Fréttablaðið - 26.09.2015, Qupperneq 84

FÓLK| HELGIN
Ég varð steinhissa á öllu því mikla efni sem í boði er á hátíðinni en þetta er mitt fyrsta ár hjá RIFF. Dagskráin er algjörlega á pari við
þær kvikmyndahátíðir sem ég hef heimsótt erlend-
is,“ segir Gunnar Hansson, kynningarstjóri RIFF,
alþjóðlegrar kvikmyndahátíðar í Reykjavík sem fer
nú fram í tólfta sinn.
„Dagskráin er viðamikil, en eitt hundrað kvik-
myndir í fullri lengd verða sýndar á hátíðinni í
nokkrum flokkum. Sumar þeirra oftar en einu sinni
svo í raun eru þetta þrjú hundruð bíósýningar á
tíu dögum og þar af 50 sýningar þar sem einhver
tengdur myndinni situr fyrir svörum eftir sýningu,
leikstjóri, leikari eða annar,“ segir Gunnar.
SPENNANDI HEIMILDARMYNDIR OG VIÐBURÐIR
„Sjálfur er ég mjög spenntur fyrir heimildarmynda-
flokknum en sá flokkur er alltaf að stækka. Þar eru
nokkrar sem ég get ekki beðið eftir að sjá, til dæmis
myndin Pervert Park. Hún fjallar um hjólhýsahverfi í
Flórída þar sem safnast hafa saman kynferðisafbrota-
menn, sem reyna að fóta sig aftur í lífinu eftir dóm
og afplánun. Drone er einnig mjög áhugaverð mynd
sem fjallar um drónahernað. Þar er meðal annars
talað við fólk í Pakistan sem býr við þessa ógn og
einnig við flugmenn, oft kornungt fólk sem banda-
ríski herinn pikkar upp á tölvuleikjaráðstefnum og
þjálfar upp í að stýra drónum og sprengja. Foodies
fjallar um fólk sem hefur það að atvinnu að ferðast
um heiminn og borða á dýrustu og flottustu veitinga-
stöðum heims og í tengslum við þá mynd verður
sérstök matarveisla á Hótel Borg. Á hátíðinni verður
reyndar yfir tugur sérviðburða svo sem tónleikar,
dáleiðsla og sundbíó. Þá má nefna Woody Allen tón-
leika í Kópavogi þar sem djasshljómsveit spilar valin
lög úr myndum Woody Allen og Edda Björg Eyjólfs-
dóttir leikkona verður sögumaður.“
KONUR Í BRENNIDEPLI
Í tilefni hundrað ára kosningaréttar kvenna er sér-
stök áhersla lögð á myndir eftir konur, um konur
og málefni kvenna. Fimmtíu kvenleikstjórar koma
að verkum í meginflokkum og verður sérstökum
vinnusmiðjum verkefnisins Stelpur filma haldið úti
á RIFF í samstarfi við Reykjavíkurborg. Þá er þýski
leikstjórinn Margarethe Von Trotta einn heiðurs-
gesta hátíðarinnar.
„Margrethe Von Trotta er stórkanóna í evrópskri
kvikmyndagerð sem gert hefur frábærar myndir
með sterkum kvenhetjum,“ segir Gunnar. „Hún mun
sitja fyrir svörum gesta og halda fyrirlestur um sig
og sín störf. Annar heiðursgestur er David Cronen-
berg, „barón blóðsins“, og verður sérstakt mið-
næturmaraþon með myndum eftir hann. Hann mun
einnig sitja fyrir svörum.“
„Þá er einnig sjónum beint að danskri kvik-
myndagerð og frumsýndir meðal annars fyrstu
tveir þættirnir af þriðju seríu Broen. Á hátíðinni
verður mikið af Íslandsfrumsýningum, talsvert af
Evrópufrumsýningum og alheimsfrumsýningum.
Þetta er ekkert lítið. Þetta ættu að vera lögbundnir
frídagar, tíu í röð svo fólk geti notið hátíðarinnar
rækilega,“ segir Gunnar glettinn og hvetur fólk til
að kynna sér dagskrána á www.riff.is
300 BÍÓSÝNINGAR
Á 10 DÖGUM
RIFF Alþjóðlega kvikmyndahátíðin RIFF var sett í Reykjavík í tólfta sinn
þann 24. september og stendur til 4. október. Sýningarstaðir eru Bíó Paradís,
Háskólabíó, Norræna húsið og Tjarnarbíó.
FRÁBÆR DAGSKRÁ Gunnari Hanssyni, kynningarstjóra RIFF, finnst að fólk ætti að fá frí í vinnunni til að sjá þær þrjú hundruð bíó-
sýningar sem boðið er upp á á RIFF. MYND/GVA
Hausttískan 2015
Fallegt, fágað og töff.
Smáralind
facebook.com/CommaIceland
#BYLGJANBYLGJAN989
HLUSTAÐU
HVAR SEM ER,
HVENÆR SEM ER
HAPPY HOUR ÍSLENSKU ÞJÓÐARINNAR
SIGGI HLÖ
ER Í LOFTINU
MILLI KL. 16:00 - 18:30LAUGARDAG
#BYLGJANBYLGJAN989
HLUSTAÐU
HVAR SEM ER,
HVENÆR SEM ER
HAPPY HOUR ÍSLENSKU ÞJÓÐARINNAR
SIGGI HLÖ
ER Í LOFTINU
MILLI KL. 16:00 - 18:30LAUGARDAG
#BYLGJANBYLGJAN989
HLUSTAÐU
HVAR SEM ER,
HVENÆR SEM ER
HAPPY HOUR ÍSLENSKU ÞJÓÐARINNAR
SIGGI HLÖ
ER Í LOFTINU
MILLI KL. 16:00 - 18:30LAUGARDAG