Hugur og hönd - 01.06.1981, Side 19

sýnishorn úr nýrri bók h.í. um vettlinga
í tilefni af 30 ára afmæli Heimilisiðnað-
arfélagsins gefur félagið út bók, Tví-
bandaðir vettlingar. Þetta eru uppskriftir
af ýmsum vettlingum, sem eru í safni fé-
lagsins og hefir Kristín Jónsdóttir handa-
vinnukennari unnið bókina. Bókin er til
sölu í íslenzkum heimilisiðnaði, Lauf-
ásvegi 2 og Hafnarstræti 3.
vettlingar úr borgarfirði
Upprunaleg fyrirmynd prjónuð úr tvinnuðu
fínu þelbandi, unnin af Ólöfu Elíasdóttur,
húsfreyju að Stóru-Fellsöxl, Borgarfirði.
Efni: tvinnað band cða kambgarn, um 50 g
af aðallit og 25 g af hvorum munsturlit. Vett-
lingarnir á myndinni eru prjónaðir úr
tvinnuðu bandi, mórauðu no 31, hvítu no 32,
sauðsvörtu no 28.
Stærð vettlinga úr bandi: lengd 28 cm, vídd
9 cm.
Prjónafesta tvinnað band: 13 lykkjur = 4 cm
14 umf. = 4 cm
Prjónar fyrir tvinnað band: no 2Vi í stuðla-
bekk og no 3 í belg. Prjónar fyrir kambgarn:
no 2 í stuðlabekk og no 2Vi í belg.
Lykkjufjöldi: fitjið upp 48 lykkjur á prjóna
no 2>/2 ( 2 ) og prjónið stuðlabekk 7 til 8 cm
langan á eftirfarandi hátt: 3 sléttar, 1 brugð-
in, 1 slétt, 1 brugðin, þetta endurtekið alla
umferðina. I fyrstu sléttu umferð er aukið í
12 lykkjum með jöfnu millibili, þá eru 60
lykkjur á. Prjónið eftir teikningu, sem er les-
in frá hægri til vinstri fyrir hægrihandar vett-
ling, en frá vinstri til hægri fyrir vinstrihand-
ar vettling. Eftir 19. umferð er prjónað í 12
lykkjur fyrir þumli.
Úrtaka: tekið er úr á mótum 2. og 3. prjóns
og 4. og 1. prjóns á eftirfarandi hátt: prjónið
þar til 1 lykkja er eftir á 2. prjóni, takið
hana af óprjónaða, prjónið saman tvær
fyrstu Iykkjur á 3. prjóni, steypið nú
lykkjunni, sem tekin var af óprjónuð, yfir,
sú lykkja sett aftur á 2. prjón. Prjónið þar
til ein lykkja er eftir á 4. prjóni og farið að
eins og lýst var að framan.
Þumall: Sprettið endanum úr, setjið þumal-
lykkjurnar á 3 prjóna, prjónið 2 til 3 lykkjur
upp í hvoru viki, svo ekki komi gat. Verði
lykkjur of margar er aftur tekið úr við vikin.
Prjónið þumal eftir teikningu. Gangið vel frá
öllum lausum endum á röngu. Þvoið vett-
lingana úr volgu. mildu sápuvatni. Sléttið þá
vandlega á handklæði og látið þorna.
HUGUR OG HOND
19