Fréttablaðið - 26.09.2015, Blaðsíða 44

FÓLK| HEILSA
Matreiðsluáhugi Birnu vaknaði fyrir alvöru á unglingsárunum. „Ég
prófa mig áfram í eldhúsinu og
má segja að mataráhuginn hafi
fyrst og fremst þróast í gegnum til-
raunamennsku,“ segir Birna sem
leggur mesta áherslu á heilsusam-
legt mataræði sem tengist einnig
hinum hugðarefnum hennar, nær-
ingarfræði og íþróttum, en Birna
æfir hlaup með FH.
Birna stofnaði Facebook-síðu
undir nafninu Birnumolar árið
2012. Þegar fjöldi uppskrifta var
orðinn nokkur langaði hana að
koma þeim á einn stað
og stofnaði því síð-
una www.birnumol-
ar.com í sumar.
Á síðunni er
að finna hollar,
einfaldar og
bragðgóðar
uppskriftir.
„Mig langar að
sýna fólki að
það er hægt
að gera ótrú-
lega fjölbreytta
hluti frá grunni
úr hollu og nær-
ingarríku hráefni.
Það þarf alls ekki
að vera einhæft,
dýrt og leiðinlegt,“
segir Birna. Sjálfri þykir
henni skemmtilegast að
elda fisk og grænmetisrétti.
„Það er hráefni sem býður upp á
svo marga möguleika.“
Birna er dugleg að elda fyrir
sig og fjölskyldu sína. „Ég elda
gjarnan meira en minna og nýti
afganga í skólann. Ég er dugleg að
útbúa nýja rétti úr afgöngum enda
mikilvægt að halda matarsóun í
lágmarki. Þá er líka góð regla að
flýta fyrir og útbúa meðlæti fyrir
fleiri en eitt kvöld hverju sinni, t.d.
hýðishrísgrjón, kínóa, kartöflur og
steikt grænmeti.“
Birna gefur hér uppskriftir að
tveimur girnilegum réttum.
KEMPURÆKJUR Í KÓKOSSÓSU
500-700 g risarækjur
3-4 vorlaukar
1 hvítlauksrif
2 cm engifer
1/2 tsk. túrmerik
1 lítil dós tómatpúrra
1 tómatur
Gul paprika
Rauð paprika
3 dl kókosmjólk (ekki lite-útgáfa)
Olía til steikingar
Salt og pipar
Steinselja
Þíðið rækjurnar ef þarf.
Kryddið með salti
og pipar og látið
standa í skál í ís-
skáp í hálftíma.
Skerið vorlauk
og engifer
smátt. Hitið
olíu á pönnu
og steik-
ið vorlauk-
inn þar til
hann byrj-
ar að mýkj-
ast. Bætið
við pressuð-
um hvítlauk og
engifer og steikið
áfram í 2-3 mínútur.
Bætið við túrmeriki,
tómatpúrru og svörtum
pipar.
Skerið papriku og tómat smátt og
bætið út á pönnuna. Steikið áfram
á miðlungs hita þar til tómaturinn
hefur linast vel (um 10 mín).
Hellið kókosmjólk á pönnuna og
blandið öllu vel saman. Náið suð-
unni upp og leyfið þessu endilega að
krauma í 5-10 mínútur. Hrærið reglu-
lega í.
Bætið við rækjum og látið malla í 5
mínútur eða þar til rækjurnar hafa
rétt náð sínum bleika lit.
Færið rækjurnar á fallegan disk og
skreytið með saxaðri steinselju.
MOLAPÆJA MEÐ EPLUM
BOTN
125 g möndlur
125 g pekanhnetur
1 tsk. lyftiduft
Salt á hnífsoddi
2-3 msk. góð olía
FYLLING
1-2 msk. olía
1 rautt epli
1 gult epli
3 msk. pekanhnetur
3 msk. kókosmjólk
2 msk. hnetusmjör
2 msk. hunang
2 msk. gylltar rúsínur eða trönu-
ber
8-10 döðlur
Dass af kanil
1 msk. malaðar möndlur
Kókosflögur til skreytingar
Myljið möndlur og hnetur fínt í mat-
vinnsluvél og hrærið svo lyftidufti,
salti og olíu saman við. Vinnið þar
til þið eruð komin með þokkalega
„blautt“ deig sem þið getið þrýst í
fat með fingrunum.
Smyrjið hringlaga fat eða mót með
olíu.
Þrýstið hnetublöndunni ofan í form-
ið og upp með hliðunum.
Bakið botninn í 15 mín. við 175°C.
Hitið olíu á pönnu þar til hún er
orðin vel heit.
Saxið epli og 3 msk. af pekanhnet-
um og steikið saman í 3-5 mínútur.
Bætið kókosmjólk, hnetusmjöri og
hunangi við og steikið áfram í nokkr-
ar mínútur.
Að lokum bætið þið við rúsínum/
trönuberjum, döðlum, kanil og
möndlumjöli – látið malla á miðl-
ungshita.
Takið botninn út úr ofninum og hell-
ið fyllingunni ofan í.
Ef það er afgangs botn með hliðun-
um (fyrir ofan fyllinguna) þá er gott
að kroppa það af og dreifa yfir.
Skreytið með kókosflögum.
Bakið við 175°C í 15-20 mínútur.
HOLLIR BIRNUMOLAR
UPPSKRIFTIR Birna Varðardóttir er 21 árs nemi í næringarfræði við Háskóla
Íslands. Hún heldur úti síðunni www.birnumolar.com þar sem hún gefur upp-
skriftir að hollum, einföldum og bragðgóðum réttum.
KEMPURÆKJUR
Í KÓKOSSÓSU
GIRNILEGT Birna með girnilega molapæju. MYND/GVA
Vörurnar frá Sólgæti eru hollar og
góðar fyrir sælkera á öllum aldri sem
vilja gera vel við sig. Líttu í kringum
þig í næstu verslun. Þú kemur eaust
auga á eitthvað ljómandi gott.
H E I L N Æ M T O G
N Á T T Ú R U L E G T
LJÓMANDI
GOTT
solgaeti.isheilsa.is