Fréttabréf Öryrkjabandalags Íslands - 01.09.1995, Blaðsíða 28
kynnt til lífeyrisdeildar Tryggingar-
stofnunar og umsjónaraðila.
Umsjónaraðili: Hlutverk hans er
fyrst og fremst að fylgjast með því
hvernig hinum fatlaða vegnar í
starfinu, koma til aðstoðar ef eitthvað
bjátar á og vera tengiliður gagnvart
öðrum samningsaðilum, þ.e.a.s.
fyrirtækinu og Tryggingastofnun.
Tryggingastofnun tilnefnir um-
sjónaraðilann og skal hafa samráð við
hann varðandi endurnýjun og eftirlit
vinnusamnings. Umsjónaraðilinn
getur verið sami aðili og hafði
milligöngu um gerð vinnusamnings-
ins.
Samningstímbil og reynslutími:
Vinnusamningurinn skal gerður til
ákveðins tíma í senn en heimilt er að
endurnýja samninginn. I samningnum
skal kveðið á um 3ja mánaða reynslu-
tíma. Hér er um að ræða umþóttunar-
tíma fyrir fyrirtækið og hinn fatlaða
en ef allt gengur að óskum heldur ein-
staklingurinn áfram hjá fyrirtækinu í
ákveðinn umsaminn tíma. Heimilt er
að gera vinnusamning til skemmri
tíma en 3ja mánaða þegar um er að
ræða fatlaða námsmenn sem fá e.t.v.
ekki vinnu strax að skóla loknum.
Fjöldi samninga í dag
í viðtali við aðaldeildarstjóra og
deildarstjóra hjá lífeyrisdeild Trygg-
ingastofnunar kom fram að nú eru 11
samningar í gangi, þar af 4 skv. nýju
reglugerðinni. Nokkrar fyrirspurnir
hafa borist frá fyrirtækjum og vitað
er um umsóknir sem eru á leiðinni.
Starfsmenn Tryggingastofnunar telja
brýnt að auglýsa reglugerðina og
hyggur lífeyrisdeildin á útgáfu kynn-
ingarbæklings í því skyni sem yrði
1 íklega í sama formi og þeir bæklingar
sem þegar hafa verið gefnir út t.d. um
örorkubætur.
Að lokum vil ég geta þess að ég
hef hér að ofan ekki fjallað um öll
atriðin í reglugerðinni en ég vil hvetja
fólk til að útvega sér hana hjá heil-
brigðis- og tryggingamálaráðuneyt-
inu. Reglugerðina skal endurskoða
einu ári eftir gildistöku hennar og
verður þá athugað hver reynslan hefur
orðið. Með nýrri reglugerð um
öryrkjavinnu er fyrirtækjum gert kleift
að taka virkari þátt í starfsþjálfun og
endurhæfingu fatlaðra í atvinnulífinu
en áður hefur verið. Ég vona að
fyrirtæki sýni þessu nýja verkefni
áhuga, með því móti em þau að stuðla
að bættri afkomu og betri líðan
fatlaðra einstaklinga sem margir eru
einangraðir heima fyrir en óska þess
eindregið að virkja krafta sína við
nytsöm störf.
Elísabet Guttormsdóttir
deildarstjóri
Atvinnudeildar fatlaðra
Vinnumiðlun Reykjavíkurborgar.
Gátuvísur
Magnúsar Jónssonar
1. Til hlífðar er á höfði í Straumsvík hart með efnið,
kirkjuljósa sézt með safnið,
sjaldgæft mjög er þingmannsnafnið.
2. Ein sé stúlka úti um nótt, skal um sig vera,
rjóð hún tanna skýlir skara,
skarð sem bátur í mun fara.
3. Efst það kemst á ílátið ef úr vill buna,
tvö á skipi menn það meina,
mublu og fjöl skal líka greina.
4. Bréf í húsin ber ég æ,
úr blaði einn mig klippti,
vatni úr jörðu veitt ég fæ,
víða gluggum skipti.
5. Löngum notast gat ég greitt við gluggakítti,
spilasort - það vitrir votti-,
veiti fiski upp úr potti.
6. Kemur eftir högg á húð,
hross í bústofnssafni,
fellur votur fars að súð,
fremst í kvenmannsnafni.
7. Krónuhluti er það einn - það alltaf munum,
slettist upp við slabb að vonum,
slæmt er að vera ausinn honum.
8. Innan í er efni sterkt og innst er fiður,
það í skáldskap merkir maður,
mjög við sjósókn bundinn staður.
9. Oft sér mæla ástum fangin ungu pörin,
sterk er í þau steypa borin,
stefnt er oft að því á vorin.
10. Alltaf hana á opnu skipi í var tekið,
rándýr með þeim rífa mikið,
raftækjum í samband vikið.
Ráðningar á bls. 45
28