Fréttablaðið - 12.03.2016, Page 22

Fótbolti Leikmannamarkaður Pepsi-
deildar karla hefur verið líflegur í vetur
og margir sterkir leikmenn munu
klæðast nýjum búningum í sumar.
Fréttablaðið hefur farið yfir félags-
skiptin sem hafa verið staðfest og
flokkað þau niður eftir mögulegum
áhrifum sem leikmennirnir munu
hafa innan sinna nýju liða.
KR-ingar kræktu sér í tvo af fjórum
öflugustu leikmönnunum en þeir
misstu líka einn í Víking og misstu
ennfremur af gömlum félaga í Stjörn-
una.
Það hefur verið mikið í gangi í
kringum KR í vetur eftir vonbrigði
síðasta sumars og KR-ingar á förum
eða nýir KR-ingar eru mjög áberandi
í samantekt okkar.
FH-ingar urðu Íslandsmeistarar síð-
asta sumar og þeir hafa lagt ofurkapp
á að styrkja varnarlínu sína. Stjarnan
hefur einnig gert góð kaup í vetur og
fleiri lið hafa einnig nýja menn sem
eru líklegir til afreka.
Við flokkum athyglisverðustu
félagaskiptin í fjóra flokka og það er
vert að taka það fram að hér eru aðeins
teknir fyrir leikmenn sem hafa spilað
á Íslandi áður.
Það eru líka nýir erlendir leikmenn
á leiðinni í deildina og þeir eru ekki
hluti af þessari samantekt.
tomas@frettabladid.is
ooj@frettabladid.is.
Nýir leikmenn með mikil áhrif
Í dag eru fimmtíu dagar í fyrsta leik í Pepsi-deild karla í fótbolta og liðin tólf eru langt komin með að setja saman leikmannahópa sína
fyrir sumarið. Fréttablaðið skoðar í dag félagsskiptin sem við teljum að muni breyta mestu fyrir viðkomandi lið á komandi tímabili.
Þetta getur bara ekki klikkað
Hafa allt til alls til að gera vel hjá nýju liði
Styrkja nýja liðið sitt mikið
Getur brugðið til beggja vona
Indriði Sigurðsson til KR
Landsliðsmaðurinn fyrrverandi snýr heim eftir 15
ára atvinnumennsku í Noregi og Belgíu. Hefur verið
einn besti miðvörður norsku úrvalsdeildarinnar
undanfarin ár og fyrirliði Viking síðan 2011. Öflugur
varnarmaður og mikill leiðtogi sem sýnir sig í því
að hann er búinn að taka fyrirliðabandið af Pálma
Rafni Pálmasyni. KR-ingar töluðu um að þá vantaði
karaktera á síðustu leiktíð og hér er mættur maður
sem á að hafa mikil áhrif á liðið jafnt innan sem
utan vallar.
Baldur Sigurðsson til Stjörnunnar
Einn albesti miðjumaður Pepsi-deildarinnar undan-
farinn áratug. Er að koma aftur úr atvinnumennsku
í Danmörku. Lykilmaður í tveimur meistaraliðum
KR 2011 og 2013 og áður bikarmeistari með Kefla-
vík. Mikill leiðtogi og skorar mörk af miðjunni sem
er gulls ígildi fyrir hvaða lið sem er. Baldur hefur
verið einn áhrifamesti leikmaður deildarinnar
og getur bæði spilað á miðri miðjunni sem og í
„holunni“ þar sem hann kemur með sterk hlaup
inn á teiginn.
Gary Martin til Víkinga
Hvalreki fyrir Víkinga. Enski framherjinn hefur
skorað 38 mörk í 80 leikjum fyrir KR og ÍA í efstu
deild. Óþreytandi vinnuhestur sem skoraði eitt og
lagði upp þrjú í fyrsta leik með Víkingum í Lengju-
bikarnum. Sigurvegarinn sem Fossvogsliðið vantar
til að taka næsta skref sem félagið þráir svo heitt.
Gary hefur unnið bæði bronsskó og gullskó en
hefur ýmislegt að sanna eftir síðustu leiktíð.
Finnur Orri Margeirsson til KR
Þrátt fyrir að vera aðeins 25 ára á Finnur Orri að baki
140 leiki í efstu deild og varð Íslands- og bikarmeist-
ari með Breiðabliki. Snýr aftur úr atvinnumennsku
hjá Lilleström í Noregi. Vinnusamur miðjumaður
sem er gríðarlega ósérhlífinn og öflugur í varnar-
leiknum. Einn stöðugasti leikmaður sem fyrirfinnst.
Leikmaður sem er aldrei til vand-
ræða. Gerir allt sem hann er beðinn
um að gera. Eins mikill draumur
þjálfara og þeir verða.
Pablo Punyed til ÍBV
Salvadorinn kemur með mikinn kraft inn í Eyjaliðið.
Einn besti teig-í-teig miðjumaður deildarinnar
undanfarin ár og var lykilmaður í meistaraliði
Stjörnunnar 2014.
Gunnar Nielsen til FH
Markvörðurinn sem FH-ingar þurftu til að
taka næsta skref í Evrópu. Var besti leikmaður
Stjörnunnar á annars döpru tímabili í Garðabænum
í fyrra. Stór og sterkur markvörður sem hefur mikið
vald á teignum og mikla reynslu af stórum leikjum.
Bergsveinn Ólafsson til FH
Algjör lykilmaður í Fjölnisliðinu sem jafnaði sinn
besta árangur í fyrra. Frábær miðvörður sem er
sterkur í loftinu og mikill leiðtogi á velli. Ætti bara
að verða betri með betri leikmenn í kringum sig.
Michael Præst til KR
Daninn hefur verið með bestu varnarsinnuðu
miðjumönnum deildarinnar undanfarin þrjú ár.
Fyrrverandi fyrirliði Stjörnunnar með mikla leið-
togahæfileika. Alvöru „ruslakarl“ sem staðsetur sig
betur en flestir í baráttunni um boltann.
Chopart í KR
Var alltaf mjög öflugur
sem eins konar 12. maður
Stjörnunnar 2012 og 2013.
Sýndi sparihliðarnar með
Fjölni seinni hluta sumars í
fyrra og skoraði sex mörk í
ellefu leikjum.
Grétar
Sigfinnur
Sigurðarson í
Stjörnuna Kom
frá KR.
Ævar Ingi
Jóhannesson í
Stjörnuna Kom
frá KA.
Rasmus
Christiansen í
Val Kom frá KR.
Eyjólfur
Héðinsson í
Stjörnuna Kom
frá Midtjylland.
Garðar
Jóhannsson
í Fylki Kom frá
Stjörnunni.
Emil Atlason í
Þrótt Kom frá KR.
Sindri
Björnsson í Val
Kom frá Leikni.
Víðir
Þorvarðarson í
Fylki Kom frá ÍBV.
Iain
Williamson í
Víking Kom frá
Val.
Guðmundur
Atli
Steinþórsson í
Breiðablik Kom
frá HK.
Sito í Fylki
Einn af gluggakörlunum
sem slógu í gegn í fyrra. Fór
langt með að bjarga ÍBV frá
falli einn síns liðs með sex
mörkum í ellefu leikjum.
Fljótur og teknískur fram-
herji.
Guðjón Pétur í Val
Maðurinn sem var varla inni
í myndinni hjá Breiðabliki
fyrir mót stóð uppi sem
einn besti maður liðsins.
Sparkviss miðjumaður sem
skilar mörkum og er frábær
vítaskytta.
Þorsteinn í Víking Ó.
Kominn á heimaslóðir í
Ólafsvík þar sem honum
líður best. Fljótur og kraft-
mikill framherji sem þarf
kannski að skora aðeins
meira en ekki verður deilt
um vinnusemi hans.
Hilmar Árni í Stjörnuna
Langbesti leikmaður Leiknis
í fyrra. Liðið skoraði varla
mark án þess að hann kæmi
að því. Hefur farið á kostum
með Stjörnunni það sem af
er undirbúningstímabilinu
og virðist smellpassa í liðið.
Ivanovski í Fjölni
Myndaði virkilega sterkt
miðvarðapar með Berg-
sveini Ólafssyni fyrri hluta
móts í fyrra. Fjölnis-
liðið fékk á sig töluvert fleiri
mörk eftir að þessi þraut-
reyndi miðjumaður fór.
Þekkir Fjölnisliðið vel.
Róbert Örn í Víking
Íslandsmeistaramarkvörð-
urinn þurfti að víkja fyrir
færeyska landsliðsmark-
verðinum. Fær nú tækifæri
til að sýna hvað hann virki-
lega getur í minna liði. Mun
meiri ábyrgð á hans herðum
í sumar.
50
dagar
í mót
1 2 . m a r s 2 0 1 6 l a U G a r D a G U r22 s p o r t ∙ F r É t t a b l a ð i ð