Bændablaðið - 22.03.2018, Side 14

14 Bændablaðið | Fimmtudagur 22. mars 2018
Gjaldskrá Matvælastofnunar
hækkaði 23. febrúar síðastliðinn
og þar með talin gjöld er snúa
að bændum. Um er að ræða
almenna hækkun en gjaldskrá
Matvælastofnunar hafði ekki
hækkað frá 2012.
Að sögn Evu Gunnarsdóttur,
innheimtu- og launafulltrúa
hjá Matvælastofnun, var við
gjaldskrárbreytinguna felldur
niður viðauki I sem innihélt töflu
sem sýndi fast eftirlitsgjald eftir
búfjártegund og fjölda dýra.
„Í ljósi þess að áhættuflokkun
fyrir frumframleiðslu og annað
dýrahald var lokið var ljóst að
ekki var þörf á þessum viðauka
lengur því þá tók við annað gjald
Áhættuflokkað eftirlit samkvæmt 2.
grein reglugerðarinnar,“ segir Eva.
Tímagjald greitt fyrir allt
viðbótareftirlit
Í meðfylgjandi töflu eru tilgreinar
þær gjaldskrárbreytingar Matvæla-
stofnunar sem snúa að bændum.
„Annað er óbreytt í gjaldskránni,
meðal annars það að kostnaður
vegna rannsókna og greininga
er greiddur af eftirlitsþega, sem
og að tímagjald er greitt fyrir
allt viðbótareftirlit, svo sem
eftirfylgniskoðanir, vegna úttekta,
vegna ábendinga/kvartana,
sýnatöku og fleira.
Eins og áður, til viðbótar
við eftirlitsgjöld, skal greiða
akstursgjald fyrir hverja
eftirlitsheimsókn. Akstursgjaldið
lækkaði lítillega við gjald-
skrárbreytinguna,“ segir Eva
Gunnarsdóttir hjá Matvælastofnun.
Bændur geta lækkað
eftirlitsgjöldin
Eva bætir því við að vert sé að
taka fram að hækkun gjaldskrár
hafi ekkert með nýtt áhættu- og
frammistöðuflokkunarkerfi að
gera en hins vegar geta bændur
lækkað eftirlitsgjöld með góðri
frammistöðu þar sem tíðni eftirlits
lækkar hjá þeim bændum sem
færast upp um frammistöðuflokk.
/smh
FRÉTTIR
Miðhraun 2 210 Garðabær Sími 587 1300 kapp@kapp.is www.kapp.is
ALHLIÐA
VÉLAVERKSTÆÐI
Hafðu samband í síma 587 1300
og við sérsníðum lausn sem hentar þér!
Skógræktarfélag Eyfirðinga:
Ný öflug og afkastamikil
stórviðarsög í notkun
Einar Guðmundsson, framkvæmdastjóri hjá Búvís, og Ingólfur Jóhannsson, framkvæmdastjóri Skógræktarfélags
Skógræktarfélag Eyfirðinga fékk
nýlega afhenta nýja stórviðarsög
sem á eftir að gjörbreyta aðstöðu
félagsins til viðarvinnslu í
Kjarnaskógi. Sögin er af gerðinni
Woodmizer og er mun öflugri og
afkastameiri en sögin sem félagið
hefur notað fram að þessu.
Viðarvinnsla hefur verið vaxandi
þáttur í starfsemi Skógræktarfélags
Eyfirðinga undanfarin ár. Nú er
svo komið að sögin sem félagið
hefur notað um árabil ræður vart
við verkefnið lengur. Þörf er á
hraðvirkari og öflugri sög, meðal
annars til þess að hægt sé að fletta
meira timbri á hverri vinnustund,
enda verður efnið því dýrara sem
lengur tekur að vinna það.
Duga engin tómstundaverkfæri
Eftir því sem trén í skógum
Skógræktarfélags Eyfirðinga stækka
gefast meiri tækifæri til flettingar á
íslenskum viði í borð og planka.
Félagið sagar þó ekki einungis
timbur úr Kjarnaskógi og öðrum
reitum sem félagið hefur umsjón
með heldur er timbur farið að berast
úr öðrum skógum í nágrenninu
og sömuleiðis úr bæjarlandi
Akureyrarbæjar. Viðurinn fellur
að mestu til við grisjun skóganna
en einnig þegar tré eru felld í
görðum. Til dæmis berast félaginu
æ stærri og sverari asparbolir og til
sögunar á slíkum trjám duga engin
tómstundaverkfæri.
Vinnur sjálf fyrir eigin
húsaskjóli
Í undirbúningi er að reisa skýli
yfir sögina nýju á athafnasvæði
Skógræktarfélagsins í Kjarna.
Sléttaður hefur verið völlur undir
skýlið spölkorn sunnan við húsnæði
félagsins og þar ætti sögin að komast
undir þak á næstu mánuðum. Skýlið
verður að sjálfsögðu klætt með
heimafengnu timbri sem sagað
verður með nýju söginni. Því má
segja að sögin eigi eftir að vinna
sjálf fyrir eigin húsaskjóli. /MÞÞ
Matvælastofnun:
Gjaldskrárhækkanir
Dæmi um gjaldskrárbreyt-
ingar Matvælastofnunar
Til og með
22.2.2018
Frá og með
23.2.2018
Áhættuflokk-
að eftirlit
20.870 kr. 23.375 kr.
Tímagjald
dagvinna
8.00-17.00
8.348 kr. 9.350 kr.
Tímagjald
yfirvinna
17.00-8.00
12.335 kr. 13.815 kr.
Útgáfa
starfsleyfis/
endur nýjun
8.348 kr. 9.350 kr.
Akstursgjald 3.330 kr. 3.300 kr.
Auður Magnúsdóttir ráðin sem nýr
framkvæmdastjóri Landverndar
Auður Magnúsdóttir, deildar forseti
Auðlinda- og umhverfis deildar
Landbúnaðar háskóla Ís lands,
hefur verið ráðin framkvæmda-
stjóri Landverndar.
Auður hefur störf 1. maí
næstkomandi. Hún er með doktors próf
í lífefnafræði frá Stokkhólmsháskóla/
Karolinska Institut og hefur
stundað rann sóknir á því sviði.
Hún starfaði áður sem deildarstjóri
hjá Orf Líftækni og hjá Íslenskri
erfðagreiningu. Síðastliðin tvö ár
hefur hún gegnt starfi deildarforseta
Auðlinda- og umhverfisdeildar
Landbúnaðarháskóla Íslands.
Auður hefur setið í
framkvæmdastjórn hjá Orf Líftækni
og hjá Landbúnaðarháskóla Íslands
og er formaður Samtaka kvenna
í vísindum. Hún hefur sinnt
umhverfismálum frá unglingsárum.
Auður tekur við starfinu af Salome
Hallfreðsdóttur, en Salome hefur
gegnt stöðu framkvæmdastjóra frá
því í nóvember síðastliðnum þegar
Guðmundur Ingi Guðbrandsson,
fyrrverandi framkvæmdastjóri
Landverndar, tók við embætti
umhverf is ráðherra.
50 ára afmæli
Landvernd stendur á tímamótum,
þar sem að á næsta ári rennur upp
fimmtíu ára afmæli samtakanna.
„Samtökin ætla sér að verða
enn öflugri og einlægur málsvari
náttúrunnar og markmiðið er að
fjölga félagsmönnum svo um
munar, enda eru það stuðningsaðilar
samtakanna sem tryggja vernd
náttúru Íslands og halda umræðu
og aðgerðum um umhverfismál á
lofti,“ segir m.a. í fréttatilkynningu
frá samtökunum. /MHH