Bændablaðið - 16.11.2017, Blaðsíða 37

37Bændablaðið | Fimmtudagur 16. nóvember 2017
Ný áætlun um uppbyggingu hjúkrunarrýma:
Heildarkostnaður tæpir 5 milljarðar
Ný áætlun um byggingu 155
hjúkrunarrýma á landinu til
ársins 2022 til viðbótar þeim
313 rýmum sem þegar eru á
framkvæmdastigi samkvæmt
eldri áætlun liggur nú fyrir.
Alls munu því verða byggð eða
endurgerð 468 hjúkrunarrými
á tímabilinu ýmist til fjölgunar
rýma eða til að bæta aðbúnað.
Alþingi samþykkti í júní
síðastliðnum nýja fjármálaáætlun
til næstu fimm ára. Með henni
skapaðist svigrúm til aukinnar
uppbyggingar hjúkrunarrýma
sem áætlunin miðast við. Á
höfuðborgarsvæðinu verður
hjúkrunarrýmum fjölgað um 80
umfram gildandi áætlun og um
10 í Árborg. Uppbygging miðar
einnig að því að bæta aðbúnað íbúa
á nokkrum hjúkrunarheimilum þar
sem þörf er á að færa aðbúnaðinn
til nútímalegs horfs. Áætlað er að
byggja 23 rými á Húsavík, 24 á
Höfn í Hornafirði og endurgera 18
hjúkrunarrými í Stykkishólmi.
Áform um fjölgun rýma byggist
á mati velferðarráðuneytisins á því
hvar þörfin er mest og taka mið
af fjárhagslegu svigrúmi gildandi
fjármálaáætlunar.
Áætlaður heildarkostnaður
við uppbyggingu 155
hjúkrunarrýma er tæpir fimm
milljarðar króna. Í áætluninni
er miðað við lágmarksþátttöku
hlutaðeigandi sveitarfélaga
í framkvæmdakostnaðinum,
þ.e. 15% á móti 85% kostnaði
ríkissjóðs.
Af þeim 313 hjúkrunarrýmum
sem nú eru á framkvæmdastigi
eru 219 hjúkrunarrými til
fjölgunar rýma en önnur til að
bæta aðbúnað. Fjölgunin er fyrst
og fremst á höfuðborgarsvæðinu,
þ.e. í Reykjavík, í Kópavogi, í
Hafnarfirði og á Seltjarnarnesi.
Einnig fjölgar rýmum á
Suðurlandi með uppbyggingu
hjúkrunarheimilis í Árborg. /MÞÞ
Víkurvagnar ehf. – Hyrjarhöfði 8. – 110 Reykjavík
Sími 577-1090 – www.vikurvagnar.is – sala@vikurvagnar.is
HESTAKERRUR - GRIPAVAGNAR
VÍKURVAGNAR EHF.
STYRKUR, ÞJÓNUSTA OG ÁREIÐANLEIKI
HESTAKERRA
HB 610 - FYRIR 5-6 HESTA
VERÐ
2.190.000 með vsk.
GRIPAFLUTNINGAKERRA
TA 510 - FYRIR 4-5 HESTA
VERÐ - 1.570.000 með vsk.
TA 510 – FYRIR 4-5 HESTA
VERÐ – 1.850.000 með vsk.
TA 5 – FYRIR 2-3 HESTA
VERÐ – 1.200.000 með vsk
TILBOÐ!
Mannol koppafeiti
18 kg fata á aðeins
13.950 kr. + vsk.
OLÍUVÖRUR
Olíur, frostlögur, glussi
og aðrir vökvar.
RAFGEYMAR
Mikið úrval af
rafgeymum í öllum
stærðum og gerðum.
Automatic ehf.
Smiðjuvegi 11, 200 Kóp.
Sími: 512 3030
pantanir@automatic.is
Sjá nánar á www.automatic.is
Næsta
Bændablað
kemur út
30. nóvember