Fréttablaðið - 26.09.2015, Blaðsíða 86

FÓLK| FERÐIR
Sardinía er næststærsta eyjan í Miðjarðarhafinu á eftir Sikiley. Báðar eru þess-
ar eyjar afar fallegar og notalegar
að heimsækja. Þær eru engu að
síður á margan hátt ólíkar. Sard-
inía er afar falleg, gróskumikil
eyja. Þar vaxa ólífu- og ávaxtatré
í fallegum sveitum og strendurn-
ar eru með þeim bestu sem finn-
ast í Evrópu. Sjórinn er tær og
heitur á sumardögum. Maturinn
á Sardiníu er unaðslegur, enda
eru heimamenn frægir fyrir að
nota ferskt og hollt hráefni sem
vex allt um kring. Það er því auð-
velt að finna mjög góð veitinga-
hús á eyjunni.
Hægt er að fljúga til Sardin-
íu frá Gatwick flugvelli í London.
Ef fólk er fyrirhyggjusamt er
hægt að komast þangað á mjög
sanngjörnu verði með EasyJet,
sérstaklega utan háannatímans.
Norðausturhluti Sardiníu hefur
ægifagrar strendur og þar er sjór-
inn grænn eins og í Karíbahafinu.
Porto Cervo er við strönd sem
nefnist Costa Smeralda. Þangað
sækja auðugir snekkjueigendur
ásamt Hollywood-stjörnum. Í
Porto Cervo eru mörg glæsileg
hótel en þau eru ekki ódýr. Hins
vegar er ógleymanlegt að koma á
þessar slóðir.
Best er að fljúga til Olbia,
sem er skammt frá Porto Cervo,
taka bílaleigubíl og aka síðan á
alla þá fallegu staði sem eyjuna
prýðir. Ráðlegt er að skipuleggja
fríið og panta hótel með góðum
fyrirvara en nauðsynlegt er að
dvelja einhverja daga á Costa
Smeralda ströndinni. Allir bæir
á norðausturhlutanum eru fal-
legir og spennandi að heim-
sækja. Má nefna hinn stórbrotna
og merka bæ Palau en þar ganga
ferjur til hinnar frönsku Korsíku,
sem er eyja, skammt frá Sardin-
íu. Fyrir utan Palau er eyjaklasi
er nefnist La Maddalena en þar
í kring er sjórinn grænn að lit,
kristaltær og fallegur, umkringd-
ur heillandi klettum. Hægt er að
fara með ferju í þessa paradís
frá Palau sem er afar vinsælt
hjá ferðamönnum. Palau er 39
km frá Olbia. Þar skammt frá er
nyrsti oddi Sardiníu, Santa Ter-
esa Gallura, en þaðan er hægt
að horfa yfir til Korsíku.
Bæirnir á norðausturhlutanum
eru hver öðrum fallegri. Þarna
er gaman að aka um, stoppa og
njóta náttúrunnar um lengri eða
skemmri tíma. Ódýrast er að
dvelja þar í maí og september
á meðan enn er gott veður. Ef
ekið er yfir á vesturhluta Sardin-
íu er vinsæll ferðamannastaður
þar sem nefnist Alghero. Þangað
koma Svíar, Norðmenn og Bretar
mikið en bærinn minnir á hefð-
bundna sólarströnd, öfugt við
það sem býðst á Costa Smeralda
ströndinni.
Á leiðinni til Alghero má sjá
marga víðfeðma vínakra en
Sardiníubúar eru ákaflega stoltir
af eigin vínrækt og bjóða ein-
ungis upp á heimavín á veitinga-
húsum. Vínviðurinn á sér langa
sögu og vínið þykir einstak-
lega gott. Þá framleiða þeir sinn
eigin bjór sem þykir sömuleiðis
góður. Hann nefnist Ichnusa og
hefur verið framleiddur frá árinu
1912. Íbúar Sardiníu eru langlífir
og er það þakkað hollum mat
og góðu víni. Eitt af einkennum
í matargerð er Carta di musica,
það er stökkt, þunnt flatbrauð
sem alltaf er borið fram með
mat. Á brauðið setja þeir gæða
ólífuolíu og jafnvel smávegis
salt.
Höfuðborg Sardiníu er Cagli-
ari. Hún er syðst á eyjunni. Vegir
eru góðir svo auðvelt er að aka
eftir þeim. Á leiðinni er upp-
lagt að stoppa í fjallaþorpum
og skoða hið raunverulega líf
eyjaskeggja. Hafa þarf í huga
að síesta er á milli 13-17 á dag-
inn. Þá er enginn utanhúss. Það
tekur tæpar þrjár klukkustundir
að aka frá Olbia til Cagliari.
Rétt fyrir utan Cagliari er falleg,
hvít strönd, Porto Pirastu, þar
sem er ægifagurt útsýni. Víða
í bæjum á Sardiníu er hægt að
fara í bátsferð en skemmtilegt er
að skoða landið frá sjó. Sard-
inía liggur í vestri séð frá Róm
og Napólí. Ferjur ganga á milli
lands og eyjar.
SARDINÍA – EYJA Í SÉRFLOKKI
Á FERÐALAGI Flestir sem koma einu sinni til Ítalíu vilja fara þangað aftur. Maturinn, vínið, arkitektúr, saga og menning er svo
heillandi. Ítalía á marga fallega staði og stundum erfitt að ákveða hvaða stað á landinu ætti að heimsækja. Sardinía er einn af
þeim stöðum sem áhugafólk um Ítalíu ætti að prófa. Auðvelt er að komast til Sardiníu frá London Gatwick eða meginlandi Ítalíu.
GÓÐUR MATUR Á Sardiníu eru frábær veitingahús og maturinn einstaklega ljúffengur.
SARDINÍA Frá Olbia er hægt að aka um fallega bæi og sveitir. Norðausturhluti Sardiníu
er einstaklega fallegt svæði. Þar eru sömuleiðis mjög góð hótel.
LA MADDALENA Á þessu svæði er sjórinn fallega grænn og tær. Hann þykir minna á
Karíbahafið.
E
F
LI
R
a
lm
an
na
te
ng
s l

/
H
N
O
T
S
K
Ó
G
U
R
g
ra
f í
s k
h
ön
nu
n
Lágmúla 9 • 108 Reykjavík • Sími 581 3730 • jsb@jsb.is • www.jsb.is
Velkomin í okkar hóp!
Viltu léttast, styrkjast og losna úr vítahringnum?
Staðurinn - Ræktin
Ný TT námskeið að hefjast
Innritun stendur yfir!
Alltaf frábær
árangur á TT!
Nánari upplýsingar í síma 581 3730 og á jsb.is