Bændablaðið - 16.11.2017, Blaðsíða 18

18 Bændablaðið | Fimmtudagur 16. nóvember 2017
Draumey frá Bólstað er folald sumarsins 2017
HROSS&HESTAMENNSKA
Nú útnefnir Bændablaðið í þriðja
sinn folald sumarsins. Þetta er
leikur okkar að því að gera sögur
af folöldum eða fegurð folalda
fleirum kunn en bara eigendum
og nánustu aðstendendum.
Folöld eru heillandi dýr sem
hrífa bæði unga og aldna. Sum
þeirra verða gjarnan uppáhaldsgripir
eigenda sinna einhverra hluta
vegna, fegurðar, skapgæða,
fjörs, vináttutengsla, einstakrar
uppvaxtarsögu eða einhvers annars
sem greinir þau frá restinni.
Fjórar tilnefningar
Að þessu sinni bárust 4 tilnefningar.
Það finnst okkur vera lítil þátttaka og
hvetjum fólk til að gera betur næst.
Folöldin sem tilnefnd voru eru,
talin í stafrófsröð:
Draumey frá Búlandi
Draumey frá Búlandi í Austur-
Landeyjum í Rangárvallasýslu.
Draumey, IS2017284341, er
bleikstjörnótt dóttir Laggar frá
Bólstað sem er bleikálótt og Fengs
frá sama bæ sem er brúnblesóttur.
Draumey er tilnefnd vega
sjúkdómssögu hennar sem leiddi
til óvenjulega sterkrar vináttu á
milli hennar og eigandans, Maríu
Svavarsdóttur.
Hneta frá Miðju
Hneta frá Miðju (Miðja er ræktunar-
nafn en ekki bæjarnafn). Hneta,
IS2017201121, er jarpskjótt og
nösótt undan Lífs-Auði frá Miðju
sem er brún og Hákoni frá Ragn-
heiðar stöðum sem er rauð skjóttur.
Megin sérkenni Hnetu er hvítur
b l e t t u r
ofan annars
augans og
smáarða hvít
neðan þess
líka, rétt eins
og kannski
hafi átt að
verða svona óvenjulega staðsett
stjarna, akkúrat þar sem augað er,
sjá meðfylgjandi mynd.
Köggur frá Ríp
Köggur frá Ríp á Hegranesi í
Skagafirði. Köggur, IS2017157012,
er rauðstjörnóttur sonur Aþenu frá
Ríb sem er rauðblesótt og Elds frá
Ríp, sem er rauður tvístjörnóttur.
Köggur er vetrarfolald og alinn
upp innanhúss í upphafi þar sem
mikil vinátta skapaðist með honum
og fjögurra ára gömlum syni
eigendanna, Þórði Braga, eins og
sést á meðfylgjandi mynd.
Salka frá Syðri-Reykjum
Salka frá Syðri-Reykjum í Miðfirði
í Vestur-Húnavatnssýslu. Salka,
IS2017255512, er leirljós á lit undan
Veru frá Syðri-Reykjum sem er brún
og Besta frá Upphafi sem er leirljós.
Salka var enn í líknarbelgnum þegar
Vigdís Alfa, fimm ára stúlka, og
amma hennar, Gerður Salóme, komu
á vettvang, eins og meðfylgjandi
mynd sýnir.
Það má benda á þá staðreynd í
þessu sambandi að þessi folöld eiga
heima í hrossflestu sýslum landsins,
þegar Hnetu er sleppt. Þetta þarf
náttúrlega ekki að koma á óvart en
er samt líklega hrein tilviljun, því
folöldin eru tilnefnd samkvæmt mati
manna en ekki einhverju úrtaki úr
hrossastofninum.
Draumey útnefnt folald
sumarsins 2017
Útnefninguna folald sumarsins
2017 hlýtur Draumey frá Bólstað.
Þar sem þetta er bara leikur
okkar, kastar það engri rýrð
á hin folöldin. Öll hefðu þau
getað hlotið útnefningu, en hún
er samt bundin við aðeins eitt
folald hverju sinni eðli málsins
samkvæmt.
Hér á eftir fer bréfið frá
eiganda Draumeyjar, Maríu
Svavarsdóttur, sem fylgdi
tilnefningunni. Þeim er báðum
óskað til hamingju með titilinn
með von um að vináttan haldist.
Hinum tilnefningunum eru
færðar þakkir fyrir þátttökuna
og góðar óskir um að vel rætist úr
skemmtilegum folöldum.
„Þetta er hún Draumey mín
IS2017284341 sem fæddist
26. júní. Hún er frá Bólstað í
A-Landeyjum og er undan Lögg
frá Bólstað og Háganssyninum
Feng frá Bólstað.
Milli okkar Draumeyjar
mynduðust strax sterk tengsl
og urðum við fljótt mjög góðar
vinkonur. Þegar hún var aðeins
8 daga gömul þá fékk hún
bakteríusýkingu og fékk út frá
því mikla skitu, þurfti hún því
að koma heim í Smiðjukot ásamt
mömmu sinni og fara á nokkurra
daga sýklakúr. Þegar meðhöndlun
hófst kom
í ljós hve einstakt geðslagið
er í þessari elsku. Á öðrum
degi kúrsins opnaði hún bara
munninn þegar ég kom með lyfið
og smjattaði á sýklalyfinu eins
og nammi.
Eins og sést á myndunum
þá fengum við okkur stundum
smá kríu saman eftir fjós í góða
veðrinu í sumar og stundum fékk
ég líka koss. Í öllu þessu dekri
hefur hún samt aldrei sýnt neinn
yfirgang né frekju eins og vill oft
gerast. Þess vegna segi ég því, að
hún hefur einstakt geðslag, hún
Draumey mín.
Kv. María Svavarsdóttir“
/Páll Imsland