Morgunblaðið - 28.12.2019, Blaðsíða 34

34 MORGUNBLAÐIÐ TÍMAMÓT 29.12. 2019
Breski hjartaknúsarinn Ed Sheeran hélt tvenna tónleika á Laugardalsvelli í byrjun ágústsmánaðar. Aðdáendur söngvarans fjölmenntu á völlinn báða dagana og voru um 40 strætisvagnar
kallaðir til aukalega til þess að mæta álaginu sem myndaðist á leiðakerfi Strætó vegna tónleikanna. Þá myndaðist löng röð fyrra kvöldið inn á tónleikasvæðið og voru ekki allir á eitt sáttir
með biðina, þó að flestir létu sig ekki muna um að bíða til að berja Sheeran augum. Kappinn tók flest af sínum þekktustu lögum á tónleikunum, eins og Perfect og Shape of You, en það vakti
sérstaka lukku að þegar Sheeran var klappaður upp í lok tónleikanna mætti hann aftur á sviðið í treyju íslenska landsliðsins í knattspyrnu.
Morgunblaðið/Kristinn Magnússon
Sheeran troðfyllti Laugardalsvöllinn – tvisvar
„Frægðarstjarna“ Björgvins Halldórssonar var afhjúpuð við Bæj-
arbíó í Hafnarfirði í júlímánuði. Tiltækið var að fyrirmynd Walk of
Fame í Hollywood og var síðar ákveðið að taka stjörnuna niður þar
sem þarlendum þótti farið allnærri skrásettum vörumerkjum sínum.
Morgunblaðið/Árni Sæberg
Björgvin fékk stjörnu
FRÉTTAMYNDIR AF INNLENDUM VETTVANGI
Morgunblaðið/Eggert
Viðbúnaður
varaforsetans
vekur athygli
Bandarísk stjórnvöld sýndu þróun mála hér
á landi aukinn áhuga á árinu, og heimsóttu
bæði Mike Pompeo, utanríkisráðherra
Bandaríkjanna, og Mike Pence varaforseti
landið. Í heimsókn Pence til Höfða í
septembermánuði vakti öryggisviðbúnaður-
inn einna mesta athygli, en leyniskyttur
tóku sér stöðu við nærliggjandi hús, auk
þess sem bæði bandarísk og hérlend yfir-
völd lögðu mikla áherslu á að allt færi vel
fram.
Þessi álft vakti athygli í vor en
hún hafði fest gogginn í áldós.
Álftin dvaldist við Urriðakotsvatn
og var þeim tilmælum beint til
fólks að reyna ekki að fanga
hana sjálft.
Björgunarleiðangur var gerður
út í upphafi marsmánaðar, en þá
var álftin aðframkomin og hafði
lagst niður til þess að deyja.
Gekk vel að bjarga henni og var
álftin flutt í Húsdýragarðinn, þar
sem dósin var fjarlægð og hug-
að að sárum á goggnum.
Morgunblaðið/Kristinn Magnússon
Álft festi
gogginn
í áldós