Morgunblaðið - 28.12.2019, Blaðsíða 53

ingu. Ég er þó bjartsýnismaður og sagan hefur
sýnt okkur að ný tækni hefur þegar á heildina
er litið verið ótrúlega góð fyrir samfélagið á
mælikvarða framleiðni, vellíðunar og jafnræðis.
Það mikilvægasta sem við getum gert til að
taka á þessari spurningu er að beita gervi-
greind þannig að það leysi raunveruleg vanda-
mál í lífi viðskiptavina. Hagnýt dagleg notkun
gervigreindar mun hjálpa fólki að sjá að um er
að ræða áþreifanlegt jákvætt afl, frekar en af-
strakt uggvænlegt fyrirbæri. Við ættum að
koma saman í greininni til að skilgreina staðla
og stjórntæki, sem tryggja að þessi algrím séu
laus við skekkju, samin með persónuvernd í
huga og notuð þannig að viðskiptavinurinn
gangi fyrir.
Sebastian Thun
framkvæmdastjóri Kitty Hawk.
Við þurfum að tala saman. Tæknigeirinn get-
ur þróað tækni, en samfélagið allt þarf að kom-
ast að niðurstöðu um hvernig rétt sé að nota
þessa tækni. Stjórnvöld skipta máli sem og
regluverðir, óopinberar stofnanir, stéttarfélög
og vinnandi fólk. Eftir því sem við ræðum þetta
með opinskárri hætti verðum við betur í stakk
búin til að taka réttar ákvarðanir.
Hver ætti að bera ábyrgð á að endur-
mennta starfsfólk, sem missir vinnuna
vegna gervigreindar eða annars konar
sjálfvirkni?
Bridget van Kralingen
yfirvaraforseti IBM.
Skilvirkasta leiðin til að brúa færnigjána er
að efna til nýsköpunarsamstarfs milli stjórn-
valda, fyrirtækja og menntastofnana. IBM hef-
ur til dæmis breytt grundvallarnálgun sinni í
ráðningum til að gera ráð fyrir hinni nýju teg-
und starfa, sem krefjast ekki fjögurra ára há-
skólagöngu, heldur verknáms til að ávinna sér
tæknikunnáttu. Þótt tækni eins og gervigreind
breyti öllum störfum í öllum greinum jafngildir
það ekki því að allir vinnandi menn missi vinn-
una. Það þýðir að öll fyrirtæki og sérfræðingar
þurfa að tileinka sér hugarfar til að takast á við
breytingar.
John Donovan
framkvæmdastjóri AT&T Communications.
Starfsfólk okkar þarf nýja færni vegna þess
að tæknin hefur endurmótað margt af því sem
við gerum hjá AT&T. Þess vegna öxluðum við
ábyrgð og mættum þessari áskorun innan
fyrirtækisins. Með samstarfi við aðra erum við
komin með mikið bolmagn til að endurþjálfa
næstum 270 þúsund starfsmenn, sem vinna hjá
okkur. Frá 2016 hafa þeir farið í fimm milljón
færnibreytinganámskeið. Í fyrra réðum við fólk
innan úr fyrirtækinu í 68% af stjórnunarstöðum
í tækni- og vinnsludeildum okkar. Við gerum
okkur líka grein fyrir að þetta er stærra í snið-
um en AT&T. Því ætlum við að deila því, sem
vel hefur tekist hjá okkur, og vinna bæði með
opinbera geiranum og einkafyrirtækjum og
halda áfram að vera virk í umræðunni um störf
framtíðarinnar.
Ef þú mættir gefa nýlega útskrifuðum
háskólanema á leið á vinnumarkaðinn
eitt ráð, hvað myndir þú ráðleggja hon-
um?
Jeremy King
varaforseti og tæknistjóri Walmart.
Þetta er auðvelt: Ekki þrýsta á um að komast
í stjórnunarstöðu of hratt. Það er mikilvægt að
ná valdi á sínu fagi og það er mun brýnna að ná
í góða reynslu. Ég hef séð svo marga tækni-
menn stökkva í leiðtogastöðu of snemma á ferl-
inum og fyrir vikið geta þeir ekki farið á dýpt-
ina í tæknimálunum, sem þeir veita forystu, og
eru ekki einu sinni þjálfaðir til þess í sumum til-
fellum — og það kemur með tíma og reynslu.
Ef þú værir 18 ára og að útskrifast úr
menntaskóla núna, hvað myndir þú
gera til að verða eins vænlegur ráðn-
ingarkostur og mögulegt er?
Cindy Mi
stofnandi og framkvæmdastjóri VIPKid.
Ég vona að stúdentar í dag þroski með sér al-
þjóðlegt hugarfar og ástríðu fyrir að læra allt
sitt líf. Þeir ættu að leita tækifæra til að tengj-
ast fólki um allan heim og skilja að um leið og
heimurinn hefur skroppið saman fyrir til-
verknað tækninnar eru möguleikarnir til að
læra af fólki og öðrum menningarheimum orðn-
ir þeim mun miklu meiri. Hjá VIPKid erum við
þeirrar hyggju að börnin muni verða veraldar-
borgarar og hafa áhrif út fyrir sín landamæri
þegar þau fá aðgang að sérsniðnu námi og
ástríðufullum kennurum sem munu hjálpa þeim
að tileinka sér þetta hnattræna hugarfar.
Evan Spiegel
meðstofnandi og forstjóri Snap Inc.
Mér finnst að það mikilvæga, sem við getum
gert, sé að virkja sköpunargáfuna. Þegar við
komumst yfir óttann við að tjá okkur og hug-
myndir okkar er allt mögulegt!
Lawrence H. Summers
Charles W. Eliot-prófessor og heiðursforseti
við Harvard-háskóla, 71. fjármálaráðherra
Bandaríkjanna.
Ég trúi að getan til að höndla, skilja, greina,
safna og slípa upplýsingar af öllum toga muni
verða lykillinn að árangri einstaklinga og stofn-
ana á 21. öldinni. Það er fráleitt að mennta-
skólanemum sé kennd hornafræði, en ekki töl-
fræði, og eðlisvísindi, en ekki félagsvísindi.
Forritun er mikilvæg, en skilningur á meðferð
upplýsinga er ástæðan fyrir því að forritun er
enn mikilvægari.
© 2019 The New York Times Syndicate. Á vegum
The New York Times Licensing Group.
John Hersey
Meredith Whittaker frá AI Now Institute (t.v.) og Tristan Harris frá Center for Humane Technology ræða raffíkn á ráðstefnunni New Work Summit í
Half Moon Bay í Kaliforníu 26. febrúar. Á fundinum kom fram fjöldi frammámanna í viðskiptum og rekstri og ræddi áhrif gervigreindar.
Mike Cohen/The New York Times
MORGUNBLAÐIÐ TÍMAMÓT 29. 12. 2019 53