Tímarit hjúkrunarfræðinga - 2018, Side 4

kæru lesendur!
forsíðu þessa tölublaðs prýðir ljósmynd Margrétar kristjánsdóttur af sólsetri við
neyðarsjúkrahús rauða krossins í Bangladesh. hún fangar fegurð augnabliksins við
aðstæður og þrengingar sem almennt eru okkur huldar, en hjúkrunarfræðingum er
fátt sem viðkemur mannlegri velferð óviðkomandi. Í krafti þekkingar og með fag-
mennsku, umhyggju og virðingu að leiðarljósi stígum við inn í aðstæður til að hjúkra,
auka lífsgæði og gera tilveru skjólstæðinga okkar eins góða og mögulegt er. Stundum
eru hvorki þarfir skjólstæðinganna augljósar né heldur mest viðeigandi hjúkrunin. En
líkt og Margrét sér fegurðina í kvöldroðanum búum við yfir færni til að nema orðin
sem ekki eru sögð, áföllin sem líkaminn tjáir og þjáninguna sem hvílir í augnatillitinu.
Þetta er mikilvægur færniþáttur í hraðri heilbrigðisþjónustu nútímans. Þar leika hjúkr-
unarfræðingar lykilhlutverk og með yfirsýn og hugrekki leitum við allra leiða til að
gera þjónustu við skjólstæðinga þá bestu sem völ er á.
Tímarit hjúkrunarfræðinga er mikilvægur vettvangur umræðu um leiðir að bestu
mögulegu hjúkrunar- og heilbrigðisþjónustu auk alls annars sem viðkemur hjúkrun,
bæði fræðin og starfið, og í þessu fyrsta tölublaði ársins 2018 kennir ýmissa grasa. Við
fræðumst um sjúkrarúm og þrýstingssáravarnir á smitsjúkdómadeild; lyfjavinna og
lyfjaöryggi hjúkrunarfræðinga er til umfjöllunar, auk hæfniviðmiða í bráðahjúkrun á
Landspítala. gerð er grein fyrir niðurstöðum könnunar á starfsumhverfi og álagi í
starfi hjúkrunarfræðinga, sem var fyrst kynnt á fjölsóttu málþingi fíh þann 28. febrúar
sl. Við kynnumst rannsóknaráherslum dr. rannveigar jónasdóttur nýdoktors í hjúkr-
unarfræði og tveir nýir fræðslubæklingar eru kynntir. annars vegar um heilabilun og
hins vegar um örugga dvöl á sjúkrahúsi. Einnig eru viðtöl við hjúkrunarfræðinga um
starfið þeirra og nýjungar í hjúkrunarfræði. fimm ritrýndar greinar birtast í blaðinu,
sem er ekki aðeins fengur fyrir höfunda, heldur einnig fræðigreinina í heild sinni.
Ég vil nota tækifærið og þakka öllum þeim sem tóku þátt í vinnslu blaðsins á einn
eða annan hátt fyrir frábært samstarf. Þá sérstaklega vil ég þakka hildi Björgu hafstein
sem ásamt helgu Ólafs ritstjóra á veg og vanda af ritstjórn þessa tölublaðs.
hver sem starfsvettvangur hjúkrunarfræðinga er eigum við það sameiginlegt að
búa yfir löngun til að auka farsæld fólks. Til að vera fær um það þurfum við að byrja
á því að annast um okkur sjálf. Ég vil því óska lesendum Tímarits hjúkrunarfræðinga
gleðilegs sumars með einlægri ósk um að sumardagarnir megi vera ykkur endurnær-
ing og vettvangur hlýrra minninga og fagurra augnablika.
4 tímarit hjúkrunarfræðinga • 1. tbl. 94. árg. 2018
Aðalbjörg Stefanía Helgadóttir, formaður rit-
nefndar Tímarits hjúkrunarfræðinga.
Frá ritnefnd
Tímarit hjúkrunarfræðinga er mikilvægur vettvangur
umræðu um hjúkrunar- og heilbrigðisþjónustu, bæði
fræðin og starfið
TÍMARIT HJÚKRUNARFRÆÐINGA
Suðurlandsbraut 22, 108 reykjavík
Sími 540 6405
netfang ritstjori@hjukrun.is
Vefsíða www.hjukrun.is
Útgefandi: félag íslenskra hjúkrunarfræðinga
Sími skrifstofu 540 6400
Ritstjóri og ábyrgðarmaður: helga Ólafs / hildur Björg hafstein. Ritnefnd: aðalbjörg Stefanía helgadóttir,
Ásta oroddsen, Dóróthea Bergs, Margrét hrönn Svavarsdóttir, Sigríður halldórsdóttir, Þorgerður ragnars-
dóttir, Þórdís katrín Þorsteinsdóttir. Forsíðumynd: Margrét kristjánsdóttir. Ljós myndir: herdís Lilja jónsdóttir
o.fl. Yfirlestur og próförk: ragnar hauksson og ingunn Sædal. Auglýsingar: Margrét rafnsdóttir og Markaðs-
menn ehf. Hönnun og umbrot: Egill Baldursson ehf.
Tekið er á móti efni til birtingar á netfanginu ritstjori@hjukrun.is. Leiðbeiningar um ritun fræðslu- og fræði-
greina er að finna á vefsíðu tímaritsins.
iSSn 2298-7053