Fréttablaðið - 26.09.2015, Blaðsíða 16

Útgáfufélag: 365 miðlar ehf. Stjórnarformaður: Ingibjörg Stefanía Pálmadóttir forStjóri: Sævar Freyr Þráinsson Útgefandi og aðalritStjóri: Kristín Þorsteinsdóttir kristin@frettabladid.is
aðStoðarritStjórar: Fanney Birna Jónsdóttir fanney@frettabladid.is, Hrund Þórsdóttir hrund@stod2.is, Kolbeinn Tumi Daðason kolbeinntumi@365.is. Fréttablaðið kemur út í 90.000 eintökum og er dreift ókeypis
á heimili á höfuðborgarsvæðinu og Akureyri. Einnig er hægt að fá blaðið í völdum verslun um á landsbyggðinni. Fréttablaðið áskilur sér rétt til að birta allt efni blaðsins í stafrænu formi og í gagnabönkum án endurgjalds. ISSn 1670-3871
fréttaBlaðið Skaftahlíð 24, 105 reykjavík Sími: 512 5000, ritstjorn@frettabladid.is ÞróunarStjóri: Tinni Sveinsson tinni@365.is helgarBlað: Ólöf Skaftadóttir olof@frettabladid.is og Viktoría Hermannsdóttir viktoria@frettabladid.is
menning: Magnús Guðmundsson magnus@frettabladid.is ljóSmyndir: Pjetur Sigurðsson pjetur@frettabladid.is framleiðSluStjóri: Sæmundur Freyr Árnason sfa@frettabladid.is ÚtlitShönnun: Silja Ástþórsdóttir siljaa@frettabladid.is
Gunnar
Mín skoðun Jón Gnarr
Kristín
Þorsteinsdóttir
kristin@frettabladid.is
Ég hef verið að kljást við þennan mann alla ævina. Hann var pabbi minn, kennari, og strætóbíl­stjóri. Hann hefur verið yfirmaður minn. Hann
hefur verið yfirvald sem hefur haft líf mitt og örlög í
höndum sér. Hann hefur skilgreint mig. Hann hefur
haft vald til að móta framtíð mína. Hann er stjóri.
Hann stjórnar. Ég hef oft séð hann í sjónvarpinu, arka
áfram á flugvöllum og halda messur. Hann kann að
messa yfir öðrum. Ég hef séð hann keyra um í bílnum
sínum á veginum sem var aðallega lagður fyrir hann.
Ég hef heyrt hann halda ræður. Fátt finnst honum
skemmtilegra en að halda ræður um sig sjálfan, nema
ef vera skyldi að taka við viðurkenningu frá sjálfum
sér. Ég hef séð myndir af honum í blöðum. Ég hef
heyrt viðtöl við hann í útvarpinu. Ég hef séð hann
standa upp á fundum og hrópa eitthvað með krepptan
hnefann á lofti. Ég hef séð hann hella sér yfir fólk og
oft sjálfur lent uppá kant við hann, yfirleitt í öðrum
en nokkrum sinnum jafnvel í sjálfum mér. Ég hef séð
hann ryðjast framfyrir í röðum. Ég hef oft hrokkið við
þegar hann lemur í borðið. Hann er hörkulegur á svip.
Í hans augum eru allir sem eru ekki sammála
honum eintóm fífl og fávitar. Sérstaklega konur. Það
gilda ein lög fyrir hann en önnur fyrir alla aðra, enda
fann hann þau upp. Hann sýnir vandlætingu sína
með svipbrigðum og orðum. Hann er alltaf í fullum
rétti. Hann veit allt betur en allir aðrir og hefur alltaf
rétt fyrir sér. Hann fær aldrei nóg, ekki einu sinni af
sjálfum sér. Hann kann ekki að skammast sín, veit
ekkert hvað það er. En hann er fyrstur til að segja
öðrum að skammast sín.
Allir eru jafnir nema sumir
Óþreytandi veður hann áfram og er alveg sama þótt
hann rekist stundum utaní aðra eða meiði og skaði
með framkomu sinni. Hann er ekkert mikið að pæla í
öðrum. Þeir skipta hann engu máli. Hann vill bara fá
sitt og fyrir sig. Hann trúir því að ef hann fái allt sem
hann vill þá muni aðrir sjálfkrafa njóta góðs af því.
Hann svífst einskis til að ná markmiðum sínum. Hann
hikar ekki við að ljúga, blekkja og stela. En þegar hann
stelur þá er það ekki þjófnaður heldur sanngirni, eða
réttlæti. Í versta falli ákveðinn dómgreindarbrestur.
Stundum verður hann ljúfur eins og lamb og verður
þá gjarnan verndari og málsvari Réttlætisins. Þá talar
hann mikið um hluti eins og skyldur, samstöðu, öryggi
og sanngirni. Hann trúir á Guð og að Hann hafi aðal­
lega skapað heiminn fyrir sig.
Kóngurinn á landinu bláa
Ég hef stúderað hann og fylgst með honum af ótta­
blöndnum áhuga frá því að ég var barn. Ég hef oft hitt
hann og rætt við hann. Hann mætir í heitu pottana í
laugunum og í fjölskylduboð og á húsfundi. Stundum
kemur hann meira að segja útí búð. Honum finnst gott
að fá sér neðaníði og fer þá gjarnan á veitingastaði og
veitingahús þar sem hann fær þá þjónustu sem hann
svo einlæglega telur sig hafa rétt á. Þá talar hann hátt,
segir brandara og hlær hátt að honum sjálfur. Hann er
kóngur og aðrir eru þjónustulið. Honum finnst gaman
að klæða sig í allskonar búninga og taka myndir af sér,
jafnvel með skikkju og hleður þá á sig öllum medalí­
unum sem hann hefur fengið frá sjálfum sér fyrir hin
ýmsu afrek. Þá brosir hann dauft og það má jafnvel
greina auðmýkt í augum hans. Hann er útum allt.
Ég hitti hann mikið þegar ég vann hjá Reykjavíkur­
borg. Þá hitti ég hann á hverjum degi. En við náðum
aldrei neitt sérstaklega vel saman. Freki kallinn. Hann
er vegurinn, sannleikurinn og lífið. Hann hefur mikil
völd. Og hann er ekki að fara að láta þau af hendi.
Hann fékk þau í sængurgjöf frá mömmu sinni og Guði
þegar hann fæddist. Lögin eru hans megin, bæði Guðs
og manna. Það eru fáir sem þora að andmæla honum
eða standa í vegi fyrir honum, hvað þá að standa uppí
hárinu á honum. Því hver vill lenda í honum? Hver vill
sjá stingandi augnaráðið beinast að sér, heyra háðs­
glósurnar og hótanirnar? Hans réttlæti er óréttlæti.
Hver vill vera óvinur hans og finna fyrir reiði hans?
Ákaflega fáir. Hann er jú einu sinni valdamesti maður
á Íslandi.
Freki kallinn
MIÐASALA ER
HAFIN Á TIX.IS
EYÞÓR INGI · MAGNI · VALDIMAR · SALKA SÓL
ÁSAMT SÉRSVALINNI ROKKSVEIT
UNDIR STJÓRN JÓNS ÓLAFSSONAR
HÁSKÓLABÍÓ
31. OKTÓBER
Í REYKJAVÍK VEGNA FJÖLDA ÁSKORANNA!
Á dögunum voru birtar tilkynningar um nýsamþykkt lög á Alþingi. Mest fór fyrir umfjöllun um lög um stöðugleikaskatt svo og áætlun stjórnvalda um úrlausn slitabúa gömlu bankanna og afnám gjaldeyrishafta.
Minna fór fyrir viðbótum við lög um fjármálafyrir­
tæki. Í þeim fólst að frestur til að lýsa svokölluðum
búskröfum í þrotabú gömlu bankanna skyldi renna út
þann 15. ágúst – sex vikum eftir að lögin voru auglýst.
Búskröfur verða til á hendur slitastjórnum á meðan
á skiptum stendur, sem sagt ef slitastjórnin gerir eitt­
hvað á hlut einhvers á þetta að tryggja að viðkomandi
geti fengið tjón sitt bætt af fjármunum búsins. Fyrir
breytingu hefði verið hægt að lýsa kröfum sem þessum
fram að kosningu um samþykkt nauðasamnings.
Samkvæmt fréttum var það slitastjórn Kaupþings
sem beitti sér fyrir því að fresturinn yrði þrengdur.
Augljóst er hvað vakti fyrir slitastjórninni. Breski
fasteignamógúllinn Vincent Tchenguiz hefur undan­
farin ár staðið í málaferlum í Bretlandi á hendur Kaup­
þingi og öðrum. Krafa hans hleypur á hundruðum
milljarða króna – umtalsvert hlutfall af heildareignum
Kaupþings.
Ljóst er að bæði slitastjórnin og aðrir kröfuhafar
hafa hag af því að krafa Tchenguiz komist ekki að.
Tíðindin af því að slitastjórn Kaupþings hafi beitt sér
fyrir því að þrengja frestinn eru hins vegar ótrúleg, og
benda til þess að slitastjórnin gangi erinda tiltekinna
hópa kröfuhafa, eða láti persónulega heift gagnvart
Tchenguiz ráða för.
Enn ótrúlegra er að Alþingi hafi látið undan slíkum
þrýstingi og sett lög til að útiloka einn tiltekinn mann
frá ferlinu.
Slitastjórnir bankanna hafa sætt gagnrýni. Þekkt
eru dæmin um óhóflega háar þóknanir. Rökin eru að
störfin séu ekki bara tímafrek og erfið, heldur feli þau í
sér fjárhagslega áhættu. Upp geti komið tilvik þar sem
slitastjórnarmenn þurfi að bera persónulega ábyrgð á
mistökum.
Fregnir hafa borist af því að slitastjórn Glitnis
hafi sett til hliðar sérstakan sjóð til að mæta slíkum
skakkaföllum. Aðgerðir Kaupþingsmanna í tengslum
við ofangreint mál benda til þess að ekki séu miklar
áhyggjur af því að verða fyrir persónulegum fjárútlát­
um í tengslum við skiptin. Vafalaust eru slitastjórnar­
menn tryggðir í bak og fyrir.
Persónulega áhættan er engin og réttlæting ofur­
kjaranna horfin.
Eitt er að slitastjórnarmenn láti misnota sig með
þessum hætti, en annað og alvarlegra er að Alþingi
spili með.
Hvort þar ráði barnaskapur eða brotavilji er erfitt að
segja. Hvort tveggja væri áhyggjuefni.
Barnaskapur
eða brotavilji?
Slitastjórnir
bankanna
hafa sætt
gagnrýni.
Þekkt eru
dæmin um
óhóflega háar
þóknanir.
Rökin eru að
störfin séu
ekki bara
tímafrek og
erfið, heldur
feli þau í sér
fjárhagslega
áhættu.
2 6 . s e p t e m b e r 2 0 1 5 L A U G A r D A G U r16 s k o ð U n ∙ F r É t t A b L A ð i ð
SKOÐUN