Bændablaðið - 30.11.2017, Blaðsíða 10
10 Bændablaðið | Fimmtudagur 30. nóvember 2017
Friðheimar í Bláskógabyggð eru
handhafi nýsköpunarverðlauna
Samtaka ferðaþjónustunnar
(SAF) árið 2017. Forseti Íslands,
Guðni Th. Jóhannesson, afhenti
Friðheimum verðlaunin við
fjölmenna og hátíðlega athöfn
á Grand Hótel Reykjavík
fimmtudaginn 16. nóvember.
Þetta er í fjórtánda sinn sem
verðlaunin eru afhent. Samtök
ferðaþjónustunnar afhenda
árlega nýsköpunarverðlaun fyrir
athyglisverðar nýjungar og er
markmiðið að hvetja fyrirtæki
innan SAF til nýsköpunar og
vöruþróunar. Verðlaununum er
ætlað að hvetja frumkvöðla landsins
til dáða í ferðaþjónustu. Þetta er í
fjórtánda sinn sem SAF veita
nýsköpunarverðlaun samstakanna
en þetta árið bárust 25 tilnefningar í
samkeppninni um verðlaunin.
Grímur Sæmundsen, formaður
Samtaka ferðaþjónustunnar
og formaður dómnefndar
nýsköpunarverðlaunanna, gerði
grein fyrir niðurstöðu dómnefndar.
Dómnefndina skipuðu auk
Gríms, þau Marín Magnúsdóttir,
framkvæmdastjóri viðburðadeildar
CP Reykjavík og fulltrúi fyrirtækja
innan SAF og Guðrún Þóra
Gunnarsdóttir, forstöðumaður
Rannsóknamiðstöðvar ferða-
mála. Tilnefningar til nýsköpunar-
verðlaunanna í ár endurspegla
mikla grósku og nýsköpun bæði
í afþreyingu sem og í ýmsum
nettengdum þróunarverkefnum,
segir í umsögn dómnefndar. Var
nefndin einhuga í vali á því fyrirtæki
sem í ár hlýtur nýsköpunarverðlaun
SAF – Friðheimar í Bláskógabyggð.
Miklir frumkvöðlar á sínu sviði
Í umsögn nefndarinnar segir að
Helena Hermundardóttir og Knútur
Rafn Ármann, eigendur Friðheima,
séu miklir frumkvöðlar á sínu
sviði en þau hafa tvinnað saman
tómataræktun, ferðaþjónustu og
hestamennsku og taka árlega
við vel á annað hundrað þúsund
ferðamönnum. Þá segir enn fremur:
„Helena og Knútur voru fyrst til
að flétta saman ferðaþjónustu og
garðyrkju með áherslu á fræðslu
um matvælaframleiðslu á Íslandi
sem byggir á hreinni náttúru og
orkugjöfum ásamt því að bjóða
upp á veitingar beint frá býli.
Gestir fá að skyggnast inn í líf og
störf heimamanna og eru í raun að
heimsækja fjölskyldu og fyrirtæki
þeirra. Leitast er við að veita hverjum
og einum gesti hlýjar móttökur,
fræðslu og einstaka matarupplifun.
Friðheimar eru skapandi í fræðslu
og upplifun, þar er til dæmis
boðið upp á stuttar hestasýningar á
fjölmörgum tungumálum og áhersla
lögð á sögu og sambúð manns og
hests frá landnámi. Allt sem til fellur
í tómataframleiðslunni er nýtt í
veitingahúsinu og í afurðir sem eru
seldar sem matarminjagripir og hafa
slegið í gegn um allan heim. Erlendir
fjölmiðlar hafa veitt Friðheimum
mikla athygli og fjölmargir þeirra
hafa komið í heimsókn og m.a. tekið
upp matreiðsluþætti þar.“
Starfsemi Friðheima er lýsandi
dæmi um það hvernig ferðaþjónusta
er í sívaxandi mæli að skapa
ný tækifæri fyrir hefðbundnar
atvinnugreinar um land allt og að
greinin er besta tæki til jákvæðrar
byggðaþróunar, sem fram hefur
komið í íslensku þjóðlífi á
undanförnum árum. Nýsköpun af
þessu tagi byggir á fagmennsku
og þekkingu á landbúnaði og
garðyrkju sem er síðan grundvöllur
að vöruþróun í ferðaþjónustu
þar sem fræðsla og upplifun eru í
fyrirrúmi. Þau Knútur og Helena
eru því verðskuldaðir handhafar
nýsköpunarverðlauna SAF árið
2017.“
Hafa hlotið margvíslegar
viðurkenningar
Hjónin Knútur og Helena hafa fengið
margvíslegar viðurkenningar fyrir
uppbygginguna í Friðheimum á
liðnum árum. Ljóst er að þau hafa
verið mikil lyftistöng fyrir sitt
nærsamfélag og mikil vítamínsprauta
fyrir jákvæða og skynsama hugsun í
uppbyggingu á landsbyggðinni. Hlutu
Friðheimar t.d. hvatningarverðlaun
Landbúnaðar háskóla Íslands
árið 2009 og verðlaunin
„Ræktendur ársins“ hjá Sölufélagi
garðyrkju manna árið 2010. Þá
hlutu þau hvatningarverðlaun
Ferðaþjónustu bænda árið 2011,
„Land búnaðarverðlaunin“ fyrir
frumkvöðlastarf og fyrirmyndar-
búskap árið 2014 og svo
nýsköpunarverðlaun Samtaka
ferðaþjónustunnar árið 2017.
Hafa þau jafnframt tekið virkan
þátt í félagsmálum garðyrkjunnar,
landbúnaðarins og ferðaþjónustunnar
í landinu. Þau eru m.a. félagar í
Opnum landbúnaði, Ferðaþjónustu
bænda, Sambandi garðyrkjubænda
og Sölufélagi garðyrkjumanna.
Nýsköpunarverðlaun SAF
Eins og fyrr segir var þetta í 14. skipti
sem nýsköpunarverðlaun SAF voru
afhent, en verðlaunahafar til þessa
eru eftirfarandi:
• 2017 – Friðheimar í Bláskóga-
byggð.
• 2016 – Óbyggðasetur Íslands.
• 2015 – Into The Glacier.
• 2014 – Gestastofan Þorvaldseyri.
• 2013 – Saga Travel.
• 2012 – Pink Iceland.
• 2011 – KEX hostel.
• 2010 – Íslenskir fjalla leiðsögu-
menn.
• 2009 – Fuglasafn Sigurgeirs í
Mývatnssveit.
• 2008 – Menningarsetur Þórbergs-
seturs, Hala í Suðursveit.
• 2007 – Norðursigling Húsavík.
• 2006 – Landnámssetur Íslands.
• 2005 – Adrenalín.is,
VEG Guesthouse
á Suðureyri og
Fjord Fishing.
• 2004 – Sel Hótel Mývatn
og Hótel Aldan. /HKr.
Einangrunarstöð fyrir
hunda og ketti í Landsveit
FRÉTTIR
Við afhendingu nýsköpunarverðlauna SAF 2017. Talið frá vinstri: Guðni Th. Jóhannesson, forseti Íslands, Knútur
Rafn Ármann og Helena Hermundardóttir í Friðheimum og Grímur Sæmundsen, formaður dómnefndar.
Mynd / Jón K.B. Sigfússon.
Friðheimar er handhafi nýsköpunarverðlauna
Samtaka ferðaþjónustunnar 2017
Tómataræktin í Friðheimum hefur vakið aðdáun ferðamanna sem geta notið
veitinga í tómataræktunarhúsi. Þar eru framreiddar súpur og annað góðgæti
sem framleitt er á staðnum við eins heilnæmar aðstæður og hugsast getur.
Á bænum Selási í Landsveit eru
hafnar framkvæmdir við byggingu
nýrrar einangrunarstöðvar fyrir
hunda og ketti.
Jóhanna Þorbjörg Magnúsdóttir,
hundaþjálfari og lögreglumaður,
verður eigandi og rekstraraðili
stöðvarinnar, sem vonast er til að
verði tilbúin á fyrri hluta næsta
árs. „Það verður pláss fyrir sextán
hunda og þrjá ketti í hverju holli.
Eins og staðan er í dag er einungis
ein önnur einangrunarstöð fyrir
hunda og ketti í landinu og er hún
staðsett í Höfnum. Þar er margra
mánaða biðlisti í einangrun,“ segir
Jóhanna. Boðið verður upp á þjálfun
fyrir hundana meðan á dvöl stendur,
sem eru 28 dagar. Markmiðið er, að
sögn Jóhönnu, að öllum hundum,
sem dvelji í einangrunarstöðinni,
líði eins og best verður á kosið á
einangrunartímanum og fái allt sem
hundur þarf til að lifa eðlilegu lífi.
Þeir fái andlega örvun, samskipti
við fólk og hreyfingu.
Áhyggjur bænda óþarfar
Jóhanna leggur áherslu á að
nágrannar hennar þurfi ekki að hafa
áhyggjur af einangrunarstöðinni.
„Fólk hefur viðrað áhyggjur
varðandi það að flytja inn lifandi
skepnur, en þær áhyggjur eru
óþarfar. Farið var í vinnu með
Matvælastofnun frá fyrsta degi
um staðsetningu og rekstrarform
stöðvarinnar og engar athugasemdir
gerðar við það. Mjög strangar kröfur
eru um rannsóknir og bólusetningar
áður en dýrin fá leyfi til að koma til
landsins,“ segir Jóhanna sem sjálf
er með frístundabúskap; nokkrar
kindur og reiðhross.
„Lög og reglugerðir eru
afskaplega strangar hvað viðkemur
innflutningi og er einangrunarstöð
hugsuð sem varnagli ofan á
annars strangar kröfur. Þegar
dýrin koma til landsins eru þau
fyrst skoðuð áður en þau yfirgefa
flugvöllinn sjálfan og ef grunur er
um smit fær dýrið ekki inngöngu
í landið. Ítarlegar rannsóknir eru
svo gerðar meðan á dvöl stendur.
Horft var til einangrunarstöðvar
nautgripa í Flóanum við hönnun
og skipulagningu stöðvarinnar og
eru kröfurnar ekki síðri en gerðar
eru í þeirri stöð. Ásamt því verður
dýralæknir starfandi sem hefur
yfirumsjón með stöðinni. Hann sér
um verkferla sóttvarna, sótthreinsun,
og getur meðhöndlað dýr meðan á
dvöl stendur.
En rekstrarleyfið sem við
fengum hjá atvinnuvega- og
nýsköpunarráðuneytinu að fenginni
umsögn frá Matvælastofnun var
langt og strangt ferli og miklar
kröfur gerðar vegna sérstöðu landsins
hvað varðar lifandi skepnur,“ segir
Jóhanna.
Þjálfar hunda fyrir einhverfa
Jóhanna er sem fyrr segir
starfandi lögreglumaður en einnig
menntaður hundaþjálfari. „Þetta
er því framhald við það sem ég
lærði erlendis, en ég tók diplómu
í hundaþjálfun frá skóla í Austin,
Texas og útskrifaðist sem „canine
trainer and behavior specialist“.
Ásamt því að starfa við löggæslu
og hundaþjálfun kennir Jóhanna.
Ég kenni bæði í einkatímum og á
námskeiðum – og hef einnig verið
að þjálfa hunda í þjónustu. Nýjasta
verkefnið er þjálfun á hundum fyrir
einhverfa. Ég er einnig að rækta
hunda af tegundinni australian
cattle dog sem ætlaðir eru fyrir
þjónustuhundahlutverk, ásamt
því að vera liðtækir smala- og
rekstrarhundar,“ segir Jóhanna.
Starfsleyfi veitt
að uppfylltum kröfum
Kristín Silja Guðlaugsdóttir er
dýralæknir inn- og útflutnings-
eftirlits hjá Matvæla stofnun
(MAST). „MAST er aðeins
umsagnaraðili í þessu máli. Í
lok ágúst síðastliðinn skilaði
MAST inn umsögn til atvinnu- og
nýsköpunarráðuneytisins (ANR)
vegna fyrirhugaðrar starfrækslu
einangrunarstöðvar fyrir hunda
og ketti í Landsveit. MAST bar
í umsögninni saman gögn frá
umsækjanda og þær kröfur sem
gerðar eru til einangrunarstöðva í
reglugerð um einangrunarstöðvar og
sóttkvíar fyrir gæludýr og reglugerð
um velferð gæludýra. Niðurstaða
umsagnar MAST var að veita
umsækjanda leyfi til að starfrækja
einangrunarstöð að uppfylltum
öllum kröfum ofangreindra
reglugerða ásamt kröfum sem birtast
í athugasemdum MAST. Endanlegt
framkvæmdaleyfi kom frá ANR,“
segir Kristín Silja. /smh
Einangrunarstöð fyrir hunda og ketti rís við bæinn Selás í Landsveit.
Jóhanna Þorbjörg Magnúsdóttir
ræktar hunda af tegundinni
Australian catlle dog sem ætlaðir
eru til þjónustuhlutverka.