Bændablaðið - 16.11.2017, Blaðsíða 36

36 Bændablaðið | Fimmtudagur 16. nóvember 2017
Þrjátíu ára afmæli Dvalar-
heimilisins Sólvalla á Selfossi var
fagnað sunnudaginn 5. nóvember
með opnu húsi. Þar mættu
fjölmargir gestir til að kynna
sér starfsemina og samfagna
tímamótunum með starfsfólki og
heimilisfólki.
Á heimilinu búa 19 manns, allir
í einstaklingsherbergjum. 16 konur
starfa á heimilinu í 12 stöðugildum.
Heimilið var formlega stofnað
1. nóvember 1987 þegar fyrstu
heimilismenn fluttu inn á heimilið.
Fjöldi manns hefur komið að
uppbyggingu heimilisins í gegnum
árin og hefur starfsemi þess mætt
mikilli velvild Eyrbekkinga og
annarra. Fjölmargir hafa styrkt
heimilið með einum eða öðrum hætti
en að öðrum ólöstuðum má þó segja
að Kvenfélag Eyrarbakka sé einn
af sterkustu bakhjörlum heimilisins.
Fljótlega eftir opnun Sólvalla
kom í ljós að húsnæðið var ekki
mjög hentug rekstrareining og var
því ráðist í viðbyggingu árið 1990.
Hún var svo tekin í gagnið þann l.
maí 1993.
Árið 2007 var svo enn ákveðið
að ráðast í viðbyggingu við heimilið
og var fyrsta skóflustungan að nýrri
álmu tekin í nóvember það ár. Með
þeirri viðbyggingu, sem tekin var
í gagnið í desember 2009, varð
mikil breyting á aðbúnaði bæði
heimilismanna og starfsfólks,
fjölnota salur í kjallara bættist við
ásamt nýju þvottahúsi og 8 nýjum
herbergjum. /MHH
Dvalarheimilið Sólvellir
á Eyrarbakka 30 ára
Það fer vel um Guðrúnu Valdimarsdóttur á Sólvöllum enda er hún alltaf hress og í góðu skapi. Guðrún er 97 ára
gömul. Myndir / Magnús Hlynur Hreiðarsson
Hér má sjá hluta af Sólvöllum sem stendur við aðalgötuna á Eyrarbakka.
Hörpukórinn á Selfossi kom og söng nokkur lög á opna húsinu 5. nóvember.
Kristín Helgadóttir er elsti íbúi
Sólvalla en hún verður 100 ára næsta
vor. Hér er hún með Gunnari Ein-
arssyni sem búsettur er á Selfossi.
Að sjálfsögðu var gestum og gangandi boðið upp á glæsilega afmælistertu.
Sauðfjárbændur sem slátruðu fé
sínu hjá Norðlenska í nýliðinni
sláturtíð tóku þó nokkuð meira
heim af lömbum en í fyrrahaust,
segir Sigmundur Hreiðarsson
framleiðslustjóri.
Hann telur að af því megi draga
þá ályktun að þeir ætli sér í ríkari
mæli að selja afurðir sínar beint til
neytenda. Það flokkist þá sem sala
beint frá býli, afurðastöðin sé þeirra
vinnsla, en þeir sjái sjálfir um söluna.
Sláturtíð er nýlokið hjá Norðlenska
og var alls lógað um 95.500 kindum
á Húsavík. Sigmundur segir að aldrei
hafi fleira fé verið lógað á einu haust
og nú. Meðalþyngd lamba var 16,43
og er tæplega hálfu kílói minni en var
haustið 2016.
Í sláturhúsi Norðlenska á Höfn
var lógað um 20.700 kindum og þar
var meðalþyngd lamba 15,92 kg, sem
er 0,46 kg minna en árið 2016.
Slátrun á fullorðnu fé var nokkuð
meiri en í fyrra en 8.302 fullorðnum
kindum var slátrað í ár sem er 1.583
kindum meira en í fyrra.
Starfsfólk frá 16 þjóðlöndum
Í nýliðinni sláturtíð starfaði hjá
Norðlenska fólk frá 16 þjóðlöndum,
fjölbreytileikinn er mikill og
skemmtilegur, segir Sigmundur, en
margt af fólkinu komi ár eftir ár og sé
félaginu mikilvægt í sinni starfsemi.
„Verkefni eins og sláturtíð
gengur aldrei nema samstarfið sé
gott í allar áttir, það er til að mynda
nauðsynlegt að skipulag á milli
bænda og afurðastöðvar sé sem best
til að tryggja sem besta nýtingu á
starfsfólki, húsnæði og akstri á
fénu. Allt gekk vel að þessu sinni
og fyrir það erum við þakklát,“ segir
Sigmundur. /MÞÞ
Aldrei meira slátrað hjá Norðlenska en í haust:
Heimtakan talsvert
meiri en áður
Bændablaðið
Smáauglýsingar 56-30-300
Sauðfjárbændur sem slátruðu fé sínu hjá Norðlenska í nýliðinni sláturtíð
tóku þó nokkuð meira heim af lömbum en í fyrrahaust.
Jónas Þór glaðbeittur í Matarskemmunni á Laugum. Ábúendur í Árdal tóku
sölumálin í sínar hendur og seldu 130 lambsskrokka á tveimur dögum.
Mynd / 641.is
Fengu um 100% hærra
verð fyrir kílóið
Hjónin Jónas Þór Viðarsson
og Salbjörg Mattíasdóttir,
sauðfjárbændur í Árdal í
Kelduhverfi, stóðu frammi fyrir
mjög mikilli afurðaverðslækkun
á lambakjöti eins og aðrir
sauðfjárbændur í landinu nú í
haust. Þau ákváðu að vinna allt
kjötið sjálf og taka sölumálin í
sínar hendur. Seldu þau alla sína
lambakjötsframleiðslu á tveimur
dögum, 130 skrokka alls.
Fram kemur í spjalli við Jónas
Þór á vefsíðunni 641.is að öllum
lömbunum hefði verið slátrað hjá
Norðlenska á Húsavík eins og áður,
en þetta árið hefðu þau tekið alla
skrokkana heim, unnið þá og pakkað
til sölu í Matarskemmunni á Laugum
í Reykjadal. Þrátt fyrir að vinnslan á
Laugum sé í um 90 kílómetra fjarlægð
frá Árdal reiknaðist Jónasi það til að
þau hefðu fengið meira en 100% hærra
verð fyrir hvert kíló af dilkakjötinu
miðað við verðskrá Norðlenska, að
frádregnum öllum tilkostnaði. /MÞÞ