Morgunblaðið - 19.12.2019, Side 36

36 FRÉTTIRInnlent
MORGUNBLAÐIÐ FIMMTUDAGUR 19. DESEMBER 2019
BAKSVIÐ
Sigtryggur Sigtryggsson
sisi@mbl.is
Einn er sá vegur sem hefur sér-
stöðu í umræðunni um skilavegi. Er
það Álftanesvegur í Garðabæ. Eftir
er að leggja hluta vegarins, þ.e. frá
Engidal að Garðahrauni. Þegar
vegurinn verður fullbúinn mun
hann verða mikil samgöngubót. En
Vegagerðin hyggst ekki leggja
þennan vegaspotta sem eftir er og
Garðabær hefur engin áform um
það heldur. Á meðfylgjandi korti
sést lega vegarins.
Rétt er að taka fram að Álftanes-
vegur er ekki hluti af áætlun um
skilavegi, segir í minnisblaði sem
lögfræðideild Vegagerðarinnar
sendi samgönguráðuneytinu í apríl
síðastliðnum. „Ósamið er um skil
Álftanesvegar og hafa viðræður um
hann gengið stirðlega. Um skil hans
gilda önnur sjónarmið sem grund-
vallast ekki á fyrrgreindri breyt-
ingu á skilgreiningu stofnvega sbr.
lög nr. 80/2007, heldur sjónarmiðum
sem finna má í 59. gr. a vegalaga,
um sameiningu sveitarfélaga,“ segir
orðrétt í minnisblaðinu.
Í 59. grein vegalaga segir:
„Nú hefur sameining sveitarfé-
laga þau áhrif að vegur færist úr
flokki stofnvega í flokk sveitarfé-
lagsvega og skal þá Vegagerðin
halda við veginum í að hámarki
fimm ár frá sameiningu. Að þeim
tíma loknum skal vegurinn afhentur
sveitarfélaginu að fullu en heimilt
er að semja um styttri tíma í þessu
sambandi.“
Álftaneshreppur sameinaðist
Garðabæ 1. janúar 2013 og þá fór
Álftanesvegurinn allur inn fyrir
bæjarmörk Garðabæjar. Og því er
fimm ára tímaramminn liðinn fyrir
nokkru.
Heldur áfram úr Engidal
Eins og mönnum er eflaust í
fersku minni var árið 2015 lokið við
að leggja nýjan Álftanesveg frá
gatnamótum við Bessastaðaveg í
gegnum Gálgahraun að Hafn-
arfjarðarvegi í Engildal. Umhverf-
isverndarsinnar mótmæltu þessari
vegagerð kröftuglega.
En Álftanesvegurinn mun ekki
enda í Engidal því samkvæmt áætl-
unum mun hann liggja áfram alla
leið að Reykjanesbraut, samanber
meðfylgjandi kort. Eftir er að
leggja veginn frá Engidal að Garða-
hrauni/Flatahrauni. Þaðan er búið
að leggja stuttan spotta yfir að
Reykjanesbraut. Hafa ýmsir undr-
ast að þessi vegaspotti beri heitið
Álftanesvegur en það á sér þessa
skýringu.
Vegagerðin hefur engin áform
um að leggja það sem eftir er af
Álftanesvegi enda sé það Garða-
bæjar að sjá um þá framkvæmd.
Morgunblaðið fékk upplýst hjá G.
Pétri Matthíassyni, upplýsingafull-
trúa Vegagerðarinnar, að engin
undirbúningsvinna hafi farið fram
varðandi þessa vegalagningu.
Gunnar Einarsson, bæjarstjóri í
Garðbæ, segir hins vegar að engin
áform séu uppi hjá Garðabæ að
fara í þessa vegaframkvæmd eins
og sakir standa. „Þessi umræddi
vegur er hins vegar talinn upp á
lista yfir þær framkvæmdir sem
getið er um í stóra samkomulaginu
(120 milljarðar) til að auka um-
ferðaflæðið á höfuðborgarsvæðinu
og því lítum við svo á að hér sé um
stofnbraut að ræða,“ segir Gunnar.
Hann bendir í því samhengi á í 5.
grein samkomulags ríkisins og
sveitarfélaganna á höfuðborg-
arsvæðinu frá í haust þar sem
fjallað er um flýtingu framkvæmda
og þær taldar upp. Meðal annar
segir þar um eitt af flýtiverkefn-
unum: Reykjanesbraut-Álftanes-
vegur-Lækjargata.
Að framansögðu má sjá að alls er
óvíst hvort og þá hvenær þessi
vegakafli verður lagður. Vegagerðin
vill koma veginum yfir til Garða-
bæjar, sem ekki vill taka við honum
að svo stöddu.
En hitt er ljóst að þetta yrði mik-
il samgöngubót sem myndi m.a.
létta umferð af Fjarðarhrauni í
gegnum Hafnarfjörð.
Hver klárar Álftanesveginn?
 Vegagerðin telur að Garðabær eigi að taka við veginum enda sé hann allur innan bæjarmarkanna
 Bæjarstjóri segir engin áform um vegalagningu  Teljist stofnvegur í nýjum samningi við ríkið
Morgunblaðið/sisi
Garðahraun/Flatahraun Hér endar vegaspotti Álftanesvegar frá Reykjanesbraut. Vegurinn mun svo í framtíðinni liggja áfram í átt að Engidal. Ísafold-
arprentsmiðja til hægri á myndinni. Næst Engidal mun vegurinn liggja fram hjá Fjarðarkaupum. Óvíst er hvenær ráðist verður í þessa þörfu framkvæmd.
Fyrirhuguð lega Álftanesvegar
í gegnum Molduhraun
Molduhraun
Kortagrunnur:
OpenTopoMap
Garðahraun,
friðlýst svæði
GARÐABÆR
G
A
R
Ð
A
B
Æ
R
HAFNARFJÖRÐUR
F
ja
rð
a
rh
ra
u
n
Rey
kja
nes
bra
ut
Suðurhraun
Flat
ahra
un
KAPLAKRIKI
Álftanesvegur
Bæjarmörk Hafnar-
fjarðar og Garðabæjar
Reykja
nesbra
ut
Staðið hefur í stappi undanfarin
ár milli Vegagerðarinnar og sveit-
arfélaga um vegi sem kallaðir
hafa verið skilavegir. Um er að
ræða allt að 70 kílómetra af
stofnvegum í og við þéttbýli, víða
á landinu.
Til stóð að sveitarfélögin tækju
við þessum vegum um næstu
áramót en ekkert hefur gengið í
samningum milli aðila. Varð nið-
urstaðan sú að með lögum á Al-
þingi var yfirtökunni frestað um
eitt ár, eða til ársloka 2020.
Þegar vegalögin voru sett 2007
hófust samningaviðræður milli
Vegagerðarinnar og sveitarfélaga
um yfirfærslu vega sem ekki
flokkast sem þjóðvegir sam-
kvæmt skilgreiningu laganna til
viðkomandi sveitarfélaga, en þær
báru ekki árangur. Í kjölfar end-
urskoðunar á vegalögum árið
2014 var samþykkt bráðabirgða-
ákvæði þar sem tilgreint er að
Vegagerðinni sé heimilt að semja
við sveitarfélögin um yfirfærslu
vega sem færðust frá Vegagerð-
inni til sveitarfélaga við gild-
istöku laganna.
Sveitarfélögin hafa fært fram
margvísleg rök fyrir því að ekki
geti orðið af yfirtöku. Í tilviki
Garðabæjar er því hafnað að yf-
irfærslan geti átt sér stað. Ekki
hafi verið uppfyllt skilyrði lag-
anna um að fram fari ástandsmat
og kostnaðargreining sem gæti
verið grundvöllur samkomulags
aðila.
Vegagerðin hefur ekki náð
samkomulagi við sveitarfélög
ÁRANGURSLAUSAR VIÐRÆÐUR FRÁ ÁRINU 2007 UM SKILAVEGI
Funahöfði 1 | 110 Reykjavík | Sími 567 4840 | www.bilo.is | bilo@bilo.is
GLÆSILEGIR „PLUG IN
HYBRID“ TIL SÖLU
AUDI A3 E-TRON, VW GOLF GTE,
VW PASSAT GTE OG M. BENZ E350E
VW GOLF GTE
PREMIUM
Nýskr. 03/2018, ekinn 22 Þ.km, bensín/
rafmagn, sjálfskiptur, leðursportsæti,
glerþak, stafræntmælaborð, 18“ álfelgur,
stóri skjárinn ogmikið fleira
Verð 4.880.000 kr. Raðnúmer 259690