Bændablaðið - 10.10.2019, Blaðsíða 4

Bændablaðið | Fimmtudagur 10. október 20194
FRÉTTIR
TORT
INNHEIMTA SLYSABÓTA
Átt þú rétt á
slysabótum?
Við hjálpum þér
HAFÐU SAMBAND 511 5008
Samtök ungra bænda fagna tíu ára afmæli:
Nýliðunarstyrkurinn var eitt
af helstu baráttumálunum
– Afmælismálþing haldið um loftslagsmálin
Samtök ungra bænda fagna tíu
ára afmæli um þessar mundir
og ætla þau að halda afmælis­
hátíð föstudaginn 25. október
næstkomandi. Jóna Björg
Hlöðversdóttir tók við formennsku
í samtökunum í febrúar á síðasta
ári og segir hún margt hafa áunnist
á þessum áratug – sérstaklega
sé kærkomið að raddir ungra
bænda eigi nú greiðari leið inn á
umræðuvettvang stóru málanna.
„Tíu ár eru ekki langur tími í
stóra samhenginu en það hefur
margt áunnist á þessum fyrsta áratug
samtakanna,“ segir Jóna Björg.
„Stofnun samtakanna var þörf og
sú þörf hefur ekki minnkað heldur
frekar aukist ef eitthvað er. Ungt
fólk þarf að láta í sér heyra og það
er mikilvægt að hlustað sé á raddir
þeirra. Samtökin voru stofnuð til að
vinna að hagsmunum ungs fólks í
landbúnaði, efla nýliðun og fræðslu í
landbúnaði. Þessir þættir skipta enn
gríðarlegu máli og engin ástæða til
að láta staðar numið.“
Framtíð íslenskrar
matvælaframleiðslu er hjá
ungum bændum
Að sögn Jónu Bjargar er vægi
radda ungra bænda meira þegar
þeir hafa félagsskap á bak við sig.
Eðlilegt sé að þeir hafi aðkomu að
mótun landbúnaðar til framtíðar.
„Auðvitað á að skipa fulltrúa ungra
bænda í vinnu- og starfshópana sem
koma að skipulagi framtíðarlands-
lags land búnaðarins á Íslandi – og
matvælaframleiðslunnar. Það eru
jú einmitt þeir sem ætla að stunda
landbúnað í framtíðinni.
Nýliðunarstyrkurinn
eitt það mikilvægasta
Það hefur lengi verið talið að
nýliðun í íslenskum landbúnaði
sé alltof hæg. Jóna Björg segir
að því sé ekki hægt að neita að
meðalaldur bænda sé hár. „Þetta er
þó aðeins misjafnt eftir búgreinum,
en ég tel að meðalaldurinn meðal
mjólkurframleiðenda sé líklega
lægstur af þessum greinum um
þessar mundir.
Eitt af okkar helsta baráttumáli í
gegnum tíðina var að koma á nýjum
nýliðunarstuðningi, sem er þvert á
allar búgreinar. Þar hefur komið
bersýnilega í ljós að viljinn og þörfin
til nýliðunar er mikil enda bárust 60
umsóknir um nýliðunarstuðning á
þessu ári. Það hefur verið sótt mun
meira í þessa styrki en það sem er
til ráðstöfunar í málaflokkinn. Þar
þarf bersýnilega að bæta í svo um
munar.“
Jóna Björg segir að íslenskur
landbúnaður þurfi að verða
fjölbreyttari atvinnugrein, spurð
um framtíð landbúnaðar hér á landi
og sóknarfæri. Samtök ungra bænda
hafi einmitt lagt áherslu á það atriði
í nýrri stefnumótun.
Afmælismálþing ungra bænda
Í tilefni afmælisins verður blásið
til málþings á Hótel Sögu undir
yfirskriftinni Ungir bændur –
Búa um landið. „Þar viljum við
aðeins taka upp þráðinn frá því á
stofnfundi samtakanna sem fjallaði
mikið um sjálfbærni, en nú viljum
við tala um loftslagsmálin og hvað
landbúnaðurinn geti gert nú á dögum
hamfarahlýnunar. Landbúnaðurinn
þarf að grípa til til róttækra aðgerða
og vera leiðandi,“ segir Jóna Björg.
Málþingið verður sett klukkan
13 og mun standa til 16. Meðal
fyrirlesara verða umhverfisráðherra,
formaður Bændasamtakanna og
formaður Ungra umhverfissinna. Að
sögn Jónu Bjargar eru allir velkomnir
sem áhuga hafa á málaflokknum.
/smh
Jóna Björg Hlöðversdóttir, formaður Samtaka ungra bænda, fagnar tíu ára
afmæli samtakanna meðal annars með málþingi. Mynd / Gígja Hólmgeirsdóttir
Sigurður Eyþórsson, framkvæmdastjóri Bændasamtaka Íslands, segir
að með skipulagsbreytingum hjá samtökunum verði þau líkari öðrum
hagsmunasamtökum í atvinnulífinu hér á landi, sem eru fyrst og fremst í
hagsmunabaráttu og kynningarstarfi. Mynd / HKr.
Skipulagsbreytingar hjá Bændasamtök Íslands:
Aukin hagræðing
og samlegðaráhrif
Í lok september voru kynntar
skipulagsbreytingar hjá Bænda­
samtökum Íslands sem taka gildi
um næstu áramót. Megin þættir
þeirra eru sameining tölvudeildar
BÍ og Ráðgjafarmiðstöðvar land­
búnaðarins og að fjármála svið
samtakanna færist til fjármála­
deildar Hótel Sögu.
Sigurður Eyþórsson, framkvæmda-
stjóri Bænda samtaka Íslands, segir
að tilgangur breyting anna sé að leita
hagræðingar og samlegðar áhrifa í
rekstri samtakanna og dótturfélaga.
„Ástæðurnar eru einkum breyttar
aðstæður í rekstri sem öll aðildar félög
BÍ, sem nutu tekna af búnaðargjaldi,
eru að fást við. Fjármálaumsýsla
samtakanna, þ.e. bókhald, reikninga-
gerð, launagreiðslur og önnur tengd
verkefni, mun eftir breytinguna fara
fram í sameinaðri deild sem sinnir
slíkum verkefnum fyrir samtökin
og dótturfélög þeirra; Hótel Sögu,
Bændahöllina og NBÍ.“
Tölvuþjónustan til RML
„Tölvuþjónustan og ráðgjafarstarf
eru þegar tengd nánum böndum og
með því að sameina þá starfsemi
hjá RML liggja tækifæri í að efla
starfsemina í heild. Ráðgjafarstarfið
byggir ekki síst á upplýsingum úr
skýrsluhaldi bænda og þróun þeirra
kerfa verður heldur ekki skilvirk
nema með beinum og virkum
tengslum við notendur. Mikil
framþróun er í tæknilausnum í
landbúnaði og ráðgjafarstarf bænda
hér heima þarf að nýta þá möguleika
sem í því felast. Félagsmenn í BÍ
munu áfram njóta sérkjara á forritum
eins og verið hefur.“
Bændablaðið með svipuðu sniði
Sigurður segir að Bændablaðið
muni starfa áfram með svipuðum
hætti og áður. Blaðið er öflugt
málgagn bænda og landsbyggðar
sem er dreift um land allt í 32.000
eintökum hálfsmánaðarlega og fær
mikinn lestur og nær þannig til
fólks langt utan bændastéttarinnar
sjálfrar.
Fækkað í yfirstjórn
Bændasamtakanna
Fækkað verður í yfirstjórn Bænda-
samtakanna og hefur staða aðstoðar-
framkvæmdastjóra verið lögð niður.
Eftir breytingarnar verði Bænda-
samtökin líkari öðrum hagsmuna-
samtökum í atvinnulífinu hér á
landi, sem eru fyrst og fremst í
hagsmunabaráttu og kynningarstarfi.
„Vissulega mun taka tíma
að aðlagast breytingunum en
það er sannfæring stjórnar og
framkvæmdastjóra BÍ að sú
leið sem nú er farin eigi eftir að
koma vel út fyrir félagsmenn
samtakanna. Takmarkið er að
verkefnin standi sterkari á eftir,
bæði öflugri þjónusta við bændur
og hagsmunabarátta.“ /VH
Stjórn Geitfjárræktarfélags Íslands, frá vinstri: Anna María Lind Geirsdóttir, Anna María Flygenring, Guðni Ásæll
Indriðason, Birna Kristín Baldursdóttir og Guðný Ívarsdóttir. Mynd / GÍ
Hvanneyri:
Hafrasæðingastöð tekur til starfa
Nýverið tók til starfa hafra sæðinga­
stöð Geitfjár ræktarfélags Íslands í
Þórulág á Hvanneyri og eru það
mikil tímamót fyrir geitfjárrækt
á Íslandi og mikilvægur þáttur í
varðveislu geitastofnsins.
Hafrasæðingastöðin mun skjóta
styrkum stoðum undir söfnun
sæðis, frystingu, nýtingu og lang-
tíma varð veislu erfðaefnis íslenska
geita stofnsins. Varnarlínur vegna
sauðfjársjúkdóma hafa takmarkað
mjög flutning lifandi dýra milli
varnarhólfa og þá munu sæðingar
þjóna mikilvægu hlutverki í að sporna
við hinni miklu skyldleikarækt sem
víða hefur gengið nærri stofninum.
Sæðisbanki mun þjóna sem mikil-
vægt öryggisnet verði stofninn
fyrir verulegum skakkaföllum hvað
varðar stofnstærð og erfðabreyti leika.
Reynsla er komin á geitfjársæðingar,
en haustið 2010 var í fyrsta sinn á
Íslandi fryst sæði úr geithöfrum.
Hafrasæðingastöðin rúmar tíu
gripi í einstaklingsstíum og fer
einkar vel um gripina, að sögn Birnu
Kristínu Baldursdóttur, sem situr í
stjórn Geitfjárræktarfélags Íslands.
/VH