Fréttablaðið - 28.12.2019, Blaðsíða 30

Nýtt ár er á næsta leiti og þá hyggjast eflaust margir hefja nýtt líf hreyfingar og
hreysti. Líkamsræktarstöðvar
landsins fyllast af geiglausum
gestum staðráðnum í að bæta upp
fyrir syndugt letilífið sem fylgir
oftar en ekki hátíðunum. En þegar
fólk ætlar að taka sig á og komast
aftur í gang er að mörgu að huga og
betra að stíga varlega til jarðar. Að
sögn Bjarkar Bogadóttur, íþrótta-
og heilsufræðings hjá Heilsuborg,
er mikilvægt að fara ekki of geyst
af stað og setja sér hófstillt mark-
mið.
„Ég tel að mikilvægt sé að hver
og einn fari aftur af stað í hreyf-
ingu á sínum hraða og í takt við þá
hreyfingu sem viðkomandi hefur
stundað áður,“ segir Björk. „Það
getur verið gott að taka pásu inn á
milli og muna að njóta, sérstaklega
yfir hátíðirnar.“
Hún segir að málið snúist um
að tileinka sér ákveðið hugarfar.
„Heilsuhreysti er lífsstíll en ekki
átaksverkefni og vegna þess skilar
það oftar en ekki árangri að fara
rólega af stað og á sínum eigin for-
sendum. Auðvelt er að verða fyrir
álagsmeiðslum ef farið er of geyst
af stað. Líkaminn þarf að venjast
álaginu og byggja upp styrk og
þol sem tekur tíma. Því er mikil-
vægt að fara rólega af stað og enn
mikilvægara að hver og einn velji
sér hreyfingu sem þeim finnst
skemmtileg,“ segir Björk.
Aðspurð segir hún strengingu
áramótaheita ekkert endilega
bestu leiðina til að komast aftur í
gang. „Ég er persónulega ekki hrif-
in af áramótaheitum, mér finnst
þau búa til óþarfa álag. Vissulega
geta þau virkað fyrir suma en
persónulega myndi ég mæla með
markmiðasetningu,“ útskýrir hún.
„Að setja sér markmið er auðvelt
en það getur verið erfiðara að
fylgja þeim eftir. Skammtíma- og
langtímamarkmið hafa reynst
mér vel. Til dæmis hef ég sett mér
vikuleg skammtímamarkmið
en langtímamarkmiðin eru oft
mánuður, mánuðir eða ár. Þannig
finnst mér auðveldara að hafa
góða yfirsýn yfir framfarir.“
Þannig er engin töfralausn í
boði fyrir fólk sem vill komast
aftur í form og lifa heilsusamlegu
lífi. „Hvort sem markmiðið er að
léttast, styrkjast eða þyngjast þá er
heilsan ekki átaksverkefni heldur
lífsstíll sem þarf að vinna markvisst
að. Mikilvægt er að brosa yfir litlu
sigrunum og taka eitt skref í einu.
Þetta þarf líka að vera hreyfing sem
hver og einn treystir sér til,“ segir
Björk.
„Ef heilsan og líkaminn leyfir er
gott að stunda hreyfingu reglulega.
Hvort sem það er ræktin eða bara
göngutúr þrisvar sinnum í viku er
mikilvægt að hafa á bak við eyrað
að mæting er bæting og hún færir
okkur skrefi nær heilsusamlegra
lífi,“ heldur hún áfram. „Mér finnst
þolinmæðin oft vanmetin þegar
fólk fer af stað í hreyfingu.“
Þolinmæðin oft vanmetin
Margir fara eflaust að huga að því að koma sér í form á nýju ári eftir sukk um hátíðarnar. Björk
Bogadóttir, íþrótta- og heilsufræðingur, var spurð hvernig best sé að komast af stað í hreyfingu.
Björk segir áramótaheitin oft búa til óþarfa álag. Betra sé að setja sér hófstillt markmið. FRÉTTABLAÐIÐ/ANTON BRINK
Ef heilsan og líkam-
inn leyfir er gott að
stunda hreyfingu reglu-
lega. Hvort sem það er
ræktin eða bara göngutúr
þrisvar sinnum í viku.
OSSUR.IS
ÖSSUR VERSLUN & ÞJÓNUSTA
Grjóthálsi 1-3 | S. 515 1300
Opið virka daga | kl. 8.30-16
SPENNANDI
NÝJUNGAR
FRÁ ÖSSURI
4 KYNNINGARBLAÐ 2 8 . D E S E M B E R 2 0 1 9 L AU G A R DAG U RHEILSA