Fréttablaðið - 28.12.2019, Blaðsíða 33

Árið 2020 leggst mjög vel í mig. Mín bíða vafalaust skemmtileg ævintýr og ég
mun nota það sem ég hef þegar
lært til að skora á sjálfa mig að vaxa
enn frekar,“ segir einkaþjálfarinn,
dansarinn og ástríðukokkurinn
Yesmine Olsson.
Komin eru tíu ár síðan Yesmine
venti sínu kvæði í kross og sneri sér
að því að breiða út fagnaðarerindi
framandi og freistandi matargerðar
frá Indlandi, þar sem áherslan var
á hreinan, litríkan og heilnæman
kost.
„Ég hef þá trú að stundum þurfi
maður að taka eitt skref til baka til
að sjá hverju maður hefur áorkað
og til að verða þess áskynja hvað
maður vill gera í framhaldinu. Ég
held að árið 2019 hafi verið það ár
fyrir mig. Á nýárinu stefni ég að
því halda upp á allt sem ég gerði á
síðastliðnum áratug og hver veit
nema ég haldi afmælismatreiðslu­
námskeið, gefi út nýja matreiðslu­
bók og ég vonast til að komast aftur
í sjónvarpið að elda; allt í tilefni
þess að ég hef verið viðloðandi mat­
reiðslu í áratug.“
Fann sig aftur í einkaþjálfun
Áður en Yesmine fór að daðra
vítt og breitt við matarmenningu
starfaði hún sem dansari og við
einkaþjálfun í fimmtán ár.
„En áður en ég flutti til Íslands
vann ég sem danshöfundur og
einkaþjálfari á tónlistarferðalögum
og er með sérstöðu í að þjálfa fólk
fyrir sviðsframkomu,“ útskýrir
Yesmine sem meðal annars vann
fyrir Backstreet Boys.
Það var svo fyrir um þremur
árum að hún sneri óvænt aftur í
einkaþjálfun.
„Mér barst fyrirspurn sem ég
hvorki gat né vildi hafna. Ég hafði
ekki ætlað mér að vinna aftur sem
einkaþjálfari og var pínu hrædd að
snúa aftur í gamla djobbið í stað
þess að gera eitthvað nýtt. Þá fann
ég hversu ótrúlega gaman er að vera
einkaþjálfari eða hópþjálfari sem
ég er líka í dag, og að geta hjálpað
fólki að ná markmiðum sínum. Það
er ótrúlega gefandi. Ég er afskaplega
heppin með kúnna sem gerir starf­
ið einstaklega skemmtilegt og fann
að ég hafði saknað einkaþjálfunar­
innar. Mér fannst líka gaman að
sjá hvernig líkamsræktarmenning
Íslendinga hefur breyst því þegar
ég starfaði við einkaþjálfun á árum
áður var bara ákveðinn hópur sem
stundaði ræktina að staðaldri en
nú hefur bæst við allur aldur og
alls konar fólk sem hefur fundið
sína fjöl í ræktinni því svo margt
nýtt og spennandi hefur bæst við í
tækjum, tímum og áherslum,“ segir
Yesmine.
Sænskur trampólínmeistari
Yesmine vinnur við einkaþjálfun
hjá World Class en líka í ýmsu
matartengdu inn á milli. „Morgun­
stund gefur gull í mund og mér
þykir gott að taka daginn snemma.
Því er ég vöknuð og byrjuð að
þjálfa klukkan 6.30. Þegar ég var
yngri þótti mér lítið mál að vakna
snemma og sofna seint en það
hefur breyst og nú fer ég fyrr í
háttinn,“ segir Yesmine sem sjálf
æfir stíft.
„Ég hef alltaf æft mikið, hef
gaman af því og finn hvað það gerir
mér gott. Ég er með sterkan íþrótta­
bakgrunn, var sænskur meistari á
trampólíni og æfði fótbolta í átta
ár samhliða dansinum. Í fimm ár
var ég eina stelpan í fótboltaflokki
drengja, fékk aldrei boltann og
þurfti að ná honum ein til að fá að
spila með. Ég var því komin með
ágætis grunn þegar ég fór að æfa
með stelpunum,“ segir Yesmine og
hlær að minningunni.
Það var svo í gegnum þýska
skíðakappann Rudi Zangerl sem
Yesmine fór að hoppa á trampólíni.
„Rudi flutti í hverfið okkar og
þar sá ég hausinn á honum skjótast
reglulega upp fyrir trjátoppana
þegar hann var að hoppa á skíðum
á trampólíninu. Ég fór því í tramp­
ólín­ og skíðakennslu til Rudi og
með honum utan til keppni enda
var hann mega skíðagarpur. Síðan
hef ég verið forfallin skíðakona og
förum við fjölskyldan með skíðin í
Bláfjöll þegar tækifæri gefst,“ segir
Yesmine.
Feel Iceland lagaði magann
Yesmine er í hörkuformi, hugsar
vel um heilsuna og tekur inn
kollagen frá Feel Iceland.
„Ég mæli heils hugar með kolla­
geni sem náttúrulegu prótíni því
kollagen fyrirfinnst í líkama okkar
og er okkar helsta byggingar­ og
viðhaldsefni. Ég hef verið lengi í
heilsubransanum og notaði alls­
kyns prótín áður en ég eignaðist
börnin en minna eftir barn­
eignirnar. Þegar Feel Iceland kom
með kollagen á markað ákvað ég
strax að prófa enda er það hágæða,
náttúruleg afurð sem unnin er úr
hreinu, íslensku sjávarfangi,“ segir
Yesmine og árangurinn lét ekki á
sér standa.
„Það fara margar sögur af því
hversu góð áhrif kollagenið hefur á
hár, húð, neglur og liði, en það sem
kom mér mest á óvart var
hversu góð áhrif kolla­
genið hefur á meltingu og
maga. Ég hafði lengi verið
með magavesen en fór
að líða svo miklu betur
eftir að ég fór að taka inn
Feel Iceland kollagenið.
Mér finnst ekki nóg talað
um þennan ávinning
kollagens fyrir heilsuna
en mæli með að fólk með
óþægindi í maga lesi sér
til og prófi Feel Iceland
kollagenið því það gæti
mögulega hjálpað svo
mörgum öðrum sem
glíma við magaóþæg­
indi.“
Yesmine tekur daglega
inn einn skammt af kolla­
gen­dufti sem hún hrærir
stundum út í þeytinga en
oftar en ekki út í vatn.
„Þegar ég er á hraðferð
Yesmine Olsson segist hafa orðið undrandi yfir góðum áhrifum kollagens á líðan í maga. FRÉTTABLAÐIÐ/STEFÁN
Ekki nóg talað um ávinning
kollagens fyrir heilsuna
tek ég kollagen í vatni því mér
finnst mikilvægt að taka það inn
daglega. Ég finn svo margvíslegan
mun og féll auðvitað fyrir kollagen­
inu þegar það gerði mér svo gott í
maga,“ segir Yesmine sem eins og
margir finnur líka mun á því hvað
hár og neglur vaxa hratt.
„Margir af þeim sem ég þjálfa
nota kollagen frá Feel Iceland.
Við eigum það sameiginlegt að
líða óskaplega vel og finna hvað
kollagenið gerir okkur gott við
vöðvauppbyggingu, endurheimt,
liðheilsu og meltingu. Þegar fólk
eldist þarf það að passa vel upp á
sig og þegar kollagenbirgðir líkam­
ans þverra gerir það líkamanum
gott að bæta við inntöku náttúru­
legs gæðakollagens úr íslensku
sjávarfangi,“ segir Yesmine.
Hleður batteríin í sjó
Undanfarin þrettán ár hefur Yesm­
ine búið með eiginmanni sínum
og börnum í Norðlingaholtinu og
þegar nýja árið gengur í garð flytja
þau sig um set í sama hverfi.
„Við viljum hvergi
annars staðar vera.
Hér höfum við fagra
náttúru Heiðmerkur
og Elliðavatns í tún­
fætinum, og örstutt er
yfir í Bláfjöll og austur
í sveit til hestanna,“
segir Yesmine sem
er dugleg að nota
náttúruna í kring til
heilsueflingar og úti­
sports.
„Mér finnst hug­
leiðsla einstök leið
til einbeitingar og
best til þess fallin að
fara út í náttúruna,
án þess að vera með
tónlist eða útvarp í eyrunum, því
þá fer hugurinn annað í stað þess
að hlusta á umhverfið og heyra í
sinni eigin rödd. Það finnst mér
langbesta endurhleðslan,“ segir
Yesmine, hreysti og fegurðin upp­
máluð.
„Ég er orkumikil að eðlisfari en
reyni nú að hafa stjórn á orkunni
og vil beina henni í réttan farveg.
Maðurinn minn dró mig í sjósund
og þótt ég sé ekki mikil sundkona
finnst mér fátt betra en að henda
mér út í ískaldan sjóinn, ein míns
liðs og endurhlaða orkuna og
hvern einasta vöðva líkamans, því
það gerir það svo sannarlega.“
Um áramót kveður Yesmine
gamla árið með gómsætum mat og
drykk í góðra vina hópi.
„Yfir hátíðarnar elda ég mikið
af alls kyns góðgæti og við njótum
matarins í botn. Ég var með önd í
jólamatinn og neita mér ekki um
neitt af veisluborðinu, elska bragð­
mikið sveitahangikjötið en passa
að allt sé í hófi og ég vel alltaf vel
og hlusta á hvað líkaminn vill og
fílar.“
Feel Iceland-vörurnar fást meðal
annars á eftirfarandi stöðum:
Lyfja, Heilsuhúsið, Lyf og heilsa,
Hagkaup, Fjarðarkaup, Apótekar-
inn, Fríhöfnin og Jurtaapótekið.
Dansarinn, einkaþjálfarinn og ástríðu-
kokkurinn Yesmine Olsson er jafnvíg
á skíði, trampólín, hesta, sjósund,
dans og líkamsþjálfun. Hún notar
kollagen frá Feel Iceland sér til alhliða
heilsubótar.
KYNNINGARBLAÐ 7 L AU G A R DAG U R 2 8 . D E S E M B E R 2 0 1 9 HEILSA