Fréttablaðið - 28.12.2019, Page 88

Dreifing dreifing@postdreifing.is
Ef blaðið berst ekki 800 1177
Við segjum fréttir Smáauglýsingasíminn og skiptiborð 550 5000
Ritstjórn 550 5070 ritstjorn@frettabladid.is Auglýsingadeild 550 5050 auglysingar@frettabladid.is Prentun Torg. ehf
mest lesna dagblað landsins.
ÞÚ GETUR NÁLGAST FRÍTT EINTAK AF
FRÉTTABLAÐINU VÍÐSVEGAR UM LANDIÐ.

Óskir þú eftir því að fá blaðið í áskrift, hafðu samband við Póstdreifingu.
Péturs
Blöndal
BAKÞANKAR
Ljóðið er dautt listform og vitið uppurið,“ syngur Hatari. Ekki þarf annað en að hlýða á texta
sveitarinnar til að finna að þetta
eru öfugmæli.
Hversu oft hefur ekki verið spáð
endalokum ljóðsins, það dáið
drottni sínum og risið upp aftur?
Óhætt er að segja að lífsmarkið
sé vel greinilegt þessi jólin. Það
hreinlega rignir ljóðabókum ungra
skálda.
Kannski er ekki langt að leita
skýringa. Statusar á fésbók og
Twitt er eru í raun prósi í afmark­
aðri lengd – á samfélagsmiðlaformi.
Þar liggja rætur ljóðsins í frjórri
mold.
Í tímaritinu Lífi og list í október
1950 var slegið upp tilvitnun í Stein
Steinarr á forsíðu: „Hið hefðbundna
ljóðform er nú loksins dautt.“
Það gleymdist að láta Hannes
Pétursson vita sem sendi frá sér
Kvæði fimm árum síðar og skipaði
sér þegar á bekk með þjóðskáldum.
Nýverið heyrði ég í heimahúsi
frumflutning á lagi Högna í Hjalta­
lín. Hann var inspíreraður af þjóð­
skáldinu Davíð Stefánssyni eftir
dvöl í Davíðshúsi og mátti kenna
það á kveðskapnum.
Ljóð ungra skálda eru þó meira
í anda Jóns Thoroddsen sem
sprengdi upp ljóðformið með
Flugum árið 1922. Ég fékk að glugga
í glósur hjá ungri og mælskri versl­
unarskólamey fyrir jólapróf og
fannst gaman að rekast þar á kafla
um Jón:
„Árið er 1922. Þú ert í röð á B5 því
Johnny Thoroddsen var mættur að
lesa nýju ljóðabókina sína. Þú varst
búin að heyra nokkur unreleased
ljóð úr henni því Dóri Laxness var
góður félagi úr Lærða skólanum.
Það voru rumours um að bókin
yrði banger en þetta var fyrsta
íslenska ljóðabókin sem hefur ein­
göngu að geyma prósaljóð.“
Það er engu að kvíða. Sögur af
andláti ljóðsins eru stórlega ýktar.
Er ljóðið dautt?
FRÍTT KAFFI
Í DESEMBER
Skúbb ísgerð
Laugarásvegi 1 • 104 Reykjavík
Ístertur