Morgunblaðið - 19.12.2019, Side 74

MORGUNBLAÐIÐ FIMMTUDAGUR 19. DESEMBER 2019
www.danco.is
Heildsöludreifing
Ostakaka Caramel-Brownie Handunnar Falafel bollur Ljúffengar franskar makkarónur Mini Beyglur með fyllingu
Mini Club samlokur Petit Four sælkerabitar
Vegan samósur Canape snittur Vefjur með fyllingu
Danco hefur allt til að auðvelda veitingarnar hvort sem er í veisluna,
mötuneytið, kokteilboðið, skólaeldhúsið, alls staðar.
Forréttir, pizzur, smáréttir, forskornar tertur og fleira.
Ljúffengt...
...hagkvæmt og fljótlegt
Veisluþjónustur
Veitingahús - Mötuneyti
Ný vefverslun fyrir fyrirtæki og verslanir á www.danco.is
Fjölbreytt úrval af matvöru og veisluréttum
Þóra Kolbrá Sigurðardóttir
thora@mbl.is
Sagan hefst á átjándu öld þegar vef-
arinn Georg Jensen setti á stofn litla
verslun og fór að framleiða sínar eig-
in vefnaðarvörur. Á sama tíma var
nafni hans, Georg Jensen, að smíða
sína fyrstu silfurgripi. „Þetta var á
þeim tíma þegar enginn velti fyrir
sér smáatriðum eins og einkaleyfum
og vörumerkjaskráningu,“ segir við-
mælandi okkar, Hanne Hosbond
sem jafnframt er sérfræðingur í öllu
því sem viðkemur danskri vefn-
aðarvöru. Bæði fyrirtækin uxu og
döfnuðu og urðu að þeim stórveldum
sem þau eru í dag. Þegjandi sam-
komulag ríkti um að hvort um sig
héldi sig innan síns sérsviðs og
þannig hafa fyrirtækin tvö þrifist
hlið við hlið í gengum aldirnar.
Formlega stofnun Georg Jensen
Damask má rekja aftur til 1756 þeg-
ar Jensen-fjölskyldan opnaði versl-
un en sögu fjölskyldunnar má rekja
aftur til 15. aldar. Fyrsta staðsetn-
ing fyrirtækisins var á Vefarastræti
í Kaupmannahöfn. Það var svo Hin-
rik Georg Jensen sem flutti fyrir-
tækið í stærra húsnæði í Kolding og
óx fyrirtækið og dafnaði í hans hönd-
um. Hann hafði frumkvæðið að
giftusamlegu samstarfi við danska
arkitekta og hönnuði sem hefur ver-
ið burðarásinn í framleiðslunni og
lagði grunninn að veldinu sem Georg
Jensen Damask er í dag. Grunn-
stoðir Georg Jensen Damask eru í
senn bæði mikil gæði en fyrirtækið
notar eingöngu langtrefja egypska
bómull sem þykir ein sú besta og
vandaðasta í heiminum í dag. Að
auki hefur fyrirtækið verið ötult við
að fá helstu hönnuði Norðurlanda til
samstarfs og má þar fremstan í
flokki nefna Arne Jakobsen sem hef-
ur hannað bæði rúmföt og dúka fyrir
Georg Jensen Damask.
Fyrirtækið er fyrir löngu orðið
rótgróið í dönsku þjóðarsálinni og
vefnaðarvara frá því þykir mikil
heimilisprýði. Eins og áður segir er
mikið lagt upp úr gæðum og að grip-
irnir verði hluti af sögu fjölskyldna.
Þannig erfast dúkar á milli kynslóða
og þykja mikilvægur hluti af hátíð-
arhaldi. „Árið 2015 endurvöktum við
gamalt mynstur sem hafði verið
hannað árið 1972 af John Becker. Í
tilefni 40 ára afmælis dúksins
ákváðum við að bjóða þeim sem
mögulega ættu gamlan dúk inn í
skáp að skila honum inn fyrir nýjan.
Við vonuðumst til að fá nokkra dúka
inn og geta ofið sögurnar á bak við
þá í skemmtilegt mynstur. Ég man
hvað allir voru spenntir þegar fyrsti
dúkurinn skilaði sér og hann var í
góðu ástandi,“ segir Hann og bætir
við að fljótlega hafi gamanið farið að
kárna þegar dúkunum fjölgaði. „Það
skiluðu sér yfir 300 dúkar og flestir
voru þeir í mjög góðu ásigkomulagi.
Ég held að það segi mikið um gæðin
þegar varan endist svo áratugum
skiptir. Við fengum mikið af fal-
legum fjölskyldusögum og erum enn
að vinna úr þeim öllum.“
Meðhöndlunin skiptir öllu máli
Að sögn Hanne skiptir öllu máli
hvernig vefnaðarvara er meðhöndl-
uð – þá ekki síst í upphafi. „Flest
höfum við lent í því að kaupa visku-
stykki eða handklæði sem draga
engan vökva í sig. Margir halda að
það sé eitthvað að vörunni en ástæð-
an er einföld. Trefjarnar liggja flatar
eftir að hafa verið ofnar, saumaðar,
pressaðar og pakkaðar og því er
rakadrægnin lítil sem engin. Það
þarf að þvo vefnaðarvöru fyrir notk-
un og með viskustykkin okkar og
tuskur mælum við með því að þær
séu látnar liggja í köldu vatni í sólar-
hring og síðan þvegnar á 60 gráðum.
Það sama á við um rúmfötin og dúk-
ana. Þá er reyndar nóg að þvo á 60
gráðum og óþarfi að láta liggja í
bleyti. Hanne leggur jafnframt
áherslu á tvennt. „Alltaf að taka vör-
una í sundur áður en hún er þvegin
og alls ekki hafa of mikið í þvottavél-
inni. Eins er mikilvægt að slétta vel
úr efninu áður en það er lagt til þerr-
is.
Þráðafjöldinn afstæður
Nú hefur það þótt segja til um
gæði vefnaðarvöru hversu mörgum
þráðum hún er ofin úr. Hvernig er
þessu háttað hjá Georg Jensen Da-
mask? „Þetta er góð spurning og
svarið er að það veltur ekki ein-
göngu á fjölda þráða heldur skiptir
jafn miklu máli hvernig þráðurinn
er. Við notum það vandaða bómull í
okkar vefnaðarvöru að okkur duga
273 þræðir til að ná sama þéttleika
og önnur fyrirtæki ná með umtals-
vert fleiri þráðum. Það segir mikið
um gæðin á þeirri bómull sem við
notum og til gamans má geta þess að
einungis 3-5 prósent af heims-
framleiðslunni á bómull stenst okkar
gæðakröfur. Bómullin er grunn-
stoðin hjá okkur og hvernig hún er
ofin skiptir jafn miklu máli.
Vara sem endist
Við mælum alltaf fremur með
mildu þvottaefni og að blettir séu
meðhöndlaðir áður en þeir fara í
þvott,“ útskýrir Hanne fyrir blaða-
manni og það er nokkuð ljóst að fáir
komast með tærnar þar sem hún
hefur hælana hvað þekkingu á vefn-
aðarvöru varðar. Sjálf hefur Hanne
starfað lengi hjá fyrirtækinu og hef-
ur mikið dálæti á vörunum. Góð
vefnaðarvara skipti máli. Bæði sé
hún vandaðri og betri en hún endist
líka svo áratugum skiptir og veröld
þar sem hið einnota er vonandi á
undanhaldi þá horfir fólk til gæða og
endingartíma. Þar er Georg Jensen
Damask fremst í flokki.
Georg Jensen er
ekki það sama
og Georg Jensen
Dönsk hönnun þykir afar eftirsóknarverð og vönd-
uð og dönsk vörumerki, þá ekki síst þau sem eru
vottuð af dönsku konungsfjölskyldunni en einungis
allra besta og vandaðasta handverkið er valið
þangað inn enda telst það mikil gæðavottun að fá
þá viðurkenningu. Georg Jensen er þar á meðal en
það eru ekki allir sem vita að í raun eru tvö alls ólík
fyrirtæki sem bera þetta nafn og bæði eru þau á
heimsmælikvarða og vottuð af dönsku krúnunni.
Morgunblaðið/ÞS
Hafa vit á vefnaðarvöru Hanne Hosbond frá Georg Jensen Damask
hér ásamt Jórunni Þóru Sigurðardóttur, verslunarstjóra Kúnígúnd.
Vinsæl vefnaðarvara Gæðin skipta
öllu máli hjá Georg Jensen Damask.
Augnakonfekt Fallegur borðdúkur setur
mikinn svip á borðhaldið.
Á dögunum vildi svo til að eldri íslensk kona hugðist kaupa rúmföt frá
Georg Jensen Damask handa allri fjölskyldunni. Hún hafði augastað á
hvíta vindmyllumunstrinu en þegar panta átti fyrir hana kom í ljós að
það var uppselt. Að sögn Hanne voru góð ráð dýr enda hefur konan
reglulega verslað af fyrirtækinu í gegnum árin og því var mönnum
umhugað um að tryggja að hún fengi rúmfötin sem hún hugðist gefa
sínu fólki.
„Við leituðum út um allt og á endanum fundust 200 metrar sem bú-
ið var að taka frá fyrir dönsku konungsfjölskylduna. Við tókum þá
ákvörðun að íslenska konan gengi fyrir og því var konungsfjöl-
skyldan látin bíða og úr þessum 200 metrum voru saumuð rúmföt
handa fjölskyldunni. Það er því íslensk fjölskylda sem mun sofa vært í
rúmfötum hennar hátignar eftir hátíðarnar.“
Efni drottningar fór til Íslands
 Allar damask ofnar vörur
frá Georg Jensen Damask eru
gerðar úr langtrefja egypskri
bómull
 Árið 2016 voru framleiddar
630 þúsund vörur og kvört-
unarhlutfallið var 0,1% sem
er fáheyrt í heiminum
 Mikið er lagt upp úr gæð-
um vörunnar og eingöngu eru
notuð náttúruleg hráefni