Bændablaðið - 10.10.2019, Blaðsíða 7

Bændablaðið | Fimmtudagur 10. október 2019 7
LÍF&STARF
U ndir lok síðasta þáttar var kynntur til sögunnar hagyrðingurinn Þórarinn Þorleifsson kenndur við
Vegamót á Blönduósi. Það verða að teljast
kostuleg örlög, að eitt af sjö börnum þeirra
hjóna, Þórarins og Helgu Kristjánsdóttur
á Vegamótum, Guðný Þórarinsdóttir,
giftist einum ástsælasta hagyrðingi okkar
tíma, Óskari Sigurfinnssyni í Meðalheimi
á Ásum. Því hlutu þær mægðir að leiða til
mikillar framlegðar í vísnagerð. Óskars
í Meðalheimi hefur verið nokkuð getið
í þessum þáttum, en hans mun getið af
ágætum síðar. Þórarinn, eða „Þóri“ eins og
hann var tíðum nefndur, orti flestar sínar
vísur í dagsins önn og í glettum við sína
samverkamenn. Marga gullvísuna orti Þóri
og guði hinna göróttu drykkja, Bakkusi:
Seytlar um mig sælukennd,
súpa vann ég glaður.
Við að drekka vínin brennd
verð ég annar maður.
Burtu hrekur ótta og ugg,
ógleðina og fleira.
Þetta er frekar bragðgott brugg;
bjóddu vinur meira.
Þóri hafði gott brageyra og vald á
vísnaháttum:
Gleymist þrenging hal og hrund,
hörpu glæðast slögin.
Gefa drengjum glaða stund
gömlu kvæðalögin.
Nágranni Þóra kveinkaði sér undan
veröldinni og vonbrigðum lífsins. Þóri orti
undir þeim sorgarsöng:
Já oft hafa vonbrigðin orðið mér sár,
þau alveg að forðast er vandi,
en framan í náungann felli ei tár
þó fjandinn við hæla mér standi.
Að loknum dansleik á Blönduósi bárust þær
fréttir, og fóru greitt um sveitir, að lausungar
tæki að gæta í nokkrum hjónaböndum er
líða tók á nótt. Þóri fléttaði fréttirnar í rím:
Fréttir gjarnan fæðast hratt,
flytur skrattinn víða,
að margar þarna færu flatt
frúrnar dottnar í‘ða.
Í vegavinnuflokkum þessara tíma, var
jafnan haldin ráðskona. Gist var í tjöldum
á þessum árum. Því þekktust þess dæmi,
að þjónusta ráðskonunnar væri ekki
einvörðungu til borðs, og sæist til hennar
með koddann sinn á trítli milli tjalda. Þóri
lýsir nótt undir þannig kringumstæðum:
Ekki var mér alltaf rótt
undir sængurfaldi,
mér þó stytti marga nótt
Magnús inni í tjaldi.
Reynir Hjartarson prentari, og síðar
kennari á Akureyri, hefur gegnum allan
aldur sinn fengist við vísnagerð. Þar
sem síðustu þættir hafa verið helgaðir
hagmælsku Austur-Húnvetninga, þá fer vel
á því að Reynir, fóstraður og frændkominn
Húnvetningur, fylli það sem lifir þessa
þáttar. Næstu vísur eru nýlegar úr kompum
Reynis, sem nú hefur flutt lögheimili sitt
til Dalvíkur. Mesti asinn í Reyni er nú að
baki, og íþróttaafrek hans í gleymsku fallin:
Nær æviskeiðið út er runnið
ekkert held mér lengur hlífi,
og hetjudáðir engar unnið
aðra en þá að halda lífi.
Út í buskann árin þjóta,
ellimörkin hælinn bíta,
og sólarhringinn sýnist móta
að sofa, vakna, éta og skíta.
Svo rofar ögn til sólar hjá Reyni, og grípur
hann þá til dýrari hátta:
Engin gullkorn á ég fín
oft þó bulli á fundum.
Ötull sulla ég öl og vín,
enda fullur stundum.
Umsjón:
Árni Geirhjörtur Jónsson
kotabyggð1@gmail.com
235MÆLT AF
MUNNI FRAM
Skemmtileg fjárlitasýning
í Árbæjarhjáleigu
Fjöldi manns mætti á bæinn Árbæjarhjáleigu
í Holtum sunnudaginn 6. október þar sem
árleg litasýning fjárræktarfélagsins Lits
fór fram.
Á sýninguna koma bændur með fallegustu
lömbin sín til dóms, auk þess sem litfegursta
lamb sýningarinnar var valið af áhorfendum og
falleg gimbur var boðin upp. Magnús Hlynur
Hreiðarsson lét sig ekki vanta á sýninguna og
tók meðfylgjandi myndir.
Gestir sýningarinnar gátu valið fegursta lambið með því að skrifa númer þess á blað. Mikið af
fallegum lömbum komu fram á sýningunni.Fermingarbræðurnir D
avíð Sigfússon (Dadd
i
í Sumarliðabæ t.v.) og
Olgeir Engilbertsson

í Nefsholti höfðu gam
an af sýningunni og

höfðu margt um að ræ
ða eins og alltaf þega
r
þeir hittast.
Ungur og vonandi ef
nilegur sauðfjárbónd
i,
sem mætti með sín
u fólki á sýninguna
,
Þorgeir Óli Eiríksson
frá Húsagarði.
Starfsmenn fjárlitasýningarinnar, frá vinstri, Jón Vilmundarson, Skeiðháholti (dómari), Hulda Brynjólfsdóttir, Tyrfingsstöðum (hún valdi bestu
ullina) og Guðlaugur H, Kristmundsson, Lækjarbotnum og formaður Lits, sem sá um að afhenda verðlaunin.
Kristinn Guðnason í Árbæjarhjáleigu var kynnir sýningarinnar og stóð sig vel í því hlutverki
eins og alltaf. Sýningin í ár var sú fjölmennasta sem haldin hefur verið og mjög skemmtileg á
allan hátt.