Bændablaðið - 16.11.2017, Blaðsíða 49

49Bændablaðið | Fimmtudagur 16. nóvember 2017
Hinir árlegu „hrútafundir“
búnaðarsambandanna eru nú á
næsta leiti þar sem hrútakostur
sæðingastöðvanna verður kynntur.
Talsverð endurnýjun hefur orðið á
hrútaflotanum en teknir hafa verið
inn 20 nýir hrútar.
Heildarfjöldi hrúta í
Laugardælum og í Borgarnesi,
sem kynntur verður í nýrri
hrútaskrá, telur 45 hrúta. Meðal
nýju hrútanna má finna magnaða
lambafeður, úrvals ærfeður,
mórauðan kollóttan hrút, tvo nýja
hrúta með verndandi arfgerð m.t.t.
riðumótsstöðu, hreinhvíta hrúta
ásamt forystuhrútum og feldfjárhrút
svo eitthvað sé nefnt.
Afkvæmarannsóknir vegna
sæðingastöðvanna voru á fleiri
stöðum en áður hefur verið eða
á 8 stöðum á landinu sl. vetur og
koma 10 hrútar í gegnum það val.
Þá voru valdir 8 hrútar sl. vor sem
flestir eru komnir með einhverja
reynslu sem ærfeður. Tekinn var
inn nýr forystuhrútur, Nikulás
15-977 frá Brakanda í Eyjafirði
og nýr feldfjárhrútur, Melur
12-978 frá Melhóli í Meðallandi.
Þrír hrútar verða áfram á stöðinni
í Laugardælum sem ekki fá
sérstaka kynningu í skránni. Það
eru forystuhrúturinn Ungi 13-938,
feldfjárhrúturinn Lobbi 09-839 og
Lækur 13-928. Þeir tveir fyrrnefndu
hafa lokið sínum skyldum og nýir
hrútar leysa þá af en þar sem þeir
eru við góða heilsu verða þeir í
boði áfram á sauðfjársæðingastöð
Suðurlands. Lækur verður nýttur
í sérverkefni tengt rannsóknum á
erfðagallanum bógkreppu.
Bændur eru hvattir til að láta
ekki deigan síga í sæðingum þótt
móti blási í búgreininni því megin
tilgangur ræktunarstarfsins er jú
að auka verðmæti og hagkvæmni
framleiðslunnar.
Ljóst er að talsverður munur
er á afkomu búa eftir því hversu
afurðasamur fjárstofninn er. Þá eru
bændur hvattir til að mæta sem
flestir á „hrútafundina“ því þeir
eru einnig vettvangur umræðna
um ræktunarstarfið. Hingað til hefur
mæting almennt verið góð á þessa
fundi og megi svo áfram vera. Stefnt
er að því að ný hrútaskrá líti dagsins
ljós mánudaginn 20. nóvember.
Eyþór Einarsson
ábyrgðarmaður í
sauðfjárrækt
ee@rml.is
Búnaðarsamtök Vesturlands Mán. 20. nóv. Breiðabliki, Snæfellsnesi kl. 20:30
Búnaðarsamtök Vesturlands Þri. 21. nóv. Hvanneyri kl. 20:30
Búnaðarsamtök Vesturlands Mán. 27. nóv. Grunnskólinn Reykhólum kl. 15:30
Búnaðarsamtök Vesturlands Mán. 27. nóv. Dalabúð, Búðardal kl. 20:00
Búnaðarsamtök Vesturlands Þri. 28. nóv. Ásgarði, Kjós 21:00
Búnaðarsamband Húnaþings og Stranda Fös. 24. nóv. Sal BHS Húnabr. 13, Blönduósi kl. 13:30
Búnaðarsamband Húnaþings og Stranda Mán. 27. nóv. Sævangur, Ströndum kl. 13:30
Búnaðarsamband Húnaþings og Stranda Mán. 27. nóv. Ásbyrgi, Miðfirði Kl. 20:00
Búnaðarsamband Skagfirðinga Fim. 23. nóv. Tjarnarbær kl. 20:00
Búnaðarsamband Eyjafjarðar Mið. 22. nóv. Hlíðarbæ kl. 20:00
Búnaðarsamband S-Þingeyinga Þri. 21. nóv. Breiðamýri kl. 13:00
Búnaðarsamband N-Þingeyinga Þri. 21. nóv. Svalbarði, kl. 20:00
Búnaðarsamband Austurlands Mið. 22. nóv. Hótel Valaskjálf (Þingmúli), Egilsstöðum kl. 20:00
Búnaðarsamband Suðurlands Mán 20. nóv. Smyrlabjörg kl. 13:30
Búnaðarsamband Suðurlands Mán 20. nóv. Hótel Klaustur kl. 20:00
Búnaðarsamband Suðurlands Þri. 21. nóv. Smáratún, Fljótshlíð kl. 13:30
Búnaðarsamband Suðurlands Þri. 21. nóv. Félagslundur kl. 20:00
Hrútafundir 2017
Þeir sauðfjárræktendur sem
lagt hafa upp með afkvæma-
prófun á hrútum sínum eru
hvattir til að ganga frá uppgjöri
afkvæmarannsóknarinnar í
Fjarvís.is sem fyrst og senda
tilkynningu á ee@rml.is um að
uppgjöri sé lokið.
Tilkynningar þurfa helst
að berast fyrir 1. des. Líkt og
síðasta haust er veittur styrkur
af fagfé sauðfjárræktarinnar á
hvern veturgamlan hrút (hrútar
fæddir 2016) sem prófaður er.
Að lágmarki þurfa að vera 5
hrútar í samanburðinum og þar
af a.m.k. 4 veturgamlir en ekki er
um hámarksfjölda að ræða. Hver
hrútur þarf að hafa að lágmarki 8
gimbrar (eða hrúta ef unnið er með
hrútlömb) ómældar og stigaðar og
15 afkvæmi með kjötmat. Athuga
þarf þegar uppgjör er vistað að
nákvæmlega sömu hrútar séu
á bakvið líflambahlutann og
kjötmatshlutann, fyrr verður
heildarskýrslan ekki til.
Markvissar prófanir á
veturgömlum hrútum er, líkt og
bændur þekkja, skilvirk leið til
þess að velja bestu gripina til
áframhaldandi ræktunar m.t.t.
skrokkgæða og bráðþroska. Að
lokum er minnt á að nú er sá
tími sem undirbúningur hefst
fyrir næstu afkvæmaprófun og
ræktendur hvattir til að framkvæma
slíkt með markvissum hætti.
Afkvæmarannsóknir í sauðfjárrækt
Forystuhrúturinn Nikulás 15-977 frá
Brakanda er einn af þeim 20 nýju
hrútum sem verður á sæðingastöðv-
unum í vetur.
Ráðgjafarmiðstöð landbúnaðarins
því mun afkvæmadómur nautanna
nást mun fyrr en áður og munar þar
allt að 15 mánuðum auk þess sem
niðurstöður hans sýna mun hærra
arfgengi fyrir þessa eiginleika en
verið hefur. Upptaka þessa líkans
mun því hraða erfðaframförum
verulega og hraða afkvæmadómi
nautanna.
Í vetur er verið að vinna að
mati á hagrænu vægi eiginleika
í nautgriparækt og er áætlað að
þeirri vinnu verði lokið í júní
2018. Þetta verkefni er mjög brýnt
og ein af grundvallarforsendum
þess að geta nýtt erfðamengisúrval
á skynsamlegan hátt þegar þar að
kemur. Ætlunin er að niðurstöður
þessarar vinnu verði lagðar til
grundvallar við breytingar á
heildareinkunn kynbótamatsins.
Hafinn er undirbúningur að nýju
mati fyrir frjósemi en í dag er það
eingöngu metið út frá bili milli
burða. Sá eiginleiki er í sjálfu sér
mjög traustur og öruggur til mats á
frjósemi en hefur þó þann galla að
matið skilar sér seint. Ætlunin er því
að þróa nýtt mat fyrir frjósemi er
byggi á eiginleikum sem skila mati
fyrr en bil milli burða. Samkvæmt
fyrstu áætlunum gæti slíkt mat
komið til innleiðingar á árinu 2020.
Nú í lok nóvember eða
byrjun desember mun íslenskum
kúabændum að öllum líkindum
standa SpermVital-sæði til boða. Í
þessari viku eru norskir sérfræðingar
við frystingu á sæði með þessari
tækni á Nautastöð BÍ á Hesti í fyrsta
skipti. Þetta sæði gæti því komið
til dreifingar við næstu áfyllingar
á kúta frjótækna. Við viljum biðja
menn að ganga hægt um gleðinnar
dyr og kynna sér vel leiðbeiningar
og tilmæli er varða notkun á þessu
sæði sem birtast í næstu nautaskrá
sem kemur út innan tíðar. Hér er um
að ræða tækni sem getur nýst vel
ef rétt er á málum haldið en ekki er
neinna byltinga í fanghlutfalli að
vænta.
Að lokum er svo rétt að nefna að
síðasta föstudag komu fósturvísar
úr norskum Angus-nautgipum til
landsins. Þeir verða settir í kýr á nýju
einangrunarstöðinni á Stóra-Ármóti
sem verður tilbúin innan nánast
örfárra daga. Gangi áætlanir eftir
gæti það orðið í byrjun desember og
fyrstu kálfar því fæðst í ágúst 2018.
Að lokinni 9 mánaða einangrun væri
hægt að selja þá til bænda um eða
upp úr miðju ári 2019.
Af þessari upptalningu má sjá
að margt er í gangi er kemur að
framkvæmd ræktunarstarfsins og
kynbótum nautgripa hérlendis,
bæði hvað snertir mjólkur- og
kjötframleiðslu.
Til sölu er jörðin Pálmholt í Reykjadal. Mjög áhugaverður kostur sem bíður upp á ýmsa
möguleika bæði í hefðbundnum búskap auk ferðaþjónustu. Mikill húsakostur og stutt í
margar náttúruperlur og afþreyingu á svæðinu.
Pálmholt er um 8 km norðan við Laugar, einungis 32 km til Mývatns, 48 km til Akureyrar eftir að
Vaðlaheiðargöng verða tekin í notkun og 32 km til Húsavíkur.
Hægt er að fá grunnteikningar af 60 kúa róbótafjósi. Jörðin selst án bústofns og tækja. Eigninni
fylgir hlutdeild í veiðiréttindum í Reykjadalsá og Vestmannsvatni. Mikil gæsaveiði.
Allar nánari upplýsingar veitir Björn á fasteignasölunni Byggð í síma 897-7832.
Tilboð óskast
PÁLMHOLT Í REYKJADAL
- TIL SÖLU -
Norðurljósastofa
Frá Jötni Byggingum
Ný upplifun - meiri gæði fyrir þig og þína gesti!
Glæsileg viðbót við bústaðinn sem eykur á notagildi
hússins vetur sem sumar.
Verð aðeins:
1.480.000 án vsk
Án hurða kr. 1.180.000 án vsk
Tilboð 3 eða fleiri:
1.380.000 án vsk
Án hurða kr. 980.000 án vsk
Glerhýsið er framleitt úr hágæða álrömmum
( Reynaers CW 50) með tvöfaldri hurð.
Þak er með tvöfalt gler, ytra byrði er hert gler og innra byrði er gert
úr samlímdu öryggisgleri.
Tvöfalt gler í veggjum og hurðum. Hægt að sérpanta öryggisgler.
Litir hvítt og állitað, hægt að sérpanta aðra RAL liti.
Húsið er afhent í 4 einingum. Flutningur, uppsetning, undirstaða
og áfellur ekki innifaldar í verði.
Austur vegur 69 - 800 Selfoss
Sími 480 0400 // jotunn@jotunn.is // www.jotunn.is