Fréttablaðið - 12.03.2016, Qupperneq 10

Reykjavíkurborg
Umhverfis- og skipulagssvið
Menningararfur
– verndarstefna og skipulagsmál
Kjarvalsstöðum, þriðjudaginn 15. mars kl. 20.
H
V
ÍT
A
H
Ú
S
IÐ
/
S
ÍA
Hvað og hvernig á að vernda
og hvers vegna? Hvernig er
menningararfurinn notaður,
af hverjum og til hvers?
Hvernig sköpum við fortíðina?
Hvaða áhrif hefur verndun á
framtíðina?
Umhverfis- og skipulagssvið Reykjavíkurborgar
stendur fyrir spennandi umræðufundi um
menningararfinn á Kjarvalsstöðum 15. mars
klukkan 20. Fundurinn er í röðinni, Borgin,
heimkynni okkar, og er markmiðið að færa
umræðu um skipulags- og umhverfismál í vítt
og breitt samhengi.
Menningararfurinn
Frummælendur eru Hjálmar Sveinsson,
formaður umhverfis- og skipulagsráðs
Reykjavíkurborgar, Sigríður Björk Jónsdóttir
byggingalistfræðingur, Ólafur Rastrick lektor
í þjóðfræði við Háskóla Íslands og Borghildur
Sölvey Sturludóttir arkitekt. Þau munu flytja
örstutt erindi og ræða síðan saman um efnið.
Eftir það verður opnað fyrir almennar umræður.
Allir velkomnir, kaffi á könnunni og stemning
á kaffihúsinu Kjarvalsstöðum.
Bandaríkin Heilaskurðlæknirinn
Ben Carson, sem nýlega hætti við
að sækjast eftir að verða forseta-
efni Repúblikanaflokksins, hefur
nú lýst yfir stuðningi við Donald
Trump.
„Donald Trump talar mikið um
að gera Bandaríkin mikilfengleg,“
sagði Carson þegar hann skýrði frá
þessu í gær. „Þetta var ekki bara tal,
hann meinar þetta.“
Ríkisstjórinn Chris Christie
hefur einnig lýst yfir stuðningi
við Trump, og slíkt hið sama gerði
Sarah Palin, sem sóttist eftir að
verða forsetaefni flokksins árið
2008.
Trump hefur mikla yfirburði
gagnvart mótherjum sínum þrem-
ur, sem enn vonast til þess að verða
forsetaefni flokksins.
Forkosningatímabilið er ekki
hálfnað, en Trump hefur tryggt sér
stuðning 458 fulltrúa á landsþingi
Repúblikanaflokksins í júlí. Hann
þarf 1.237 atkvæði til að tryggja sér
sigur.
Ted Cruz er kominn með 359
fulltrúa, Marco Rubio 151 og John
Kasich 54.
Á þriðjudaginn kemur, sem
nefndur er „litli ofurþriðjudagur-
inn“, verða forkosningar haldnar
í nokkrum mikilvægum ríkjum:
Flórída, Illinois, Missouri, Norður-
Karólínu og Ohio. – gb
Heilaskurðlæknirinn Carson styður Trump sem forsetaefni
Ben Carson á blaðamannafundi með Donald Trump í gær. NorDiCphoTos/AFp
orkumál Landsnet hefur kært til
Hæstaréttar úrskurði Héraðsdóms
Reykjaness sem hafnaði aðfarar-
beiðnum fyrirtækisins um eignar-
nám á landhluta úr fjórum jörðum
á Reykjanesi vegna lagningar Suður-
nesjalínu 2.
Þetta kemur fram í tilkynningu
frá Landsneti. Héraðsdómur telur
varhugavert, vegna óafturkræfra
umhverfisáhrifa, að fallast á kröfu
Landsnets áður en Hæstiréttur
hefur leyst úr ágreiningi um lögmæti
eignarnámsheimildarinnar sem og
ágreiningi um lögmæti leyfisveitinga
Orkustofnunar og sveitarfélagsins
Voga vegna línubyggingarinnar.
Ákvörðun um eignarnám vegna
jarðanna fjögurra lá fyrir í febrúar
2014. Héraðsdómur staðfesti ákvörð-
un um eignarnám í júní 2015. Sá
úrskurður var kærður til Hæstaréttar
og hefst málflutningur í apríl.
Framkvæmdaleyfi vegna Suður-
nesjalínu 2 hefur legið fyrir um
nokkurt skeið frá sveitarfélögunum
Grindavík, Hafnarfjarðarbæ, Reykja-
nesbæ og Vogum, ásamt leyfi Orku-
stofnunar fyrir byggingu og rekstri
línunnar og áætlaði Landsnet að
hefja framkvæmdir á næstu vikum.
Búið er að semja við Íslenska aðal-
verktaka um undirbúningsvinnu
sem á að ljúka í haust og ráðgert að
reisa línuna sumarið 2017.
Í tilkynningu Landsnets segir
að umhverfismat vegna fram-
kvæmdanna var samþykkt með skil-
yrðum árið 2009. Í ársbyrjun 2011
var ákveðið að byrja á styrkingu
flutningskerfisins á Reykjanesi þar
sem Suðurnesjalína 1 er fulllestuð.
Nýja línan fylgir að mestu Suður-
nesjalínu 1 frá Hafnarfirði að Rauða-
mel, nema austast þar sem hún á að
liggja töluvert fjær byggð í Hafnar-
firði. Við val á línuleið var orðið við
tilmælum sveitarfélaga og helstu fag-
stofnana um að reisa nýju línuna í
núverandi mannvirkjabelti, þar sem
eru fyrir Suðurnesjalína 1 og Reykja-
nesbraut, segir Landsnet. – shá
Landsnet kærir úrskurð
reykjaneslína – möstur í suðurnesjalínu 2 verða sömu gerðar. myND/lANDsNeT
Þýskaland „Þegar maður er þarna
í tvö ár, þá áttar maður sig alveg
á því hvað er í gangi,“ sagði Jakob
Wendel, 92 ára gamall fyrrverandi
fangavörður í Auschwitz við réttar-
höld yfir félaga sínum, hinum 94 ára
gamla Reinhold Hanning.
Báðir voru þeir kornungir félagar
í hinum alræmdu SS-sveitum þýskra
nasista.
Réttarhöldin hófust í síðasta mán-
uði í borginni Detmold, og almennt
er talið að þetta séu líklega síðustu
réttarhöldin yfir þýskum nasista
vegna glæpa frá tímum seinni
heimsstyrjaldarinnar.
Hanning er sakaður um að hafa
átt hlutdeild í að myrða að minnsta
kosti 170 þúsund manns. Hann er
þó ekki sakaður um að hafa tekið
beinan þátt í neinu morði, heldur
hafi hann stöðu sinnar vegna sem
fangavörður verið meðsekur.
Sjálfur hefur Hanning ekkert
viljað tjá sig við réttarhöldin, en í
gær var Wendel kallaður til vitnis
og sá hann enga ástæðu til annars en
að segja frá því sem hann upplifði í
útrýmingarbúðunum.
„Ég var vörður,“ sagði hann. „Við
stóðum þarna til að hindra að ein-
hver færi að flýja. Ef svo færi, þá
áttum við auðvitað að skjóta. En
fólkið var svo hrætt. Það flúði ekki
nokkur maður.“
Wendel var sjálfur dreginn fyrir
dómstól árið 2014  en málið var
Engum duldist hvað á gekk í Auschwitz
Réttarhöldin yfir Reinhold Hanning, 94 ára fyrrverandi fangaverði í Auschwitz, snúast meðal annars um það hvort hann hafi gert sér
grein fyrir því sem átti sér stað. Annar háaldraður fyrrverandi fangavörður var kallaður til vitnis í gær og sagðist hafa góða samvisku.
reinhold hanning er orðinn 94 ára og hefur verið í hjólastól við réttarhöldin, þótt
upphaflega hafi hann gengið inn í réttarsalinn í síðasta mánuði. FréTTABlAðið/epA
Jakob Wendel, 92 ára, hlaut fimm ára fangelsisdóm í póllandi árið 1946 og segist
ekki hafa slæma samvisku. FréTTABlAðið/epA
Það voru menn
eins og þú sem
gerðuð helvítið í Auschwitz
mögulegt.
Angela Orosz Richt-Bein,
vitni við réttarhöldin
fellt niður vegna þess að hann hlaut
fimm ára fangelsisdóm í Póllandi
árið 1946 og lauk afplánun hans.
Árið 2014 sagðist hann hafa góða
samvisku vegna þess að hann hefði
ekki gert neitt rangt: „Ég var fórnar-
lamb stjórnarinnar líka.“
Önnur vitni í réttarsalnum í
gær sáu hins vegar enga ástæðu til að
fyrirgefa þeim Hanning og Wendel
nokkurn skapaðan hlut.
„Það voru menn eins og þú
sem gerðuð helvítið í Auschwitz
mögulegt. Menn sem horfðu á og
hjálpuðuð til án þess að spyrja
spurninga,“ sagði Angela Orosz
Richt-Bein í réttarsalnum. Hún
fæddist í Auschwitz, þrátt fyrir að
læknirinn alræmdi, Josef Mengele,
hefði gert ljótar tilraunir á móður
hennar, meðal annars sprautað
ætandi efnum beint inn í leg hennar
meðan á meðgöngunni stóð.
gudsteinn@frettabladid.is
1 2 . m a r s 2 0 1 6 l a u G a r d a G u r10 f r é t t i r ∙ f r é t t a B l a ð i ð