nemenda. Yngri nemendur
stunda að jafnaði fullt nám. Eldri
nemendur eru aftur á móti oftar
í hlutanámi og því er námstími
þeirra til útskriftar lengri. Þann-
ig er meðalnámstími til bakkalár-
prófs 29 ára og yngri 3,8 ár og sami
aldurshópur er 2,3 ár að jafnaði að
ljúka meistaraprófi. Meðaltími til
útskriftar hækkar svo eftir því sem
útskriftarnemendur eru eldri.
Samkvæmt upplýsingum frá
Háskólanum á Akureyri frá árinu
2015 nam meðalnámstími 9,4 miss-
erum í bakkalárnámi til þriggja ára,
eða 4,7 árum. Meðalnámstími nem-
enda á meistarastigi er 4,7 misseri
eða 2,35 ár. Þess ber að geta að við
Háskólann á Akureyri eru margar
námsleiðir í fjarnámi og nemendum
boðið að taka námið með vinnu, því
er gert ráð fyrir að nemar taki sér
lengri tíma í námið heldur en ef þeir
væru að sinna náminu eingöngu.
saeunn@frettabladid.is
Meðalnámstími mjög
fjölbreyttur milli skóla
Að meðaltali ljúka nemendur meistaranámi í hr á 2,2 árum. FréttAblAðið/ernir
Heilbrigðisstarfs-
fólki á Íslandi ber,
enn sem komið er, ekki
lagaleg skylda til að tilkynna
um aukaverkanir.
Guðrún Kristín Steingrímsdóttir,
sérfræðingur hjá Lyfjastofnun
1 2 . m a r s 2 0 1 6 l a U g a r D a g U r8 f r é t t i r ∙ f r é t t a b l a ð i ð