Morgunblaðið - 19.12.2019, Side 22

BAKSVIÐ
Sigurður Bogi Sævarsson
sbs@mbl.is
„Fólk hér á svæðinu hefur síðustu
vikuna þjappað sér saman um við-
fangsefnin sem leysa þarf. Að-
stæður hér á Dalvík og í Svarfaðar-
og Skíðadal hafa verið mjög
óvenjulegar. Við
erum í sjálfu sér
óvön fannfergi
og ófærð. Það
voru hins vegar
rafmagnsleysi í
nokkra sólar-
hringa og rof í
fjarskiptum sem
gerðu allt erf-
iðara en við er-
um nokkru sinni
vön,“ segir
Haukur Gunnarsson, sem er for-
maður Björgunarsveitarinnar Dal-
vík.
Óveðrið með fullum þunga
Félagar sveitarinnar á Dalvík
hafa staðið í ströngu að und-
anförnu, en í óveðrinu í síðustu
viku urðu byggðarlagið og nær-
liggjandi slóðir mjög illa úti.
„Óveðrið með öllum sínum þunga
kom á þriðjudagskvöldinu og þá
var mannskapur frá okkur þegar
farinn út til aðstoðar. Svo má segja
að þetta hafi verið stanslaus törn
alveg fram á mánudagskvöld en þá
skiluðu þau síðustu úr sveitinni sér
aftur í hús,“ segir Haukur. Næsta
mál á dagskrá í starfinu segir hann
að gera búnað og bíla aftur klára.
Sitthvað hafi laskast í átökum
óveðursins, skemmdir orðið á bílum
og fleira. Allt slíkt megi þó bæta.
Í óveðrinu voru alls um 30
manns úr Dalvíkursveitinni við að-
stoð og aðgerðir úti á mörkinni.
Jafnframt nutu Dalvíkingar að-
stoðar björgunarsveitarmanna frá
Akureyri og Grindavík, en lengi
hefur verið ágætt samstarf milli
sveitarinnar á síðarnefnda staðnum
og Dalvíkur. „Grindvíkingarnir
komu með díselrafstöðvar sem
komið var fyrir við sveitabæi inni í
Svarfaðardal. Í aðgerðum okkar fór
einmitt mikill tími í að sinna sveit-
inni. Það var fyrst um helgina sem
hlutir komust aftur í samt lag inni í
dal,“ segir Haukur sem hefur tekið
þátt í starfi björgunarsveitarinnar
á Dalvík í 34 ár.
Það var síðdegis á miðvikudag í
fyrri viku sem rafmagn fór af Dal-
vík og nærliggjandi slóðum. Þegar
rafhlöður talstöðva og endurvarpa
voru orðnar tómar fóru fjarskiptin
út og komust ekki í samt lag fyrr
en á föstudag. Það var eftir að
varðskipið Þór komi til Dalvíkur
með díselrafstöð sem notuð var til
rafmagnsframleiðslu fyrir bæinn.
„Við vorum hér á fullu í marga
sólarhringa og á föstudeginum fór-
um við svo nokkur inn í Eyjafjörð
til að aðstoða við leit að piltinum
sem féll í Núpá í Sölvadal. Þetta
voru því mjög annasamir dagar og
núna þurfum við að setjast niður,
fara yfir atburðina og verkefnin og
athuga hvað betur megi fara. Í
sjálfu sér tel ég samfélagið hér
hafa staðist áraunina með prýði.
Brugðist var við veðurspá jafn vel
og hægt var. Enginn gat hins veg-
ar séð fyrir hver veðurofsinn yrði
eða að rafmagnslínur gæfu sig.
Dalvíkurlínan er sterkbyggð og
hefur staðist öll veður síðan hún
var reist fyrir 33 árum,“ segir
Haukur og að síðustu:
Katrín í eldlínunni
„Nei, mér finnst ekki hægt að
segja að nein mistök hafi verið
gerð, hvorki í aðdraganda óveðurs-
ins né í framhaldinu. Hins vegar
gerðist margt sem við getum lært
af, til dæmis varðandi rafmagns-
málin og fjarskipti. Meginmálið er
og verður að við stöndum sterk og
innviðir séu í lagi þegar svona
óveður kemur aftur. Annars er það
svo í fámennu samfélagi eins og
hér á Dalvík að þessir atburðir
hafa þjappað fólki saman. Í því
sambandi vil ég sérstaklega geta
framgöngu Katrínar Sigurjóns-
dóttur, sveitarstjóra í Dalvík-
urbyggð, sem stóð í eldlínunni
þessa daga; gekk í málin, miðlaði
upplýsingum og stóð með fólkinu
sínu. Framganga hennar í þessum
atburðum var til fyrirmyndar – en
öll sú reynsla sem við höfum fengið
að undanförnu mun gera þetta
samfélag sterkara.“
Erum vön fannfergi og ófærð
 Annasamir dagar hjá björgunarsveitarmönnum á Dalvík eru að baki  Rafmagnsleysið gerði allt
erfiðara  Enginn sá veðurofsann fyrir  Samfélagið stendur sterkara eftir atburðina í síðustu viku
Morgunblaðið/Eggert
Rafmagn Staurar í Dalvíkurlínu brotnuðu og hér er unnið að viðgerð.
Ljósmynd/Björgunarsveitin Dalvík
Höfnin Í áhlaupinu löskuðust bátar á Dalvík og aðstoðaði björgunarsveitarfólk kranamenn við að ná þeim upp.
Ljósmynd/Björgunarsveitin Dalvík
Jeppar Traustur bílafloti björgunarsveitarinnar úti á mörkinni.
Haukur Arnar
Gunnarsson
22 FRÉTTIRInnlent
MORGUNBLAÐIÐ FIMMTUDAGUR 19. DESEMBER 2019
Áætlað er að heildarútgjöld Hafnar-
fjarðarbæjar á næsta ári verði 29,3
milljarðar króna skv. fjárhagsáætl-
un sem bæjarstjórn samþykkti fyrr í
vikunni. Laun verða um tæpur
helmingur útgjalda eða 14,7 ma. kr.
og fjármagnskostnaður er áætlaður
um 1,4 ma. kr.
Miklar fjárfestingar
Rekstur Hafnarfjarðarbæjar hef-
ur gengið vel síðustu ár, segir í
fréttatilkynningu. Niðurstaðan var
jákvæð sem nam 1.129 millj. króna í
fyrra og árið 2017 kom út í um 800
millj. króna plús.
Gert er ráð fyrir að niðurstaða
yfirstandandi árs verði jákvæð um
sem nemur 791 milljón króna. Út-
svarsprósentan sem Hafnfirðingar
greiða á næsta ári verður óbreytt
milli ára eða 14,48%. Skuldaviðmið
bæjarsjóðs verður um 105% í árslok
2020 og verður 112% í lok ársins sem
nú er að líða.
Áætlað veltufé frá rekstri A- og B-
hluta eru 3,6 ma. kr. eða tæp 12% af
heildartekjum. Til stendur að fjár-
festa fyrir 3,1 ma. á næsta ári. Ber
þar hæst uppbyggingu á suðurhöfn-
inni og kaup á félagslegu húsnæði.
Einnig forgangsröðun í grunnþjón-
ustu sem snýr m.a. að skólum, sam-
göngum, fráveitu og endurnýjun á
hjúkrunarheimilinu Sólvangi. Þá
verður haldið áfram með nýjan skóla
í Skarðshlíðarhverfi.
Snjallari þjónusta
Samhliða verður farið í ýmis önn-
ur verkefni, svo sem snjallvæðingu á
rafrænum þjónustuleiðum í starf-
semi bæjarins. „Breyttar þarfir og
starfsumhverfi krefjast þess að við
leitum allra leiða til að efla þjónustu
og gera upplýsingar sífellt aðgengi-
legri,“ er haft eftir Rósu Guðbjarts-
dóttur bæjarstjóra. sbs@mbl.is
Góður rekstur og
lækkandi skuldir
 Hafnarfjarðarbær fer í fjárfestingar
Hafnarfjörður Íbúar eru nú 29.799
skv. nýjustu tölum Hagstofunnar.