Bændablaðið - 26.09.2019, Blaðsíða 41

Bændablaðið | Fimmtudagur 26. september 2019 41
kalda, norðlæga fylki Alaska sem
og Pennsylvaníu, þar sem garður
þessi er staðsettur.
Það er helst á Suðurskautinu
sem erfitt getur reynst að finna
brönugrös í náttúrunni, en það er
svo sem ekki útilokað að óheft beit
mörgæsa hafi haft eitthvað með
það að gera, þó ekkert bendi til
þess. Enda grös frekar á matseðli
margæsa en mörgæsa. Að sama
skapi kemur mörgum á óvart að
mestu tegundafjölbreytni þeirra er
ekki að finna í hitabeltisskógum
Suður-Ameríku, heldur er hana
að finna í Himalayafjöllum, í
ríkinu Nepal. Innan ættarinnar
er svo auðvitað m.a. að finna
orkídeuna Vanilla planifolia, en
þurrkaðir ávextir hennar eru helsta
náttúrulega uppspretta vanillu í
heiminum.
Flögrandi fegurð
Hitahúsið (e. Stove room) er
sérlega ánægjulegt að heimsækja
utan vetrartíðar, því frá vori og
fram eftir hausti er það ávallt boðið
fiðrildum til umráða. Þar eru þá
upplýsingaskilti um fiðrildi, en
einnig klekjast þau þarna úr púpum
sínum og flögra um rýmið. Maður
gengur því um meðal fiðrildanna
meðan maður dáist jafnt að fegurð
þeirra, sem og plantnanna. Hér
getur verið gaman að koma með
börnin til að fræða þau og ekki
síður skemmta þeim, því þau
börn sem voru þarna samtímis
okkur virtust algerlega heilluð.
Ekki sakar þegar fiðrildin lenda á
manni og sitja róleg meðan maður
grandskoðar þau.
Einn af mörgum
Phipps er ágætis grasagarður og alger-
lega heimsóknarinnar virði sé maður á
þessum slóðum. Verður þó að játast að
hann trónir ekki á toppnum í mínum
huga yfir flottustu garða heims. En þar
er líka erfið samkeppnin, þegar mikið
er um stórfenglega garða. Margt er
þarna áhugavert og fallegt að skoða
og greinilega mikill metnaður fyrir
starfsem inni. Ýmis rými breytast
milli árstíða og geta því innihaldið
allt aðrar plöntur að vori en hausti auk
þess að jólatíðin tekur yfir desember-
og janúarmánuði, með tilheyrandi
ljósum, skreytingum o.fl. sem eflaust
er smekksatriði hvort telja skal jákvætt
eður ei. Kristján Friðbertsson,
garðyrkjunörd
Skeifunni 3h ll Sími: 588 5080 ll dynjandi.is
Vandaðar heyrnarhlífar og samskipta búnaður
með margskonar eiginleikum;
bluetooth, útvarpi og talstöð.
Veldu það sem hentar.
Hafðu samband. Við veitum þér faglega aðstoð.

HEYRNARHLÍFAR & SAMSKIPTATÆKI
Heyrnarhlífar
- með meiru!
Gróðurtröllin tvö sem falin eru meðal plantna.
Sítrus af NA Indverskum uppruna,
Citrus medica var. Sarodactylis,
Buddha‘s hand citron.
Lady´s slipper orkídea Paphiopedilum.
Sveitarfélagið Hörgársveit hefur
selt félagsheimilið Hlíðar bæ, en
kaupandi er Regla Musterisriddara
á Akureyri sem tók við rekstri
hússins í byrjun síðustu viku.
Hlíðarbær er sögufrægt hús sem
stendur á áberandi stað norðan
Akureyrar, skammt frá þjóðleið 1 í
Hörgársveit. Hlíðarbær þótti henta
ágætlega undir starfsemi Reglunnar.
Húsið verður áfram staðarprýði
Musterisriddarar flytja nú með
starfsemi sína úr Strandgötu 23 á
Akureyri og út fyrir bæjarmörkin.
Reglan hefur starfað á Íslandi frá
árinu 1949 og heldur um þessar
mundir upp á 70 ára afmæli sitt.
Á Akureyri hefur félagsskapurinn
verið með starfsemi frá árinu 1970
og lengst af í fallegu gömlu húsi við
Strandgötu á Akureyri.
„Við erum því vanir að vera í
sviðsljósinu og munum virða beiðni
sveitarstjórnar Hörgársveitar um að
halda húsinu í góðu ástandi svo það
verði áfram staðarprýði. Það verður
áfram fallegt heim að líta og húsið
verður áfram opið til samkomuhalds
hér eftir sem hingað til,“ segir Birgir
Stefánsson, meistari í RM Öskju á
Akureyri.
Spenntir að hefja starf
á nýjum stað
Hann segir Hlíðarbæ hafa
mikið tilfinningagildi fyrir íbúa
sveitarfélagsins og eigi þeir flestir
hverjir góðar minningar um
húsið sem verið hefur einn helsti
samkomustaður sveitarinnar í áratugi.
Húsið hefur um tíðina heitið öðrum
nöfnum en Hlíðarbær, eða Kuðungur
og Þinghúsið.
„Það eru allir mjög spenntir að
hefja starfið á nýjum stað. Framtíðin
er hulin en ef til vill getum við innan
tíðar haft opið hús og boðið til okkar
gestum úr héraðinu,“ segir Birgir.
Regla Musterisriddara starfar
á öllum Norðurlöndum nema
Grænlandi og eru helstu verkefni á
sviði mannræktar. Leitast er við að
fá til starfa menn með opna, víða og
heilbrigða lífssýn. Notkun áfengis-
og vímuefna er hafnað enda telja
meðlimir að menn nái ekki árangri
nema vera allsgáðir alltaf.
Gott að nýta féð til nýrra verkefna
Snorri Finnlaugsson, sveitarstjóri
Hörgársveitar, segir að það hafi
um nokkurt skeið staðið til að selja
félagsheimilið og það auglýst til
sölu. Áður hefur Leikfélag Hörgdæla
keypt félagsheimilið að Melum af
sveitarfélaginu og þriðja fyrrum
félagsheimilið, Freyjulundur, var
selt fyrir nokkuð löngu.
Auk þess að nýta húsnæðið
undir eigin starfsemi mun Regla
Musterisriddara reka húsið sem
félagsheimili og það fæst áfram
rekið sem félagsheimili og leigt
út til viðburða af allra handa tagi.
Hlíðarbær hefur verið vinsæll undir
tækifærisveislur af ýmsu tagi, til
funda- og ráðstefnuhalds og þá
hefur sveitarfélagið notað húsið
fyrir skólaslit Þelamerkurskóla.
Gerir Snorri ráð fyrir að sá háttur
verði áfram hafður á.
Snorri segir að Hörgársveit standi
í fjárfestingum um þessar mundir og
gott að geta nýtt þá fjármuni sem fást
með sölu félagsheimilisins í önnur
verkefni. /MÞÞ
Hörgársveit selur
félagsheimilið
Hlíðarbær er nú í eigu Reglu
Musteris riddara á Akureyri, en
verður áfram nýtt sem félagsheimili
og leigt út til mannfagnaða.