Tímarit hjúkrunarfræðinga - 2018, Side 33

að taka upp nýja snúningsskrá sem var útbúin af sárahjúkrun-
arfræðingunum. Á hana er skráð hve oft sjúklingi er snúið,
hvernig honum er snúið, hvort hann þiggur vökva sem honum
er boðinn eða afþakkar, hvort húð er hrein og þurr eða raki við
húð. Einnig er skráð húðmat sem hópurinn ákvað að skyldi fara
fram tvisvar á sólarhring, einu sinni á morgunvaktinni og einu
sinni á kvöldvaktinni. Mælt var með að skoða sérstaklega
spjaldhrygg, rasskinnar og hæla en einnig hægt að skrá aðra
staðsetningu. Skráning á þrýstingssárunum miðaðist við flokk -
un þrýstingssára (mynd 3). Á skrána er svo hægt að merkja við
í hvaða áhættuflokki við komandi sjúklingur er skv. Braden-
kvarða. Sjúkraþjálfara deildarinnar var boðið að taka þátt í
þessu með deildinni og skrá athugasemdir og ráðleggingar
varðandi hreyfingu sjúklings. Skráin nær yfir einn sólarhring
og er endurnýjuð á næturvöktunum. Þá var ítrekað að öll
skráning yrði færð inn í sjúkraskrá viðkomandi en litið var á
þessa skrá meira sem áminningu en skráningareyðublað.
Verklag um þrýstingssáravarnir var skipulagt með hliðsjón af
klínískum leiðbeiningum Landspítala um slíkar varnir frá árinu
2008 (sjá mynd 4) og skráð á blað sem flæðirit. flæðiritið var
hengt inn á línherbergi þar sem lín og allur sáralagerinn var
geymdur svo það væri í augnsýn allra, óháð því hvort fólk var
við tölvu eður ei. Í verklaginu var minnt á áhættumatið sem
leiddi til þess að fólk lenti í áhættuhóp eða ekki. Því næst var
minnt á að nota tvær hjúkrunargreiningar: „þrýstingssár“ og
„hætta á þrýstingssári“. Stungið var upp á nokkrum meðferðar-
úrræðum og verkþáttum, t.d. að setja upp snúningsskrá, nota
þrýstingsdreifandi dýnu, sinna næringu, verkjum, húðmeðferð
og að gæta þess að sjúklingar liggi ekki á lyftarasegli.
Ákveðið var að hafa apríl sama ár sem þemamánuð fyrir
samskipti milli hjúkrunarfræðinga og sjúkraliða. Í tengslum
við það voru hjúkrunarfræðingar og sjúkraliðar hvattir til að
funda í byrjun hverrar vaktar og eftir þörfum og að á þeim
fundi væri lögð áhersla á fimm meginþemu. Þemun voru: Lífs-
markamælingar, aðhlynning, næring, hreyfing og að sjálfsögðu
snúningur. Ákveðið var að ástand allra rúmdýna yrði metið við
útskrift sjúklinga því þá er hvort sem er tekið af rúmunum.
Ónýtum dýnum átti að fleygja. fljótlega kom í ljós að ástandið
var mjög slæmt. Dýnurnar voru mjög gamlar, stundum rifnar
og oftar en ekki komin dæld þar sem bakhlutinn hvílir. Í kjöl -
farið var farið af stað með dýnuverkefni Landspítala þar sem
keyptar voru nýjar dýnur í öll rúm en þær komu ekki inn á spít-
alann fyrr en í maí 2016, eða ári síðar.
fleira var gert, t.d. var dagsáætlun deildarinnar breytt. Dags -
áætlun er hjálpartæki með upplýsingum um alla sjúklinga deild-
arinnar, ástæðu innlagnar, íhluti, helstu rannsóknir og fyrirmæli
um meðferð. Ákveðið var að búa til aukareiti til að merkja hvort
sjúklingur var með snúningsskrá eða sár og einnig aukareit
varðandi hreyfigetu viðkomandi. Þannig varð augljósara ef fólk
þurfti snúning og var með sár eða roða svæði. Stuttu fyrir þessa
nýju innleiðingu höfðu verið keyptar tússtöflur fyrir alla sjúk-
linga deildarinnar. Tússtaflan var staðsett við hvert rúmstæði og
á hana var t.d. skráður læknir, hjúkrunarfræðingur og sjúkra -
lið inn sem sinnti sjúklingnum hverja vakt, lífsmörk, göngu-
ferðir, sýklalyfjatímar og ýmislegt annað. Datt vinnuhópnum í
hug að hægt væri að nota þessa töflu til að minna á snúninga
þannig að það væri enn þá meira áberandi hverjir þyrftu að láta
snúa sér. Tússtöflunotkunin hefur hins vegar ekki fest í sessi.
þrýstingssáravarnir á smitsjúkdómadeild
tímarit hjúkrunarfræðinga • 1. tbl. 94. árg. 2018 33
Mynd 4. Nýtt verklag á A7.
Mynd 3. Endurgerð snúningsskrá.