Fréttablaðið - 28.12.2019, Blaðsíða 34

Sandra Guðrún
Guðmundsdóttir
sandragudrun@frettabladid.is
Ég leyfi mér allt. Það er ekkert bannað í mínum bókum,“ segir Helga. „En ég passa vel
magnið sem ég set ofan í mig. Ég fæ
mér jólaöl og konfekt og allt sem ég
vil, en bara minna af því og meira
af grænmeti, ávöxtum, heilkorna-
brauði, baunum, hnetum og fiski.
Ég tek einnig oft með mér nesti
út í daginn, ég á alltaf til lífræn
hindber í frystinum, ég set þau í
ílát með haframjöli, kókosflögum,
chia-fræjum og möndlumjólk út
á. Þetta tekur um eina mínútu að
framkvæma og síðan set ég þetta
inn í ísskáp um kvöldið og um
morguninn er nestið tilbúið. Þá get
ég fengið mér holla og góða fæðu
þegar ég er svöng en er ekki að bíða
þar til ég er orðin of svöng og leita í
fæðu sem hækkar sykurstuðulinn
hraðar.“
Gott ráð að fara fyrr að sofa
Helga ráðleggur fólki sem ætlar
að setja sér markmið varðandi
heilsuna á nýju ári að byrja á ein-
hverju sem er einfalt að halda út í
lengri tíma. „Mjög gott og einfalt
heilsuráð er að byrja á því að fara
fyrr að sofa. Þegar við sofum er
líkaminn að jafna sig eftir daginn
og gera sig tilbúinn í næsta dag.
Nýmyndun frumna eykst og
kortisólmagn, sem er streituhorm-
ónið, minnkar og leptín, seddu-
hormónið, eykst. Líkaminn er í
raun að gera við sig og því hefur
það bæði jákvæð áhrif á líkamlega
og andlega heilsu okkar að sofa
vel,“ segir Helga. „Einnig þekkjum
við það þegar við sofum illa að
þá leitum við jafnan frekar í mat
sem gefur okkur snögga orku og
hækkar blóðsykurinn hratt og
fáum okkur kannski sykurdjús og
kex í morgunmat í staðinn fyrir
heilkornabrauð með banana og
vatnsglas. Einnig hreyfum við
okkur minna ef við erum ekki
hvíld og því hefur þetta keðju-
verkandi áhrif.“
Varðandi mataræðið er fyrsta
ráðleggingin sem Helga gefur
fólki að taka sykrað gos af inn-
kaupalistanum. Bæði er það dýrt
fyrir budduna og fólk geldur fyrir
það með heilsunni. „Þú græðir í
rauninni tvöfalt með því að taka út
gosið,“ segir Helga.
Lífsstíll Helgu snýst um vellíðan.
Hún hreyfir sig mikið því þá líður
henni betur. Henni finnst gaman
að vera hraust og geta gert það sem
hún vill af því hún hefur líkam-
lega burði til þess. „Ég get farið upp
Esjuna og ég get farið í fótbolta
með krökkunum. Líkami minn er
ekki að hamla mér. Það er mjög góð
tilfinning og það er þess vegna sem
ég þjálfa líkama minn og hugsa vel
um hann. Hreyfing lengir lífið, svo
einfalt er það.“
Fjallar um heilsu í sjónvarpi
Helga er hjúkrunarfræðingur að
mennt, en hún lauk einnig MA-
gráðu í blaða- og fréttamennsku því
hana langaði að búa til heilsuþætti.
„Ég hef mikinn áhuga á heilsu og
veit fullvel hvað hún skiptir miklu
máli. Ég byrjaði með þáttaseríu á
Hringbraut sem heitir Líkaminn og
gerði síðan Hugarfar í fyrravetur.
Báðir þættirnir snúa að heilsu og
lífsstíl. Nú er ég að gera 12 þátta
seríu í samstarfi við Heilsugæslu
höfuðborgarsvæðisins sem er alger
draumur fyrir mig,“ segir Helga.
Margir heilbrigðisstarfsmenn
koma að þáttunum og Helga segir
það mjög gaman að kynnast starf-
semi heilsugæslunnar en þjónusta
hennar er mjög fjölbreytt. „Það
geta allir sent á mig hugmyndir
að umræðuefni en ég hef nú þegar
svarað nokkrum spurningum
í þáttunum. Við höldum áfram
með þættina eftir áramót en eftir
það stefni ég á það að gera aðra
þáttaröð af Hugarfari. Ég held bara
áfram á minni heilsubraut, þar á ég
heima og það er nóg sem ég á eftir
að fjalla um.“
Hreyfing
lengir lífið
Helga María Guðmundsdóttir, hjúkr-
unarfræðingur og dagskrárgerðar-
kona, er alltaf með heilsuna á bak við
eyrað sama hvaða mánuður er.
Helga María leggur áherslu á heilbrigt líferni en leyfir sér þó óhollustu í hófi.
JÚLÍA SIF OG HELGA MARÍA TÖFRA HÉR FRAM
ALLA UPPÁHALDSRÉTTINA ÞÍNA Í VEGAN ÚTFÆRSLUwww.bokabeitan.is
YFIR
100
uppskriftir
FYRIR ÖLL
TILEFNI
8 KYNNINGARBLAÐ 2 8 . D E S E M B E R 2 0 1 9 L AU G A R DAG U RHEILSA