Gríma - 01.09.1938, Qupperneq 36

3.
Reynistaðarbrenna.
[Handrit Oskars Clausens sagnaritara].
Halldór Brynjólfsson var biskup á Hólum 1746—
1752. Kona hans var Þóra dóttir Björns prófasts í
Görðum á Álftanesi. Halldór biskup hafði orðið mjög
veikur á árinu 1752, fengið meinsemd í munninn og
tunguna, sem eflaust hefur verið krabbamein. Hann
fór því utan um haustið sér til lækninga, en dó á út-
leið á Eyrarsundi. — Hann var jarðaður með mikilli
viðhöfn frá Frúarkirkju. —
Eftir dauða biskups afhenti frú Þóra Hólastað í
hendur eftirmanns hans, Gísla biskups Magnússon-
ar, og flutti frá staðnum. Henni var þá veitt umboð
Reynistaðarklausturs, og settist hún að á Reynistað.
Það þótti nýlunda, að konu skyldi vera veitt svo
umfangsmikið ábyrgðarstarf, en biskupsfrú Þóra var
skörungur mikill og fórst það vel í hendi. — Hún
sat hinn fornfræga stað með miklum höfðingsskap,
enda var hún auðug kona. Hjá henni voru 40 manns
í heimili, og alltaf hafði hún jafnmargar kýr og
heimilismennirnir voru, því að hún vildi að fólki
sínu liði vel. — Hjá hefðarfólki á þeim tímum var
oft margt frændfólk húsbændanna og aðrir skjól-
stæðingar, sem þar voru í guðsþakkarskyni, og þann-
ig var það hjá biskupsfrú Þóru. — Þar voru stofu-