Bændablaðið - 10.10.2019, Blaðsíða 13

Bændablaðið | Fimmtudagur 10. október 2019 13
Útgáfa hjá Matís:
Vefrit um geita- og sauðamjaltir
og smáframleiðslu á hangikjöti
Matís hefur gefið út tvö vefrit um
annarsvegar hangikjöt og hins
vegar geita- og sauðamjaltir. Um
er að ræða faggreinaleiðbeiningar
fyrir góða starfshætti og innra
eftirlit fyrir smáframleiðendur.
Þetta er í fyrsta skipti sem slíkar
leiðbeiningar eru gefnar út.
Óli Þór Hilmarsson, sérfræð­
ingur hjá Matís, tók textann saman
og teikningar eru eftir Sólveigu
Evu Magnúsdóttir. Óli Þór segir
leiðbeiningarnar alfarið byggðar á
þeim lögum og reglugerðum sem
fara þarf eftir við framleiðslu á
þeim vörum sem þær ná yfir. „Þær
eru settar fram í aðgengilegum
texta, oft með skýringarmyndum.
Leiðbeiningarnar eru lesnar
yfir af eftirlitsaðilanum, í þessu
tilfellli Matvælastofnun, sem að
lokum samþykkir að skilningur
laga og reglna komist sem best
til skila. Þar með eru komnar
skýrar leiðbeiningar um hvernig
skuli staðið að framleiðslu á
hinum ýmsu vörum. Í löndunum
í kringum okkur hefur útgáfa sem
þessi verið stunduð lengi, hvort
heldur það er til einföldunar fyrir
smáframleiðendur eða hina stærri.
Fagleiðbeiningarnar fyrir
Geita­ og sauðamjaltir
voru unnar í samvinnu
við Geitfjárræktarfélag
Íslands, Landssamband
sauðfjárbænda, samtök in
Beint frá býli og Matvæla­
stofnun. Fag leið bein­
ingarnar fyrir hangikjöt
voru unnar í samvinnu við
Landssamtök sauðfjár­
bænda, Matvælastofnun
og samtökin Beint frá
býli.
Leiðbeiningarnar eru
aðgengilegar í gegnum
vef Matís, undir „Útgáfa
og miðlun“. /smh
Sýnishorn úr leiðbeiningaritinu um framleiðslu
á hangikjöti.
Óli Þór Hilmarsson tók textann
saman í handbókunum.